Avatar -2009

ஜேம்ஸ் கேமரூன் டைட்டானிக் படம் வெளியாகி 12 வருடங்களுக்கு பிறகு வெளிவரும் படம். உலகிலேயே அதிக பட்ஜெட்டில் தயாரிக்க பட்ட படம். 3டியில் எடுப்பதற்காக புதிய கேமராவை வடிவமைத்து தயாரித்திருக்கும் படம், அது இது என்று ஏகமாய் பிரஸ்தாபிக்கப்பட்ட அவதார் சென்னையில் நேற்று இரவு பீரிமியர் செய்யப்பட்டது. உலகளவில் 178 ஐமாக்ஸ் தியேட்டர்களில் 18 ஆம் தேதியும், 83 ஐமாக்ஸ் தியேட்டரில் 3டியிலும், மொத்தம் 261 ஐமாக்ஸ் தியேட்டர்களில் வெளியாகி இருக்கும் ஒரே படம்.

சரி படத்திற்கு வருவோம் 2154வருடத்தில் பூமியில் ஒரு போரில் இடுப்புக்கு கீழ் செயலிழந்த ஜாக் என்பவனை அவதார் என்னும் ஒரு ப்ராஜெக்டுக்காக செலக்ட் செய்யப்பட, இந்த ப்ராஜெக்டின் மூலமாய் அவனால் நடக்க முடியும் என்று சொல்லப்பட, அதற்காக ஆவலுடன் பண்டோராவுக்கு வருகிறான்.

பண்டோரா எனும் ஒரு இடம் பல விசித்திரங்களையும், ஆபத்துகளையும் தன்னுள்ளே அடக்கி கொண்டுள்ள, சாட்டிலைட்டுகளால் கூட தேடி பிடிக்க முடியாத ஒரு அடர்ந்த காடாகும் அந்த காட்டில் நவி எனும் ஒரு விதமான மனிதர்களை விட திறமையான, உயரமான சுமார் பத்து அடி என்று வைத்துக் கொள்ளுங்கள், வித்யாசமான முகம், காது, மற்றும் வாலுடன், நீல நிற உடலோடு, ஒரு சிறந்த அத்தெலெட்டின் உடலமைப்போடு அந்த காட்டையே உயிராக கொண்டு வாழ்கிறவர்கள். இவர்களை பற்றி, இவர்களின் ஆசா பாசங்களை பற்றி தெரிந்து கொள்வதற்காக்வும், அங்கே கிடைக்கும் உலகின் சிறந்த மினரல்களுக்காகவும் தான் அவதார் ப்ராஜெக்ட். சாதாரண மனிதர்கள் பண்டோரா காட்டில் சுவாசிக்க முடியாது. அதற்காக ஸ்பெஷால் உருவாக்கப்பட்ட ஆக்ஸிஜன் மாஸ்குகளுடன், ரோபோக்களால் ஆன ஒரு போர் படையை உருவாக்கி வைத்திருக்கிறது அவதார் ப்ரஜெக்ட் குழுவினர்.

நவி மக்களின் ஒருவனின் உடலை கொண்டு, ஜாக்கின் எண்ணங்களை அதனுள் செலுத்தி அவர்களின் ஆசா பாசங்களையும் அங்குள்ள விபரங்களை அறிய அனுப்பப்படும் ஜாக்கை, நவி கும்பலின் இளவரசி நேத்ரி காப்பாற்றி அவனை தங்கள் குழுவுடன் சேர்த்து கொள்ள அவனுக்கு பயிற்சி கொடுத்து, அவ்னும் ஒரு ந்வி குழுவினன் தான் என்று நிருபிக்க உதவுகிறாள். இதனிடையில் அவனுடன் காதல் கொள்ள, அவர்கள் இனத்தையே அழிக்க நினைத்து, ரோபோ, ஹெலிகாப்டர்கள், கன்கள் என்று ச்கல ரத கஜ துரத பாதாதைகளுடன் அவதார் குழுவினர் பண்டோராவில் இறங்க, அதை எதிர்க்கும் ஜாக்கின் சுவிட்சை அவதார் ப்ராஜெக்டில் ஆப் செய்து விட இங்கே பண்டோராவில் வெறும் பிண்டமாய் விழுந்து கிடக்கிறான் நவி ஜாக், அவதார் குழுவினர் பண்டோராவின் மீது படையெடுப்பதை விரும்பாத டாக்டரும், இன்னும் சில நண்பர்களும் தனியே கிளம்பி, நவி ஜாக்குக்கு எவ்வாறு உயிர் கொடுக்கின்றனர்? பண்டோராவை ஜாக் நவி கும்பலை கொண்டு எப்படி காப்பாற்றுகிறான்? கடைசியில் உயிர் வேறு உடல் வேறாக இருக்கும் ஜாக்கின் நிலை என்ன? என்பதை வெள்ளித்திரையில் காண்க.

