கொத்து பரோட்டா -07/12/09

ஐந்தரை லட்சம் ஹிட்ஸுகளையும், 500 பாலோயர்களையும் கொடுத்து தொடர்ந்து ஆதரவு தந்து பெருமைபடுத்தும் என் அன்பான சக பதிவர்களுக்கும், வாசக நண்பர்களுக்கும் நன்றி..நன்றி..நன்றி

குறும்படங்களுக்காக ஒரு நிகழ்ச்சியை கலைஞர் டிவியில் ஆரம்பித்திருக்கிறார்கள். ஒவ்வொரு வாரமும் ஐந்து பேரின் குறும்படங்களை திரையிட்டு, அதில் ஒரு படத்தை அந்த வாரத்தின் சிறந்த படமாய் தேர்ந்தெடுத்துவிட்டு, ஐந்து பேருக்கு ஒரு கருவை கொடுத்து அதை படமாய் எடுக்க சொல்லி அடுத்த கட்டத்திற்கு நகர்த்துகிறார்கள். சோனிபிக்ஸில் அமிர்தராஜ் சகோதரர்கள் செய்ய ஒரு நிகழ்ச்சியின் பிரதி என்றாலும் நாளைய இயக்குனர்களை அடையாளம் காண உதவியாய் இருக்கும் இந்த நிகழ்ச்சிக்கு நல்ல ஆதரவு இருக்கும் என்றே தோன்றுகிறது. நேற்றைய விருந்தினராக கே.எஸ்.ரவிகுமார் வந்திருந்தார். நான் பார்த்தில் எப்படியாவது சினிமா எடுக்கணும் என்கிற படமும், ஸ்டிக் என்ற ஒரு த்ரில்லர் படமும் மிகவும் பிடித்தது. இவர்களும் வழக்கம் போலவே படத்தின் கருத்து என்ன? என்று கேட்டார்கள் வழக்கம் போல இலங்கை தமிழ் அகதிகளின் வாழ்கையை ஒரு குழந்தையின் பார்வையில் சொன்ன கதைக்கு சிறந்த படமாய் கொடுத்தார்கள். எவ்வளவு நாளுக்குத்தான் குறும்படம் என்றால் கருத்து சொல்ல வேண்டும் என்று இவர்களாகவே இலக்கியவாதிகளை போல வரையரைக்குள் பேசிக்கொண்டிருப்பார்கள்.? கருத்து சொன்னாத்தான் அது குறும்படமா..?
@@@@@@@@@@@@@@@@@@@@@@@@@@@@@@@@@@@@@@
Hboவில் யாராவது முழு படத்தையும் பார்பவர்களுக்கு திடீர் என படம் முடிந்துவிட்டதை போல தோன்றும். ஆனால் என்ன பிரச்சனை என்றால் இந்த சேனலில் படத்தின் முக்கிய காட்சிகள் கொஞ்சம் ஹாராய் இருந்தாலும் சரி, செக்ஸியாக இருந்தாலும் சரி கொஞ்சம் கூட கவலைப்படாமல் வெட்டி எறிந்துவிடுகின்றனர். இப்படித்தான் போன மாதம் “ஒன் மிஸ்ட் கால்” என்ற படத்தை பார்த்து கொண்டேயிருந்தபோது, திடீரென ஹீரோயின் எதையொ பார்த்து மிரண்டு போய் இருக்க, அடுத்த காட்சியில் பார்த்தால் ஹீரோயின் வேறு லொகேஷனில் இருக்கிறார். என்ன ஆனது ஏது ஆனது? என்று ஒரு எழவும் புரியாமல், வேறு வழியில்லாமல் டிவிடையை எடுத்து சரியாய் எந்த காட்சியில்  அவர்கள் கட் செய்தார்களோ அதிலிருந்து பார்த்தோம் சுமார் பத்து நிமிடங்களுக்கு மேல், அதிலும் ஹீரோயினை துரத்தும் அந்த பேய் யார் என்று விளக்கும் காட்சியது. இப்படி  மொட்டை மொட்டையாய் பார்பதற்கு பேசாமல் படமே போட வேண்டாமே..?

