Duel –(1971)

ஸ்டீவன் ஸ்பீல்பெர்க இயக்கிய முதல் படம். மிக குறைந்த கேரக்டர்களை வைத்து எடுக்கப்பட்ட படம். நம்மை சீட்டின் நுனியில் உட்கார வைத்துவிடும்.

0

தொழிலதிபரான டேவிட்மான் ஒரு மீட்டிங் விஷயமாய் கலிபோர்னியா பாலைவன ரோட்டில் வேறு ஒரு ஊருக்கு அவசரமாய் போய் கொண்டிருக்க,  தன் முன்னே ஓடும் ஒரு பழைய அழுக்கடைந்த டாங்கர் லாரி மிக மெதுவாக செல்ல, அதை முந்துகிறார்.  அதிலிருந்து ஆரம்பிக்கிறது கதை.

தன்னை முந்திய காரை, மீண்டும் முந்தி வந்து, பழையபடி மெதுவாக செகிறது அந்த டாங்கர் லாரி,  மீண்டும் மான் டாங்கரை முந்த, இம்முறை அந்த டாங்கர் மானின் காரை இடித்து அவரை கொல்ல முயற்ச்சிக்கிறது.  என்னை செய்வது என்று தெரியாமல் மிரண்டு போகிறார் மான்.  மிக வேகமாய் வண்டியை ஓட்டி போய் விடலாம் என்று மிண்டும் ஓவர் டேக் செய்து போக, எமன் வேகத்தில் டாங்கர் துரத்த, மயிரிழையில் தப்பிக்கிறார்.

சரி போகட்டும் அவன் என்று ஒரு பாரில் நிறுத்தி இளைபாறிவிட்டு போகலாம் என்று நினைத்து, பியர் சாப்பிட்டு க்கொண்டிருந்தால் மீண்டும் அந்த டாங்கர் ரிவர்ஸ் வந்து  பாரின் வாசலில் காத்திருக்கிறது.  பயத்தின் உச்சத்தில் மான் நடுங்க, டாங்க்ர் கிளம்பி போனவுடன் மெல்ல கிளம்புகிறான். சிறிது தூரம் சென்றவுடன் ரோட்டின் ஓரத்தில் அவனுக்காக காத்திருகிறது டாங்கர். அருகேயிருந்த ஒரு டெலிபோன் பூத்திலிருந்து போலீஸுக்கு போன் செய்ய முயல, டாங்கர் கோபத்தோடு அவனை கொல்ல முயற்சிக்கிறது.  எப்படி டேவிட் மான் அந்த டாங்கரிடமிருந்து தப்பினான்?  என்பதுதான் க்ளைமாக்ஸ்.

படத்திற்கு மிகப்பெரிய பலம் ஒளிப்பதிவு. கலிபோர்னியாவின் அழகிய பாலைவன ஹைவேயை நம் க்ண்ணுக்குள் தகிக்க வைக்கும் ஒளிப்பதிவாளர்,  டாங்கருக்கும், காருக்கும் நடக்கும் போராட்டத்தை சீட்டு நுனிக்கு கொண்டு வரவைப்பதில் அடுத்த் முக்கியஸ்தர் எடிட்டர்.  



ஆரம்பத்தில் அருமையான ஹைவே டிரைவை உற்சாகத்தோடு ஆரம்பிக்கும்படம், அழுக்கு டாங்கரை காட்டியபின் வேறு உணர்வுக்கு மாறுகிறது.  முதல் படத்திலேயே வெறும்  இரண்டு காரக்டர்களை வைத்து, அதிலும் டாங்கர் டிரைவர் யார் என்பதை வெளிகாட்டாமலேயே உங்கள் முதுகு தண்டை சில்லிட வைத்திருப்பர் ஸ்பீல்பெர்க். ஒரு கட்டத்தில் டேவிட் மான் வண்டியோட்டி செல்லும்போது நம்மை அறியாமல் படத்தில் எங்கேயாவது டாங்கர் ஒளிந்து கொண்டிருக்குமோ என்று தேட ஆரம்பிப்பது இயக்குனரின் வெற்றியே.

கார் ஓட்ட தெரிந்தவராய் இருந்தால் படம் பார்க்கும் போது கண்டிப்பாய் உங்கள் கால்கள் தானாகவே கிளட்சுக்கும், பிரேக்குக்கும், ஆக்ஸிலேடருக்கும் அலையும்.

டிஸ்கி:

கிட்டத்தட்ட இதே கதை களனில் ஜாய் ரைட் என்றோரு படம் கொஞ்ச வருஷஙக்ளுக்கு முன் வெளியாகியது என்பது குறிபிடதக்கது.

Technorati Tags: English film reveiw,Duel

ராமி, சம்பத, துப்பாக்கி - சிறுகதையை படிக்க இங்கே அழுத்தவும்.

உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

---

Post a Comment