கதை என்று பார்த்தால் ஹாலிவுட் அம்புலிமாமா கதைதான். வில்லன் கும்பல் கதாநாயகனே, வில்லன்களுக்கு வில்லனாகி, ஏழை எளியவர்களை காப்பாற்றும் ஹிரோயிஸ எம்ஜிஆர் கதை தான் என்றாலும், அதை கொடுப்பதற்காக, பிண்ணனியில் உள்ள கற்பனையும், உழைப்பும் சும்மா சொல்லக் கூடாது பட்டையை கிளப்பியிருக்கிறார்கள். பண்டோராவுக்கு ஜாக் நவிவாசியாய் பயணப்படும் காட்சியிலிருந்தே பார்வையாளர்களுக்கு ஒரு விஷுவல் ட்ரீட் என்றால் மிகையில்லை. வண்ணங்கள் கொஞ்சும் ப்ளோரசண்ட் காடுகள், அந்தரத்தில் தொங்கும் மலைகள், எங்கிருந்தோ…. கொட்டும் அருவி, வண்ணத்து பூச்சியின் வண்ணக்கலவையை மிஞ்சும் பறக்கும் டிராகன்கள், நம்ம ஊரு தாத்தா பூச்சி போல நம் கண் முன்னே மிதக்கும் பஞ்சு பூச்சிகள், ஆறு கால் சிங்கம் போன்ற உடலமைப்பில் உலாவும் மிருகங்கள், யானையையும், காண்டாமிருகத்தையும் சேர்ந்தார் போல அதகல படுத்தும் மிருகங்கள், டிசைன் டிசைனாக, ஹெலிகாப்டர்களும், விமானங்களும், வார்தைகளால் வர்ணிக்க முடியாத காண கண் கொள்ளா காட்சிகள்.

நடிப்பென்று பெரிதாய் ஏதும் சொல்ல முடியாவிட்டாலும் ஜாக்காக நடிக்கும் சாம் வொர்திங்டனின் நடிப்பு நன்று. நேத்ரியாக வரும் ஸ்சோ சல்டானாவின் பங்களிப்பும் அஃதே. பழைய ஏலியன்ஸ் சிங்கரோனிவீவரும் படத்தில் இருக்கிறார். படம் பூராவும் டெக்னீஷியன்களின் உழைப்பு மலை, மலையாய் தெரிகிறது. படத்தில் எது சிஜி, எது நிஜம் என்று இனம் பிரிக்க முடியாத அளவிற்கான ஒளிப்பதிவு, மிக அற்புதமான எடிட்டிங்க, ஆர்ட் ஒர்க், என்று எங்கெங்கும் காணினும் வாய் பிளக்க வைக்கும் பிரம்மாண்டஙக்ள்.

நெடுகிலும் காடுகளை காப்பதை பற்றியும், நவி குலத்தாருக்கும், அவர்களுடய, கூந்தலுக்கும், செடி கொடிகளுக்கும், உள்ள நெட்வொர்களை உணர்வுபூர்வமாய் மாற்றி அதை உணர வைப்ப்தாகட்டும், ஈடன் கார்டன் போன்ற ஒரு ப்ளோரசண்ட் தொங்கும் தோட்டதில் ஜாக்கும், நேத்ரியும் காதல் கொள்ளும் காட்சியிலாகட்டும், மிதக்கும் மலைகளூடே தாவித்தாவி எகிறி குதித்து, அருவியின் மேல் நின்று அங்கிருக்கும் புதிய டிராகன்களில் ஒன்றை தன்னுடய வாகனமாய் தேற்தெடுக்க, போராடும் அந்தர காட்சியாகட்டும் விஷுவல் ட்ரீட். 2டியில் பார்த்தாலே மிரட்டலாய் இருக்கும் இந்த காட்சிகள், 3டியில் அள்ளிக் கொண்டு போகிறது.

ஜேம்ஸ் ஹார்னரின் இசையை படம் முழுக்க எபக்டுகளுடன் விரவி இன்னும் மெருகூட்டுகிறது. மரோ பிரேவின் ஒளிப்பதிவு அசத்தல். எடிட்டிங்க் டீமில் கேமரூனும் உள்ளார். முக்கியமா பாராட்ட பட வேண்டியவர்கள் சிஜி டீமும், அனிமேட்ரானிக்ஸ் ஆட்களும், தான் முழுக்க முழுக்க இவர்களின் பங்களிப்பு இல்லாமல் இவ்வளவு கச்சிதமாய் விஷூவல்ஸ் வந்திருக்காது.
ஆல்மோஸ்ட் அந்த நவி குழுவினருடன் நாமும் ஓடுவதும், தாவுவதுமாய் ஒரு விர்சுவல் ஷோவையே நமக்கு உணர வைத்திருக்கிறார் இயக்குனர். அதிலும் பல காட்சிகளில் அவர்கள் குதிக்கும் போது நம் காலில் குறுகுறுக்கிறது என்றால் பார்த்து கொள்ளுங்கள். க்ளைமாக்ஸ் காட்சிகளில் ஏகப்பட்ட ஆக்‌ஷன் காட்சிகள் இருப்பதால் கொஞ்சம் ஸ்டெரெயினாக கூட இருக்கிறது.

அவதார் – நிச்சயமா தியேட்டரில் மட்டுமே பார்த்து பிரம்மிக்க கூடிய படைப்பு.

டிஸ்கி:
சாந்தம் தியேட்டரில் டிக்கெட்டுடன் தனியாய் இருபது ரூபாய் வாங்குகிறார்கள் டிக்கெட் விலையில்லாமல் 3டி கண்ணாடிக்கு. நவி ஆட்களுக்கான முக அமைப்பை பார்த்தால் ரஜினியின் பாபாஜி படம் போல இருக்கிறது. படம் நெடுகிலும் நவ்விகாரர்கள் பெயரில், படத்தின் பெயரில் இந்தியத்தனம் நிறைய..

Technorati Tags: அவதார்,திரை விமர்சனம்,Avtar,James Cameron,english movie review

தமிலிஷிலும், தமிழ்மணத்திலும் குத்துங்க எசமா.. குத்துங்க

---

Post a Comment