தீ – திரைவிமர்சனம்

ஒரே மாதத்தில் 30,000 ஹிட்ஸுகளை கொடுத்த, வாசகர்களுக்கும், பதிவர்களுக்கும் நன்றி.. நன்றி.. நன்றி..

நமீதாவை எதிர்பார்த்து போனால் ஆம்பளை நமீதா போல் நிர்வாணமாய் வருகிறார் சுந்தர்.சி. முதல் காட்சியிலேயே அரண்டு போக வைத்து விட்டார்கள். அதற்கு அப்புறம் எப்படி படம் பார்க்கிறது? எதை பார்த்தாலும் மிரட்சியாவே தெரியுது.

வழக்கமான விஜயகாந்த பாணி போலீஸ் ரவுடி அரசியல்வாதி பிரச்சனைதான். ஒன்றும் புதுசாய் இல்லையென்றாலும், பிரசண்டேசனிலாவது ப்ரெஷாக கொடுக்க முயற்ச்சித்திருக்கலாம், தெலுங்கு படம் போல சரக், சரக் கென்று எபெக்ட் போட்டு நம்மை பயமுறுத்துகிறார்கள்.

கட்சி தலைவர் சாயாஜி ஷிண்டே என்கிறார்கள், ஆனால் முதலமைச்சர் வேறு எவரோ.. அவர் கட்சி கெட்ட எம்.எல்.ஏ ஜி.எம்.குமார். இவரகள் இருவரும் சேர்ந்து ஆட்சியை பிடிக்க நினைக்கிறார்களாம்.  இந்த லட்சணத்தில் இவர்களின் கட்சி முக்கிய முடிவுகள் எல்லாவற்றையும் எடுப்பது, பிரபல நடிகை ருச்சிதேவி. அதாங்க நம்ம நமீதாதான். இவங்க எல்லாம் கெட்டவங்களாம், ஆனா முதல்மைச்சர் மட்டும் ரொம்ப நல்லவராம். ஸ்….ஸ்ஸ்ஸ்ஸ்ஸ் அப்பா கண்ணை கட்டுதே..

சுந்தர்.சி போலீஸ் இன்ஸ்பெக்டராம், அவர் ப்ரோமோஷன் கொடுத்து ஏசிபி ஆனதுக்கு பின்னாடி கூட இன்ஸ்பெக்டர்னே கூப்பிடறாங்க.. அதைவிடுங்க, மொட்டை அடிச்சு கொஞ்ச முடி மொளைச்ச ஆளை அடையாளம் தெரியாதா என்ன.? அது தெரியாமா.. அவருக்கு புது ஆளுன்னு நினைச்சு, அவரை எம்.எல்.ஏ ஆக்கி, கடைசில அவரு தான் இன்ஸ்.. சே சாரி ஏசிபின்னு தெரிஞ்சதும், அதிர்ச்சியடையராங்களாம். பேசாம எம்.ஜி.ஆர். படம் போல மச்சம் வச்சிருந்திருக்கலாம்.

புதுமுகம் ரம்யா பாவம் ஏதோ வெளிநாட்டுல ரெண்டு பாட்டு பாடுனதோட சரி, மூணு குழந்தைக்கு தாயா வர்றாங்க.. செத்து போறாங்க.. அதிலேயும், கலவரத்துல அவங்கள கொல்ல்லுற சீன்  இருக்கே அது ஒரு பெரிய காமெடி,

படத்தின் ஹைலைட்டா இருக்கிற விஷயம், போலீஸ் ஒரு நாள் ஸ்டைரைக் பண்ணா என்னவாகும்ங்கிறாது தான். ஆனா அதை எவ்வளவு அமெச்சூர் தனமா எடுக்க முடியுமோ. அவ்வளவு கேவலமா எடுத்திருக்காங்க.

நமிதா ஒரு இருவது நிமிஷம் வர்றாங்க, ஏசி தியேட்டர் எல்லாம் சூடாகுது. முமைத்கான் லிப் சிங்கே இல்லாம ஒரு பாட்டை பாடுறாங்க.. பாட்டை யார் பார்த்தா?

தீ – பத்தலையே பரட்டை…

டிஸ்கி;

சன் டிவி இரண்டு குடும்பங்களுக்கிடையே சண்டை இருந்த போது வாங்கிய படம் போலிருக்கிறது. பல இடங்களில் வசனங்கள் அவர்களுக்கே ஆப்பு வைக்கிறது.

Blogger Tips -கொத்து பரோட்டா பதிவை படிக்க இங்கே அழுத்தவும்


உங்கள் ஓட்டை தமிழ்மணத்திலும், தமிலிஷிலும்,Nதமிழ்லேயும் குத்துங்க.. எசமான் குத்துங்க..