Orphan- (2009)

5 லட்சம் ஹிட்ஸுகளை வாரி வழங்கிய என் அன்பு சக பதிவர்களூக்கும்,வாசகர்களுக்கும் என் நன்றி.. நன்றி.. நன்றிங்கோ...

சொந்த காசில சூனியம் வச்சிக்கிறதுன்னு கேள்வி பட்டுருப்பீங்க. இந்த படத்தில கதாநாயகி பண்றது அதுக்கும் மேல. இப்பத்தான் பாராநார்மல் ஆக்டிவிடீ பார்த்துட்டு கொஞ்சம் மூச்சு விட்டோம்னா., அடுத்து ஒரு அசத்தலான படம் orphan.

மேலே உள்ள படத்தில் உள்ள பெண்ணை பார்த்தால் கொஞ்சம் சீரியஸான, மெச்சூர்டான பெண்ணைப் போல் தெரிகிறதா..? அப்படி நம்பித்தான் கேட்டும் அவள் கணவனும் அனாதை இல்லத்திலிருது கூட்டி வருகிறார்கள். கேட்டுக்கு பிறந்த மூன்றாவது குழந்தை இறந்தே பிறந்து விட, அதில் மன அமைதி கெட்டுப் போய், குடிகாரியாய் மாறி ஆல்கஹாலிஸ் அனானிமஸில் கவுன்ஸிலிங் எடுத்து தன்னை ஒரு நிலை படுத்த, இசை, வீடு என்று மனதை மாற்ற முயலும் நேரத்தில் தன் குழந்தை இறந்ததுதான் காரணம், அதனால் ஒரு பெண் குழந்தையை எடுத்து வளர்க்கலாம் என்று ஆர்பனேஜிலிருந்து எஸ்தரை அழைத்து வருகிறார்கள்.

பார்தவுடனேயே அவளையும், அவளின் பேச்சுகளினாலும் மனம் கவர்ந்து, நெகிழ்ந்து போன கேட்டின் கணவன், அவனுக்கு பிடித்ததினால் ஒரு மனதாய் அவளை தன் வீட்டிற்கு தன் பெண்ணாய் எடுத்து வளர்க்க அழைத்து வருகிறாள். வீட்டில் கேட்டின் பெரிய மகன் எஸ்தரை தன் சகோதரியாய் ஏற்க மறுக்க, காது கேட்காமல், வாய் பேச முடியாத சின்னக்குட்டி மேக்ஸ் அவளை ஏற்றுக் கொண்டு நெருக்கமாகிறாள்.

எஸ்தர் ஒரு வழக்கமான பெண்ணாக இல்லாமல், வித்யாசபட்டே இருக்க, அது ஒரு மாதிரி உறுத்தினாலும், கொஞ்சம், கொஞ்சமாய் ஏற்றுக் கொள்ள ஆரம்பிக்கிறாள் கேட்.  அவளை தத்து கொடுக்கும் ஆர்பனேஜ் சிஸ்டர், அவளை பிடித்திருக்கிறது என்று இவர்கள் சொன்னதும், ஒரு மாதிரி திரு, திருவென பார்க்கும் போதே நமக்குள் லேசாய் பனிக் கத்தி.

கேட்டின் பெரிய பையன் ஒரு முறை பொம்மை துப்பாக்கியால் ஒரு புறாவை சுட்டு விட, அடிப்பட்டு விழுந்த பறவையை கொல்லச் சொல்கிறாள். எஸ்தர், தன்னால் முடியாது என்று சொல்லும் அவனிடம், அடிபட்டு இறை தேட முடியாமல் பட்டினி கிடந்து சாவதை விட அதை கொல்வது நல்லது என்று அரைகுறை உயிருடன் இருக்கும்புறாவை அவள் கல்லால் அடித்து கொல்லும் காட்சியில் வெளிப்படும் கொடூரத்தை பார்த்தும் மேலும் கத்தி அழுத்தமாய் இறங்குகிறது. 

