ஈரம் – திரை விமர்சனம்

ரொம்ப நாள் ஆயிற்று இந்த ஜெனரில் படம் பார்த்து, அதுவும் இந்தளவுக்கு டெக்னிகல் எக்ஸலன்ஸோடு. மிரட்டியிருக்கிறார்கள் மேக்கிங்கில்.

சிந்துவின் சாவிலிருந்து கதை ஆரம்பிக்கிறது.  சிந்துவின் சாவு பற்றிய விசாரணையை, துவங்கும் அஸிஸ்டெண்ட் கமிஷனராக ஆதி வருகிறார். தற்கொலையாக கருதப்படும் சாவை, ஏ.ஸி மட்டும் கொலையாக பார்க்க, தொடர்ந்து அதே அடுக்குமாடி குடியிருப்பில் இருப்பவர்கள் கொலை செய்யப்பட, மேலும் இறுகுகிறது சிக்கல், யார் கொலையாளி என்று தெரியாத நிலையில், கொலைக்கான ஆயுதம் தண்ணீர் என்பதை கண்டுபிடிக்கிறான். ஏஸி, சிந்துவின் முன்னாள் காதலனும் கூட,  கடைசியில் சிந்து கொலை செய்யப்பட்டாளா..? அல்லது தற்கொலையா? மற்றவர்கள் இறந்ததுக்கான காரண்ம் என்ன? என்பது போன்ற கேள்விகளுக்கு மிரட்டலாய் பதில் சொல்லியிருக்கிறார்கள்.

படத்தின் முதல் காட்சியே நம்மை சீட் நுனிக்கு கொண்டு வருகிறார்கள், மாடி படிகளில் தண்ணிர் வழிவது, பாத்டப்பில் சிந்து மூழ்கி இறந்து கிடப்பது,  என்று ஆரம்பித்து, அதற்கு பிறகு வரும் இன்வெஸ்டிகேஷன் காட்சிகளாகட்டும், மழை காட்சிகளாட்டும், உதயம் தியேட்டர் பாத்ரூமில் நடக்கும் அமானுஷ்ய காட்சியாகட்டும், சும்மா பின்னி பெடலெடுத்திருக்கிறார்கள்.

முதல் பாதி முழுவதும் இடையிடையே சிந்துவிற்கும், ஆதிக்குமிடையே ஆன காதல் கதை இயல்பாய் விரிகிறது. இரண்டாம் பாதியில் சிந்துவின் ப்ளாஷ்பேக், “என்னை பாத்து சொல்லு” என்ற டயலாக்கை சரண்யா மோகன், சொன்னதும், ஆதி ஒரு ரியாக்‌ஷன் கொடுப்பார், சில்லிட்ட உணர்வோடு, அதை நான் தியேட்டரில் உணர்ந்தேன்.

மிருகம் படத்தில் நடித்த ஆதீயா இது, மிக அழகான கண்ட்ரோல்ட் பெர்பாமென்ஸ், டயலாக் டெலிவரியிலாகட்டும், பாடி லேங்குவேஜிலாகட்டும், அவ்வளவு இயல்பு.

நந்தாவுக்கும் இது ஒரு ரி எண்ட்ரி படம்தான். மிக அழுத்தமான கேரக்டர். அதை உணர்ந்து நடித்திருக்கிறார். பல இடங்களில் அமைதியாய் உடல்மொழியிலேயே நடித்திருக்கிறார். உள்ளுக்குள் பயம் ஏற்படுகிறது.

கடல் பூக்கள் சிந்துமேனனுக்கு இது ஒரு ரி எண்ட்ரி படம். பக்கத்துவீட்டு பெண்ணை பிரதிபலிக்கும் தோற்றம். அதிலும் அவர் இறக்கும் காட்சியில் மனதை பிசைகிறார். அதே போல் சரண்யா மோகனும் பல இடங்களில் கண்களாலேயே மிரட்டியிருக்கிறார்,

ஏ.ஸியின் நண்பனாக வரும் காதல் கண்ண்னுக்கு மிகப் பெரிய ப்ரேக். நன்றாக பயன்படுத்தியிருக்கிறார். வாய்ப்பை. எதிர் வீட்டு மாமி, அந்த காலேஜ் பெண், அவளின் காதலன் என்று எல்லோருமே தங்கள் பாத்திரம் உணர்ந்து செய்திருக்கிறார்கள்

படத்தின் இவ்வளவு பெரிய வெற்றிக்கு முக்கிய காரணமான இரண்டு பேர் அது ஒளிப்பதிவாளர் மனோஜ் பரமஹம்சாவும், இசையமைப்பாளர் தமனும் தான். இரண்டு பேரும் போட்டி போட்டு கொண்டு, நம்மை மெல்ல ஆக்கிரமிக்கிறார்கள், ஊடுருவுகிறார்கள், சில்லிட வைக்கிறார்கள். அவவளவு அற்புதமான உணர்வு. தமனை பற்றி நான் முன்பே சொல்லியிருக்கிறேன்.

எதிர் வீட்டு மாமி சாகும் காட்சியில் தண்ணீரே ஒரு கேரக்டர் ஆகி, அவளை கொலை செய்யும் காட்சியின் ஒளிபதிவும், பிண்ணனி இசையும் அபாரம். அதே போல் உதயம் தியேட்டர் காட்சி திடுக்கிட வைக்கிறார்கள் இருவரும். இந்த திரைபடத்தின் ரியல் ஹிரோஸ் இவர்கள் இருவர்தான்.

முதல் படத்திலேயே வழக்கமான கதை களத்தை தொடாமல் சென்ற இயக்குனர் அறிவழகனை பாராட்ட வேண்டும்,  தற்கொலையை கொலை என்று சந்தேகிக்க, அழுத்தமான காரணம் இல்லாததும், படம் கொஞ்சம் நீளமாய் இருப்பது,க்ளைமாக்ஸ், போன்றவை குறையாக இருந்தாலும், காட்சிகளை கிராப்ட் செய்திருக்கும் அழகுக்காகவே மீண்டும்  பார்க்க வேண்டும் என்று  தோன்றுகிறது. படம் முழுவதும் மழையை ஒர் கேரக்டராகவே உலவ விட்டிருப்ப்பது அருமை.  இம்மாதிரியான  படங்களில்  வழக்கமாய் கதைக்கு பெரிய முக்யத்த்டுவம் கொடுக்க மாட்டார்கள். இவர் அதிலிருந்து விலகி ஒரு அழகிய காதல் கதையையும் சொல்லியிருக்கிறார்.

அதே போல் க்ளைமாக்ஸ் காட்சிகளில் இன்னும் கொஞ்சம் மெனகெட்டிருக்கலாமோ என்று  தோன்றுகிறது. படம் முழுவதும் இயக்குனரின் கைவண்ணம் அவரது மேக்கிங்க் ஸ்டைலிலேயே  தெரிகிறது. ஷங்கரின் பட்டறையிலிருந்து இன்னொரு ஸ்ட்ராங் அவுட்புட்.

ப்டத்தில் குறைகளே இல்லையா என்று கேட்கலாம்..? இருக்கு அதனாலென்ன எனக்கு பிடிச்சிருக்கு I Recommend.. :)

ஈரம் – மனம் முழுவதும்.

Technorati Tags: திரை விமர்சனம்,ஈரம்

டிஸ்கி:
படத்தை பார்க்க போகும் ரசிகர்கள் யாரும் தயவு செய்து உ.தவின் விமர்சனத்தை படித்துவிட வேண்டாம் என்று தாழ்மையுடன் கேட்டு கொள்ள படுகிறார்கள்.

உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

---

Post a Comment