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@
செவிக்கினிமை
“பா” படத்தை தியேட்டரில் பார்த்தேன். ஆடியோவில் கேட்பதைவிட தமிழ் புத்தம் புது காலை பாட்டை ஒரு ஹார்மனி போல குழந்தைகளீன் குரலில் ”ஹல்கேசி போலே” என்று ஆரம்பித்ததும்.. அப்படியே கண்களிலிருந்து கண்ணீர் வழிய ஆர்ம்பித்து உருக ஆரம்பிக்கிறது. நிச்சயம் நல்ல தரமான ஒலியமைப்பு உள்ள தியேட்டரில் போய் பார்த்து கேட்கவும் இந்த இசையெனும் ராஜ வெள்ளத்தை.
@@@@@@@@@@@@@@@@@@@@@@@@@@@@@@@@@@@@@@@
சாப்பாட்டுக்கடை
சைதாப்பேட்டை, மேற்கு மாம்பலம் ஜங்ஷனில் புதிதாய் ஒரு வெஜிட்டேரியன் ஓட்டல் திறந்திருக்கிறார்கள். ஹோட்டல் குமார் என்று. மதியம் சாப்பாடு 35 ரூபாய் வழக்கமாய் இம்மாதிரி ஓட்டல்களில், தண்ணீராய் நூக்கோலையும், பெரிய வெங்காயத்தையும் போட்டு சாம்பார் என்று ஒன்றை கொடுப்பார்கள். அபபடியெல்லாம் இல்லாமல் நல்ல கெட்டியாய் சுமாராய் பருப்பு போட்டு சாம்பாரும், கெட்டியாய் வந்தகுழம்பும், சுவையாய் ஒரு தக்காளிரசத்தையும் தந்தார்கள். திவ்யமாய் இருந்தது. மோரும்,பாயசமும் தான் போட்டி போட்டு கொண்டு தண்ணியாய் இருந்தது. நல்ல சுவையான வெஜ் மீல்ஸை ஞாயமான விலையில் விரும்புவர்களுக்கு ..
@@@@@@@@@@@@@@@@@@@@@@@@@@@@@@@@@@@@@@@
அரசியல்
இளையராஜாவுக்கு இசையமைக்கவே தெரியாது என்று சொன்ன சாருவின் இசையறிவை பார்த்து ஒரே காமெடியாய் இருக்கிறது. அதிலும் உட்சபட்சம்யாய் பா பாடல்களை ஹிந்தி விமர்சகர்கள், இசை ரசிகர்களும் வழித்து கொண்டு சிரிக்கிறார்கள் என்றிருந்தார். இந்தியாவில் வெளியாகும் அத்துனை பத்திரிக்கைகளின் விமர்சனங்களை பாருங்கள். அதில் ராஜாவை பற்றி எழுதாத பத்திரிக்கைகளே கிடையாது. குறிப்பாக பிண்ணனி இசை பற்றி. ஒரு முக்கியமான விஷயம் என்னவென்றால் படத்தில் பாடல்கள் முழுவதுமா காட்டபடுவதில்லை. சாருவுக்கு ஒரு வேளை இசையை பற்றி எழுதத்தான் தெரியுமோ..?@@@@@@@@@@@@@@@@@@@@@@@@@@@@@@@@@@@@@@
வாரம் ஒரு பதிவர்
வெங்கிராஜா.. காலேஜ் ஸ்டூடண்ட், ஆனால் எழுத்தில் அது தெரியாது. மிக மெச்சூர்டான எழுத்து, எளிமையான நடை, சீரியஸான விஷயங்களையும், கதை கவிதை, கட்டுரை என்று மிகுந்த தெளிவுடன் எழுதும் திறமையான இளைஞர், இளைஞர்களுக்கே உரித்தான பல டெக்னாலஜிகளின் மேல் இண்ட்ரஸ்ட், நிச்சயம் ஒரு வித்யாசமான ப்ளாக்கை படித்த எண்ணம் உங்களுக்கு வருவது நிச்சயம் அதுக்கு நான் கேரண்டி. http://paathasaari.blogspot.com
@@@@@@@@@@@@@@@@@@@@@@@@@@@@@@@@@@@@@@@
குறும்படம்
சமீபத்தில் இணையத்தில் உலாவிய போது பார்த்த படம், ஏதோ ஒரு கல்லூரி மாணவர் செய்த படம். சினிமாவுக்கு மிக அருகில் நல்ல டெக்னிகல் அவுட்புட்ல் எடுக்கப்பட்ட படம். வழக்கமான சேது டைப் காதல் கதை என்றாலும் நல்ல மேக்கிங். முக்கியமாய் இசையும், அதை படம் பிடித்த விதமும் அருமை. கொஞ்சம் பெரிய படம் தான். Have a try

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@
ஏ ஜோக்
இரண்டு பெண்கள் மீன் பிடிக்க செலல், அதில் ஒருத்திக்கு மட்டும் எப்போதும் தூண்டிலில் மீன் கிடைக்க, அடுத்தவள் “உனக்கு மட்டும் எப்படி எப்போதும் மீன் மாட்டுகிறது? “ என்று கேட்டாள்
அதற்கு அவள் நான் தினமும் தூங்கும் என் கணவனின் லுல்லாவை பார்பேன் அது வலது பக்கமாய் சரிந்திருந்தால், மீன் வலது பக்கம் கிடைக்கும், இடது பக்கமாய் சரிந்திருந்தால் இடது பக்கம் கிடைக்கும். என்றாள் அதற்கு அடுத்தவள் ஒரு வேளை உன் கணவரது லுல்லா நேராக நின்றிருந்தால் எந்த பக்கம் மீன் பிடிப்பாய்?” என்று கேட்க, அதற்கு அவள் “ அது மட்டும் நேராய் நின்றிருந்தால் நான் ஏன் மீன் பிடிக்க வருகிறேன் என்றாள்.
@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@
இந்த வார கேள்வி
ஒரு ஆர்கியாலஜிஸ்டை எப்படி வெறுப்பேற்ற முடியும்?
ஒரு பழைய உபயோகபடுத்திய காண்டமை காட்டி இது எந்த காலத்தில் உபயோக படுத்தபட்டது என்று கேட்டால்
@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@

Technorati Tags: kothu parotta,கொத்து பரோட்டா

தமிலிஷிலும், தமிழ்மணத்திலும் குத்துங்க எசமா.. குத்துங்க

---

Post a Comment