தன்னை பற்றி உண்மையை சொல்லி வீட்டிலிருந்து அழைத்து போக முயற்சி செய்யும், சிஸ்டரை சுத்தியலால் அடித்து கொல்லும் காட்சியில் சதக் என ஆழமாய் இறங்க ஆரம்பித்ததும், அடுத்து என்ன நடக்குமோ என்று பதை பதைக்க ஆரம்பித்துவிட்டது.

அதன் பிற்கு நடக்கும் நிகழ்வுகள் எல்லாம் அதகளம், அந்த குழந்தைகளை சைக்கலாஜிக்கலாக மிரட்டுவதும், கேட்டையே மனரீதியாய் குழப்பி, அவளின் பேச்சை கணவனே நம்ப மறுக்க வைப்பதும், என்று ஒவ்வொரு அடியாய் தன் ஆக்கிரமிப்பை பரவ செய்யும் எஸ்தர் செய்ய கொலைக்கான ஆதாரங்களை, கண்டுபிடித்து விட்டதற்காக அவனை உயிரோடு கொளுத்தும் முயற்சியில் தோல்வியடைந்தாலும் ஆஸ்பத்திரியிலும் அவனை கொல்லும் முயற்சியை விடாமல், செய்வதும் ஏன்./? எதற்காக ஒரு ஒன்பது வயது பெண் இப்படியெல்லாம், அதுவும் தன்னை சுவீகரித்து கொண்ட ஒரு குடும்பத்தை செய்யவேண்டும் என்ற கேள்விகளுக்கெல்லாம். பதில் வெள்ளி திரையிலோ, அல்லது டிவிடி திரையிலோ..

எஸ்தராக நடிக்கும் அந்த பெண்ணின் நடிப்பு அபாரம், ஒவ்வொரு சின்ன அசைவிலும் நம்மை கதிகலங்க வைக்கும் பாடி லேங்குவேஜ், வயதுக்கு மீறின மெச்சூரிட்டியுடன் பேசும் போது என்னடா என்று யோசிக்க வைக்கும் அவரது பேச்சுக்கான காரணம் தெரியும் போது திடுக்.

மாக்ஸாக நடிக்கும் அந்த் சின்னக் குட்டி பெண் படு க்யூட்.எஸ்த்ரின் எல்லா கொடும் செயலுக்கும் கூடவே சாட்சியாய் இருக்கும் அந்த குழந்தையின் மன வேதனையை குழந்தை வெளிக்காட்டாமல் அடக்கும் காட்சிகளாகட்டும், க்ளைமாக்ஸில் தன்னை கொல்ல வரும் எஸ்தரிடமிருது தப்பிக்கும் காட்சிகளாகட்டும், பரிதாபத்தை அள்ளிக் கொண்டு போகிறாள்..

பாட்ம் ஆரம்பித்த ஒரு சில நிமிடங்களிலேயே நம்மை ஒரு திரில்லருக்கான எமோஷனுக்கு தயார் படுத்திவிடுகிறார்கள், இயக்குனர்Jaume Collet-Serraவும், ஒளிப்பதிவாளர் jeff Cutter ரும், ஆர்பனேஜில் வரும் காரிடார் காட்சிகளும், அதே போல் நிறைய இடங்களில் வரும் டாப் ஆங்கிள் ஷாட்டுகளும் அருமை. க்ளைமாக்ஸ் காட்சிகளின் பரப்ரப்பு சீன்களூக்கு, பதறாமல் எடிட்டிங் செய்திருப்பதை, பத்து செகண்டுக்கு ஒரு ஷாட் என்று எடிட் செய்யும் ஆண்டனிகள் பார்ப்பார்களாக..

Orphan – Excellent Thriller… Recommended

Technorati Tags: English Film Review,Orphan

உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

---

Post a Comment