பெ’ண்’களூர்

கடந்த ரெண்டு நாட்களாய் பெங்களூரில் அவசர வேலை.. ஒரு பைனாசியரை பார்பதற்க்காக உடனடியாக வர சொல்லி அழைப்பு வர, நானும் என்னுடய புரொடியூசரும் ரயில் டிக்கெட் கிடைக்காமல்  காரிலேயே கிளம்பினோம். திங்கட்கிழமை ஆதலால் பெங்களூர் ஹைவேயே எங்களுக்காக அலம்பி விட்டது போலிருக்க, சுமார் 51/2 மணிநேரத்தில் பெங்களூருக்குள் போய் சேர்ந்துவிட்டோம்.. ஒரே வெயில்

************************************************************************************************]

ரிசெஷன்காரணமாய் ஸ்டார் ஓட்டல் எல்லாம் புக்கிங் இல்லாமல் காய்கிறது. நாங்கள் பிரிகேட் ரோடில் உள்ள Iris என்கிற ஓட்டலில் தங்கினோம் ஆறாயிரம் ரூபாய் ரூம் மூவாயிரம் ரூபாய்க்கு காலை ப்ரேக்ஃபாஸ்ட் ஃபபே இலவசம். அருமையான கவனிப்பு, அற்புதமாய் உள்ளமைக்கபட்ட ரூம்கள்.. குளு, குளு ஏசி, என்று அருமையாய் இருந்தது. வெளியே கொளுத்தியது.
ஏசியை நினைக்கும் போது சுஜாதாவின் ஒரு நடுப்பகல் மரணம் கதையில் ஒரு வசனம் வரும் ”ஏசி ரூம் இருக்குமா?” “பெங்களூர் முழுக்கவே ஏசி தனியா ஏசி வேறயா“ என்பது போல் வசனம்  வரும். குளோபல் வார்மிங். எங்கள் ரூமிலிருந்து பிரிகேட் ரோட் முழுவதையும் பார்க்கலாம். அவ்வளவு அழகு. முக்கியமாய் எங்களை வரவேற்ற ரிஷப்ஷன் பெண்.. ம்ஹூம்ம்ம்ம்

************************************************************************************************

பெண்கள் எல்லோரும் செய்து வைத்ததை போல் கடைகளில் வைத்திருக்கும், பொம்மை போல இருக்கிறார்கள் அதே அளவுகளில்.  இவர்களை எல்லாம் எங்கிருந்து செய்து அனுப்புகிறார்க்ள்? அதிலும் அந்த பிரிகேட் ரோட், எம்.ஜி.ரோடில் நடப்பவர்கள் முக்கால்வாசி பேர் ஏறக்குறைய தேவதைகள். சரிவான அந்த ரோட்டில் அவர்கள் ’மிதந்த;படி நடப்பதை பார்த்து கொண்டிருந்தாலே போதும் போலிருக்கிறது. கருப்பாய், மாநிறமாய், சிகப்பாய், ஈரானிய சிகப்பாய், நீட்டு மூக்காய், கொஞ்சம் விரிந்த மூக்காய், பெரியதாய், சின்னதாய், மீடியமாய், அழகான கண்கள், மருண்ட கண்கள், அரை போதையில் மயக்கும் கண்கள், ரகசியம் பேசும் கண்கள், நீண்ட முடி, ஷார்ட் கட், பாய்கட், உயரம், குள்ளம்,மீடியம், சற்றே அகண்ட இடை, மெல்லிடை, அட இதுதான் இடை பெருத்தவள்,  நளினமாய் பாய்ப்ரெண்டுடன் ஸ்காட்சையோ, பீரையோ, பகார்டி ஃபிரிஸரையா சப்பிக் கொண்டு, லேசான போதையுடனும், ஸ்மோக் பாரில் நளினமாய் சிகரெட் பிடிக்கும் மெல்லிய, தடித்த, அதரங்களின் அழகும், என்று “கடவுளே உனக்கு  ஏன் இத்தனை காண்டு”

பெங்களூர் அல்ல பெ’ண்’களூர்

 

டிஸ்கி : தலைப்பு கொடுத்த மறைந்த எழுத்தாளர் இரவிசந்திரன் அவர்களுக்கு நன்றி

Blogger Tips -விஞ்ஞான கதை-1- பரிசல்காரன் கதை படிக்க இங்கே அழுத்தவும்

உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..