நினைத்தாலே இனிக்கும் – திரைவிமர்சனம்

மலையாள க்ளாஸ்மேட்டை அப்படியே எடுத்திருக்கிறார்கள். கதை களனிலும், மற்றும் சில சின்ன, சின்ன காட்சிகள், கேரக்டர்களில் செய்த மாற்றங்களை தவிர,

பிருதிவிராஜ், ஷக்தி, ப்ரியாமணி மற்றும் பலர் எட்டு ஆண்டுகளுக்கு பிறகு, காலேஜுக்கு திரும்பவும், ஷக்தியின் நினைவு நாளுக்காக ஒன்று கூடுகிறார்கள். கல்லூரி பறவைகளாய் சுற்றி திரிந்தவர்கள், இப்போது குடும்பஸ்தர்களாய் மாறியிருக்க, பிருதிவிராஜும், ப்ரியா மணியும், முன்னாள் காதலர்கள், இந்நாளில் ஒருவரை ஒருவர் பார்த்து பேசக்கூட முடியாமல் இருக்க, தன் மனம் விட்டு பேச போகும் ப்ரியாமணி, அங்கே காண்பது கிடார் கம்பியினால் கொலை முயற்சியில் மயங்கி கிடக்கும் பிரிதிவியை தான். ஏன் அவரை கொல்ல முயற்சிக்க வேண்டும்? யார் செய்திருப்பார்கள்? கொலை செய்யும் அளவிற்கு என்ன நடந்திருக்கிறது? ப்ரியாமணிக்கும், ப்ரிதிவிராஜுக்கும் என்ன பிரச்சனை? ஷக்தி எப்படி இறந்தார்? என்பது போன்ற பல கேள்விகளுக்கு சுவையாய், இன்ட்ரஸ்டாய் சொல்லியிருக்கும் பதில் வெண் திரையில்.

மலையாள திரைக்கதையிலிருந்து பெரிய மாற்றங்கள் ஏதும் செய்துவிடவில்லை. மலையாளத்தில் வேட்டி கட்டி கொண்டு வரும் ப்ரிதிவி, இதில் குத்து பாட்டுக்கு ஆட்டம், ஆடி, பேண்ட் போட்டு கொண்டு வருகிறார். மற்றபடி மலையாளத்தில் இருந்ததை விட கொஞ்சம் அதிக ஸ்லோவாகவே இருக்கிறது முதல் பாதி. திரைக்கதை. தேவையில்லாத பாடல்கள். அதிலும் ஒரு குத்தாட்ட அழகியுடன் வரும் பாடல் மிக சொதப்பல்.

மலையாள படத்தில் வரும் எலக்‌ஷன் காட்சிகள் அவர்களின் இயல்பான மாணவர்களின் அரசியல் ஈடுபாட்டை வைத்து திரைக்கதை பண்ணியிருப்பார்கள். அதுவே மிக பெரிய வலுவாக இருந்தது. ஆனால் அது இங்கே பெரிதாக இம்ப்ரெஸ் செய்யவில்லை.

ப்ரிதிவிராஜ் வழக்கம் போல நடித்துள்ளார், ப்ரியாமணி உடம்பு போட்டு இருக்கிறார். காலேஜ் பெண்ணுக்கு அவ்வளவாக பொறுந்தவில்லை. இறந்து போகு பிரிதிவியின் நண்பனாக ஷக்தி, பெரிதாய் நடிப்பதற்கு வேலையில்லை என்றாலும், முகம் எப்போதும் சிரித்த முகமாய் இருப்பதால் கிடைக்கிற காட்சிகளிலும் சொல்லிக் கொள்கிறார் போல் இல்லை. விஜயின் மேனரிசத்தை விட்டு கொஞ்சம் வெளியே வந்தால் சான்ஸ் இருக்கிறது.

படத்தில் நடிப்பில் கவனிக்க பட வேண்டியவர் கார்த்திக் குமார். பொய் சொல்ல போறோம் கதாநாயகன். இதில் பணக்கார வில்லத்தனமான கேரக்டர். மிக அருமையான பாடி லேங்குவேஜ். கிடைக்கிற கேப்பில் நடிக்கிறார். இவருக்கும் இன்னும் சரியான ப்ரேக் அமையவில்லை என்றே சொல்ல வேண்டும்.

