Wakeup Sid - Hindi Film Review

இலக்கில்லாது வாழும் ஒரு பணக்கார இளைஞனுக்கும், ஒர் இலக்கோடு மும்பை வரும் பெண்ணொருத்திக்கும் இடையே நடக்கும் ஃபீல் குட் ரொமாண்டிக் கதை.

மிக இயல்பாய் ஆரம்பிக்கிறது கதை. பெரிய பிஸினெஸ் சாம்ராஜ்யத்தை ஆளூம் அனுபமுக்கு ஒரே மகன் சித்தார்த எனும் ரண்பீர். அவனுக்கு என்று ஒரு குறிக்கோளோ, ஆசையோ, காதலோ என்று எதுவுமே இல்லாமல் வாழும் ரண்பீருக்கு ஒர் நாள் இரவில் ஆயிஷா எனும் கொங்கனாவிற்கும் நட்பு வர, இருவரும் ஒருவருக்கொருவர் இ-மெயிலில் தொடர்பு கொண்டிருக்க, வேறு வழியில்லாமல் அப்பாவின் கம்பெனியில் ட்ரெயினியா இருந்து வரும் ரண்பீர் அவரிடமிருந்து தப்பிக்க, கொங்கனாவுக்கு வீடு பார்த்து கொடுக்க அலைய, ஒரு வீட்டை பிடித்து போய் அவருக்கு பிக்ஸ் செய்து கொடுத்து கூடவே இருந்து உதவுகிறார்.

ஒரு கட்டத்தில் அவரின் பரிட்சை ரிசல்டில் பெயிலாகிவிட, அதை கேட்கும் அம்மாவிடம் அவர் ஷ்ட் அப் என்று சொன்னதற்காக அனுபம் மன்னிப்பு கேட்க சொல்ல, இல்லாவிட்டால் வீட்டை விட்டு வெளியேற சொல்ல, கோபித்து கொண்டு தனக்கு இருக்கும் ஒரே நண்பியான கொங்கனாவின் வீட்டிற்கு செல்கிறான். ரண்பீர். அதன் பிறகு ரண்பீருக்கும் கொங்கணாவிற்கும் இடையே காதல் மலர்ந்ததா.? ரண்பீர் வாழ்கையை புரிந்து கொண்டானா..? என்பதை மனதை வருடிய படி சொல்லியிருக்கிறார்கள்.

ரண்பீர் திரையில் தோன்றியதும் தியேட்டரில் இருந்த பெண்கள் பகக்த்தில் இருந்து ஒரே கூச்சல்.. விசில் எல்லாம் நிஜமாகவே அவ்வளவு க்யூட்டாக, ஹண்ட்ஸம்மாக இருக்கிறார். ஃபைனல் இயர் காலேஜ் ஸ்டுடண்டை கண் முன்னே நிறுத்துகிறார். முகத்தை அப்பாவியாய் வைத்துக் கொண்டு அலைவதாகட்டும், ஒரு சின்ன குழந்தையை போல கொங்கணாவை சந்தோசபடுத்த ஆம்லெட் போடும் இடமாகட்டும், வீட்டை விட்டு அப்பா துரத்தியவுடன், நேராக கொங்கணாவின் வீட்டிற்கு போய், கண்களிலில் நீர் முட்ட, அவரை அணைத்து கலங்குவதாகட்டும்.. மனதில் நிற்கிறார்.

கொங்கணாவிற்கு லட்டு சாப்பிடுவது போன்ற ரோல் சும்மா லெப்டில் அடித்து தள்ளுகிறார். பல இடங்களில் பாடிலேங்குவேஜிலும், முக எக்ஸ்பிரஷனிலும் பின்னி எடுக்கிறார். கேர்ள் நெக்ஸ்ட் டோர் உணர்வு இருக்கும் வரை இவரை விட்டால் இம்மாதிரியான ரோல்கள் அவருக்கு ஜூஜூபி.

இவரும் தன் பங்குக்கு, நாம் ஏன் நண்பர்கள் தாண்டி ஒரு உறவாக கூடாது என்று கேட்கும் ரண்பீரிடம் அவரின் கனவுகளை சொல்ல, அவர் கனவாய் நினைத்த பாஸ் அவரிடம் வெளியே அவுட்டிங் போக கூப்பிட, அன்று முழுவதும் அவருக்கே புரியாத ஜாஸ் இசையை நொந்து போய் கேட்டுக் கொண்டு கைதட்டுவதும், ரண்பீர் ஆபீஸ் தாண்யாவுடன் பார்ட்டிக்கு போக, ஈகோவினால் வரவில்லை என்று சொல்லிவிட்டு போரடித்து போய் எதிர் வீட்டு பெண்ணுடன் தண்ணியடிப்பதும், தான்யா வீட்டிற்கு வந்து போனதன் பொறாமை காரணமாய் ரண்பீரை காயப்படுத்தி பின்னர் அதே காட்சியில் அவர்கள் இருவரும் ஒருவரை ஒருவர் தண்ணீர் ஊற்றி விளையாடி கோபத்தை மறைப்பதாகட்டும். கொங்கணா.....

படத்தில் பாராட்டபட வேண்டிய இன்னொரு நபர், ஷங்கர்- இஷான் – லாயின் இசை. பெரிய சூப்பர் ஹிட் பாடல்களாய் ஏதும் இலலவிட்டாலும், படம் நெடுக மாண்டேஜில் ரம்மியமான பாடல்களை உலவ விட்டிருக்கிறார்கள்.

திரைக்கதை ஆங்காங்கே யூத்புல்லாக இருந்தாலும், கொஞ்சம் ஸ்லோவாகவே இருக்கிறது.. ஒரு சில காட்சிகள், அதுவும் அப்பாவும் பையனும் பேசிக் கொள்ளும் இடமாகட்டும், கொங்கணா, ரண்பீருக்கு வேலை வாங்கி தரும் இடமாகட்டும், ஏற்கனவே தமிழிலும், மற்ற மொழிகளீலும் பார்த்த படத்தின் காட்சிகள் வந்தாலும் அதை ப்ரெசெண்ட் செய்தவிதம் க்யூட்.
மிக இயல்பான காட்சிகள், உறுத்தாத நடிப்பு, லைவ்வான டயலாக்குகள், என்று க்யூட்டான ஸ்லோ பேஸ்டு ரொமாண்டிக் ஃபீல் குட் படத்தை அளீத்திருக்கிறார்கள், இயக்குனர் அயன் முகர்ஜியும், தயாரிப்பாளர் கரண் ஜோகரும்..

Wakeup Sid – Lovable Feel Good Romantic Movie Even though A Bit slow.

---

Post a Comment