Rocket Singh – Hindi Film Review

சக்தே இந்தியா இயக்குனர் ஷமீன் அமின், பழைய ஜெய்தீப் சஹானி, யாஷ் சோப்ரா, சமீபத்திய ஹிட் பாய் ரன்பீர் கபூர், என்று எதிர்பார்ப்பை ஏற்படுத்தியிருந்த படம்.  ஹர்பிரீத் சிங் ஒரு பிலோ ஆவரேஜ் டிகிரி பாஸ் செய்த மாணவன். அதனால் அவன் வாழ்க்கையின் அடுத்த கட்டமாய் தான் ஒரு சேல்ஸ் மேன் ஆக போவதுதான் தன் லட்சியமாய் எடுத்துக் கொண்டு, ஒரு கம்ப்யூட்டர் கம்பெனியில் சேல்ஸ் ட்ரையினியாய் சேர, ஒரு நேர்மையான தாத்தாவால் வளர்க்கப்பட்ட ஒரு அப்பாவி இளைஞனின் சேல்ஸ்மேன் செய்ய வேண்டிய தகடு தத்தங்கள் எதுவும் தெரியாமல் குழப்பிவிட்டுவிட, அதனால் அவனை அவனுடய் அலுவலகத்தில் அவனுடய் அதிகாரியும், எம்.டியும் கூட வேலை செய்பவர்களூம் அவனை கீழ்தரமாய் பேசி சேல்ஸுக்கு போக விடாமல் ஆபீஸிலே முடக்கி, ட்ரெயினிங் முடித்து போகச் சொல்ல.. அதே ஆபீசிலிருந்து ராக்கெட் சேல்ஸ் கார்பரேஷன் என்று ஆரம்பித்து எப்படி முன்னேறுகிறான் என்பது தான் கதை.
ராக்கெட் சிங்காக ரண்பீர்கபூர், முகத்தில் தெரியும் இன்னொசென்ஸ் மிக அருமையாய் இந்த கேரக்டருக்கு பொருந்துகிறது. ஆரம்ப இண்டர்வுயூ காட்சியில் பென்சிலை தூக்கி போட்டு அதை விற்க சொல்லி கேட்கும் சேல்ஸ் மேனேஜரிடம் முழிக்கும் காட்சிகளாகட்டும், திருட்டு தனமாய் உள்குத்தாய் ஆபீஸிலேயே தனக்கென ஒரு கம்பெனி ஆரம்பித்து தன் ஜீரோ இல்லை என்று புரூவ் செய்ய முடிவெடுத்து ராக்கெட் சேல்ஸ் கார்பரேஷனை ஆரம்பிப்பதாகட்டும், மாட்டிக்கொள்ளும் ஒவ்வொருவரிடமும் அவர்களை கூட பார்ட்னராக சேர்த்து கொண்டு தொழிலை பில்டப் செய்வதாகட்டும்.. நச். மனதை கொள்ளை கொள்கிறார்.
படத்தில் கதாநாயகி என்று தனியாய் ஏதும் முக்கியத்துவம் இல்லாமல் படம் வருவது இப்போதெல்லாம் ஹிந்தியில் சகஜமாகிவிட்டது. ஒரே ஒரு மாண்டேஜ் காட்சிக்கும், சில காட்சிகளில் உதவதற்கும் உதவியிருக்கிறார்  கதாநாயகி

படத்தில் கம்பெனி எம்.டியாக வருபவரின் நடிப்பில் நிறைய நாடகத்தனம். டீ ச்ப்ளை செய்யும் ஆளை கம்ப்யூட்டர் அசெம்பளி செய்ய சொல்லி டெக்னிகல் பார்ட்னர் ஆக்குவதும், சர்வீஸ் இஞினியரை சர்வீச் பார்ட்னராக்குவதும், டெலிபோன் ரிஷப்ஷனிஸ்டை மேனேஜர் பார்ட்னர் என்று ஆக்குவதும், சேல்ஸ்மேனேஜரை சேல்ஸ் பார்ட்னர் என்று சேர்த்து கொண்டு மிக பெரிய கம்பெனியை டவுன் செய்வது, ஆபிஸீலிருந்தே அவர்களுடய போனின் இபிபிஎக்சை உபயோகபடுத்தி தில்லாலங்கடி செய்வது. பின்னர் அதனாலேயே மாட்டிக் கொண்டு ஜெயிலுக்கு போவது என்று இண்ட்ரஸ்டான காட்சிகல் இருந்தாலும் நிறைய நாடகத்தனம்.

ஜெய்தீப் சஹானியின் கதை திரைக்கதை வசனத்தில் முதல் இரண்டை விட வசனத்தில் தூள் பறத்துகிறார். “ஸ்பைடர்மேனே ரிஸ்க் எடுத்து தான் சாகசம் செய்யும் போது, நான் ஒரு சாதாரண சேல்ஸ்மேன் நான் எடுக்கக்கூடாதா? என்பது போன்ற வசனங்களில் பஞ்ச்.

கதாநாயகன் நேர்மையானவனாய் வளர்க்கப்பட்டதினாலேயே அவன் செய்யும் காரியங்களால் பிரச்சனை ஏற்பட அவனை அவமான படுத்தும் நிறுவனத்தின் தலைவர் பண்ணுவது நியாயமாகவே தெரிகிறா பட்சத்தில் ஹர்பிரீத் நேர்மையாய் போராடி தனியாய் கஷ்டப்பட்டு திறமையானவர்களை சேர்த்து கொண்டு வெற்றி பெற்றிருந்தால் இன்னும் கொஞ்சம் நன்றாக இருந்திருக்கும்.

Rocket Singh- Salesman of the year – sliding Down Graph

Technorati Tags: Rocket Singh,Hindi film Review

தமிலிஷிலும், தமிழ்மணத்திலும் குத்துங்க எசமா.. குத்துங்க