ஷக்தியின் அப்பாவாக பாக்யராஜ். வழக்கமான அப்பாவாக வருகிறார். மலையாளத்தில் கேரள பாக்யராஜ் என்று அழைக்கப்படும் பாலசந்திரமேனன் நடித்திருப்பார். லொல்லு சபா ஜீவா, இளவரசு எல்லோரும் ஓகே. இந்த மனோபாலாவை யாராவது படம் கொடுத்து வேலைய பாக்க சொல்லுங்க.. ஒரே மாதிரி பேசி, நடித்து ரொம்பத்தான் இம்சை படுத்துறாரு.

பாலசுப்ரமணியத்தின் ஒளிப்பதிவு தெளிவு. ஆனால் சமீபத்தில் இவ்வளவு மோசமாய் ஒரு புட்பால் மேட்ச் படமாக்கப்பட்டு பார்த்ததில்லை.

விஜய் ஆண்டனியின் இசையில் ஏற்கனவே இரண்டு பாடல்கள் ஹிட். அல்லா பாடலும், அழகாய் பூத்ததே பாடல் சுகமான ராகம். ஆனால் தப்பான இடத்தில் ப்ளேஸ்மெண்ட். பிண்ணனி இசையில் ஆங்காங்கே தெலுங்கு ஹாப்பிடேஸ் தென்படுகிறது. சன் டிவியின் புண்ணியத்தால் மீண்டும் மீண்டும் போடப்பட்டு பாடல்கள் ஹிட்டாக்க படலாம். ஆனால் கேட்டவுடன் நெகிழ வைக்கும் கிளாஸ்மேட்ஸ் ஒரிஜினல் பாட்டு போல இல்லை ஷத்தியின் அறிமுக பாடல்.

இயக்குனர் ஜி.என்.ரங்கராஜனின் மகன் ஜி.என்.ஆர். குமரவேல் இயக்கியிருக்கிறார். இரண்டு மணி நேர படமாய் இருந்தும் ஆரம்பத்தில் நத்தை வேகத்தில்தான் செல்கிறது. வசனங்கள் சில இடங்களில் அபத்தம். . அதிலும் ப்ரியாமணி, ப்ரிதிவி காதல் காட்சி வசனங்கள். புட்பால் மேட்ச் காட்சியில் பேசும் வசனத்தில் பாக்யராஜ் தெரிகிறார். ஒரிஜினல் மலையாளத்தில் ஷக்தியின் கேரக்டர் மேல் ஒரு சாப்ட் கார்னர் வரும் அது இந்த படத்தில் மிஸ்சிங். சன் டிவிக்கு சொல்லிக் கொள்ளுபடியான ஒரு படம்

நினைத்தாலே இனிக்கும் -நினைச்சா இனிக்கும்..

டிஸ்கி:

படம் ஆரம்பித்ததும் மக்கள் டைட்டில் போடும் போது கொஞ்சம், ஆரவாரம் செய்வார்கள் இலலியா? ஆதையும், மொக்கை பாட்டுக்கு முன் வரிசையில் உள்ள ஆடியன்ஸ் சிலரை தியேட்டர் ஸ்கிரீன் மேடையில் ஆடவிட்டு அதையும் ஷூட் செய்து கொண்டார்கள். கமலா தியேட்டரில் சன் டிவிகாரர்கள். நாளைய செய்திகளில் தமிழகம் எங்கும் மக்கள் ஆரவாரம், பாடல்களுக்க்கு தியேட்டரில் நடனம் என்று சன் செய்திகளில் காட்டுவார்கள். நம்ப வேண்டாம் என்று கேட்டு கொள்ள படுகிறார்கள். ஆனாலும் அவங்களோட தொழில் நேர்மை எனக்கு பிடிச்சிருக்கு. :)

மலையாள க்ளாஸ்மேட்டின் சூப்பர் ஹிட்டுக்கு முக்கியமான அந்த பாடலின் வீடியோ.

Technorati Tags: திரை விமர்சனம்,நினைத்தாலே இனிக்கும்

உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

---

Post a Comment