வில்லு - திரைவிமர்சனம்

பதிவர்கள்.. வாசக நண்பர்கள் அனைவருக்கும் பொங்கல் திருநாள் வாழ்த்துக்கள்..


போக்கிரி காம்பினேஷன்.. அதனால் எதிர்பார்ப்பும் அதிகம். வழக்கமான பார்முலா பழிவாங்கல் கதை. பில்லா போல ஸ்டைலாய் படமெடுக்க வேண்டிய கட்டாயத்தில் பல காட்சிகளை எடுத்திருக்கிறார்கள். ஆனால் பாவம் அவுட்புட்தான் சரியில்லை.

தேசதுரோகியின் மனைவி என்று நெற்றியில் பச்சை குத்தப்பட்ட தன் தாயின் பழியையும், தன் தந்தையை கொன்ற பழியையும், பார்க்க வந்த நம் பழியையும் வாங்கும் கதை.

முதல் பாதியில் எதோ ஜேம்ஸ்பாண்ட் பட கணக்காய் பயங்கராமாய் பில்டப் செய்திருக்கிறார்கள். வடிவேலு, விஜய், நயந்தாரா.. கல்யாண வீடு காம்பினேஷன் சூப்பர். அருமையாக க்ரியோகிராப் செய்யப்பட்ட காட்சிகள். அனால் தனியே வடிவேலு செல்ப் எடுக்கவில்லை. அதிலும் மாடுடன் சண்டையிடும் காட்சிகளில் நகைச்சுவைக்கு பதிலாய்.. கடுப்பையே ஏற்றுகிறது.

நயந்தாரா.. அழகாய் இருக்கிறார். கவர்ச்சியாய் இருக்கிறார். ரொம்பவும் ஒடிசலாகாமல் இப்போது கொஞ்சம் பூசினார் போல் இருக்கிறார். ம்ஹூம் நமக்கில்லை. அவருக்கு கொடுத்த வேலையை சரியாய் செய்திருக்கிறார்.

விஜய்.. சில காட்சிகளில் அழகாய் இருக்கிறார், சண்டை போடுகிறார். காமெடி செய்கிறார். வாயை திறந்து பேசத்தான் மாட்டேன்கிறார்.

பிரகாஷ்ராஜ், தேவராஜ், ஆனந்தராஜ் என்று ஏகப்பட்ட ராஜ்கள் வில்லனுங்களாம்..? அதிலும் பிரகாஷ்ராஜின் விக் செம காமெடி.. தேவராஜின் அடியாளாய் வரும் ஸ்ரீமனுக்கு பில்லா போலவே. இதிலும் ஒரு சொதப்பல் கேரக்டர்.. பிரபு தேவாவுக்கும், ராஜுசுந்தரத்துக்கு, வில்லன்கள் மேல் என்ன கோபம்..?

பாடல் காட்சிகளில் ஏனிந்த வறட்சி.. ஏதாவது பட்ஜெட் பிராப்ளமா? வழக்கமான துள்ளல் முதல் பாடலை தவிர மற்ற பாடல்களில் இலலை. பிரபுதேவாவுக்கு ஏற்கனவே எடுத்த படத்தை பார்த்து எடுப்பதில் பிரபுதேவா அவ்வளவாக பிரச்சனையில்லை. புதிதாய் எடுப்பதில் உள்ள பிரச்சனை இப்படத்தில் தெரிகிறது.

தேவி ஸ்ரீ பிரசாத்தின் பாடல்கள் எல்லாமே தெலுங்கில் பவன் கல்யாண் நடித்த ‘ஜல்சா’ படத்தின் பாடல்களே. பாடல் வரிகள் அனைத்துமே டப்பிங் பட பாடல்களை நினைவூட்டுகிறது. அதையும் மீறி சில பாடல்கள் தாளமிட வைக்கிறது.

ஒளிப்பதிவு ரவிவ்ர்மன். க்ளைமாக்ஸ் செம்மண் சண்டையில் படப்பிடிப்பு அருமை. அந்த ராணுவ காட்சிகள் ரொம்பவே சொதப்பல்.

படத்தில் வடிவேலுவை தவிர பயங்கரமான காமெடி காட்சிகள் உள்ளது. முக்கியமாய் விஜயின் ராணுவ மேஜர் சீன்கள். அதிலும் விறைப்பாய் நடிக்கிறேன் என்று அவர் நடிக்கும் காட்சி செம காமெடி.. ஏணுங்கண்ணா.. நமக்குதான் நடிப்பு வராதுங்களே.. புறவு எதுக்கு..? வருவது கொஞ்சமே இருந்தாலும் சிரித்து, சிரித்து வயிறு புண்ணாகி போகிறது. நடு நடுவே பாட்லின் நடுவில் பாரதியார் வேறு.. மழலை நிகழ்ச்சிகளில் குழந்தைகள் வேடமிட்டு வருமே அந்த மாதிரி இருக்கிறது..

ஒப்பனிங் சாங்கில் குஷ்புவுடன் விஜய் ஆடுகிறார். போகிற போக்கில் பறவை முனியம்மாவுடன் ஒப்பனிங் சாங் வ்ரும்போல..

முதல் பாதியில் ஏதோ ஒப்பேத்தியிருந்தாலும், செகண்ட் ஹாப்.. ரொம்பவே சொதப்பல் அதிலும் 1980ன் கிளைமாக்ஸ் நம்மை ரொம்பவே சோதிக்கிறது.

வில்லு.. டார்கெட் இல்லாதது.



Blogger Tips -நிதர்சன கதைகள் -1 “என்னை பிடிக்கலையா” வை படிக்க இங்கே அழுத்தவும்



உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..