கொத்து பரோட்டா – 22/03/10

சென்னை இணைய எழுத்தாளர் குழுமம் ஆரம்பம்
வருகிற சனிக்கிழமை மாலை சென்னையில் உள்ள இணைய எழுத்தாளர்களை ஒன்றினைத்து ஒரு குழுவாக அமைக்க எண்ணி பதிவர் சந்திப்பு நடக்கவிருக்கிறது. சென்னை பதிவர்க் அத்துனை பேரும் வந்து கலந்து கொண்டு குழுமத்தில் இணைத்து கொள்ளுமாறு அழைக்கப்படுகிறார்கள். இதற்கான இடம் நேரம் ஆகியவற்றை பற்றிய அறிவிப்பு இன்னும் ரெண்டொரு நாளில் அனைவரிடமும் கலந்தாலோசித்துவிட்டு வெளியிடப்படும். இப்போதைக்கும் சனிக்கிழமை மாலை 27.03.10 என்பது நிச்சயமாகியிருக்கிறது.
%%%%%%%%%%%%%%%%%%%%%%%%%%%%%%%%%%%%%%%%%%
இலங்கை தமிழர்களுக்காக தன் உயிரை விட்ட முத்துகுமாரின் இறுதி ஊர்வலத்தை பற்றிய தன் சாட்சியத்தை, அரசியல்வாதிகளின் சந்தர்பவாத செய்ல்களை பற்றியும் இயக்குனர் ராம் எழுதியிருக்கிறார். காலம் கடந்த விஷயமாய் இருந்தாலும் நிச்சயம் தெரிய வேண்டிய ஒன்று என்றே சொல்ல வேண்டும். முத்துகுமாரின் தியாகம் எப்படி இருட்டடிக்கபட்டது என்பதை விளக்கும் கட்டுரை. எனக்கு கோபமும் அழுகையும் ஒரு சேர வந்தது அதை படித்தவுடன். முத்துகுமார் யாரோ ஒருவன் அல்ல என்னுடன் வேலை பார்த்த உதவி இயக்குனரும் கூட. அந்த கட்டுரையை படிக்க
%%%%%%%%%%%%%%%%%%%%%%%%%%%%%%%%%%%%%%%%%%
சாப்பாட்டுக்கடை

சிங்கப்பூரில் சன்டெக் சிட்டியின் உள்ளே ஒரு புட் கோர்ட் இருக்கிறது. அங்கே பல விதமான உணவுக்கடைகள் அதில் ஒரு கடை WHAT YOU DO PARTA என்கிற ஒரு பரோட்டா கடை உள்ளது. அருமையான, க்ரிஸ்பான, ஸாப்டான, ப்ளெயின் பரோட்டா, சிக்கன் பரோட்டா, மட்டன் பரோட்டா, வாழைப்பழ பரோட்டா, என்று பல பரோட்டா அயிட்டங்களை போட்டு அசத்துகிறார்கள். சிங்கப்பூர் செல்பவர்கள், சிங்கப்பூரில் உள்ளவர்கள், செல்பவர்கள் நிச்சயம் ஒரு ட்ரை செய்து பார்க்க வேண்டிய உணவகம். செம டேஸ்ட் ம்ம்ம்ம்..
%%%%%%%%%%%%%%%%%%%%%%%%%%%%%%%%%%%%%%%%%%
காதுக்கினிமை
சிங்கப்பூரில் வெற்றிகரமாக ஓடிக் கொண்டிருக்கும் படம் விண்ணைத்தாண்டி வருவாயா தான். மூன்று திரையரங்குகளில் மூன்றாவது வாரமாய் ஓடிக் கொண்டிருக்கிறது. ஒரு நாள் டூரிஸ்ட் ஹெல்ப் கைடான ஒரு பெண்ணிடம் பேசிக் கொண்டிருந்த போது, அவளின் ஐபாடில் தமிழ் பாடல்கள் வைத்திருக்கிறேன் என்று சொல்லி ஒரு பாட்டை போட்டாள். அது ரஹ்மானின் “ஆரோமலே”. I Love This Songs. It Hurt’s me a lot என்றாள் கண்களில் கண்ணீர் தளும்ப. காதலின் வலி. ரஹ்மான்….
%%%%%%%%%%%%%%%%%%%%%%%%%%%%%%%%%%%%%%%%%%%
உலக தண்ணீர் தினம்
உலகின் தண்ணீர் ஆதாரங்கள் குறைய, குறைய, தவித்த வாய்க்கு தண்ணீர் கிடைக்குமா என்று எதிர்கால கேள்வியே பயமாய் இருக்கிறது. உலகில் உள்ள தண்ணீர் ஆதாரஙள் எல்லாம் மாசு படுத்தப்பட்டு, அதனால் நிலத்தடி நீர் வளமும் மாசு பட்டுவிட, எதிர்காலத்தில் தண்ணீரே இல்லாத பாலைவனமாகிவிடுமோ என்று அச்சப்படும் அளவுக்கு தண்ணீரின் பற்றாக்குறை இருக்கும் என்று ஐநா அஞ்சி, இன்று உலக தண்ணீர் தினமாய் அறிவித்து, இதன் மூலம் நீர் ஆதாரங்களை காப்பதற்கான விழிப்புணர்வை ஏற்படுத்த விழைகிறது. நீர் நிலைகளை காப்போம்.
%%%%%%%%%%%%%%%%%%%%%%%%%%%%%%%%%%%%%%%%%
இந்த வார புத்தகம்
ரகோத்தமன் எழுதிய “ ராஜீவ் காந்தி கொலை வழக்கு” புத்தகம் படித்து முடித்தேன். ஆரம்பம் முதல் கடைசி வரை புத்தகத்தை எடுத்தால் கீழே வைக்க முடியாத அளவுக்கு பரபரவென ஓடுகிறது. அவ்வளவு சுவாரஸ்யம். நிகழ்வுகளை மிக அருமையான தொகுத்து கொடுத்திருக்கும் விதத்தை பார்க்கும் போது, ஒரு தேர்ந்த திரைக்கதையாசிரியரின் கைவண்ணம் தெரிகிறது. நிச்சயம் ராஜீவ் என்ற ஒரு விஷயத்தை எடுத்துவிட்டு, வேறு ஒரு புனைவை புகுத்தினால் ஸ்க்ரிப்ட் ரெடி. நிச்சயம் படிக்க வேண்டிய புத்தகம்.
%%%%%%%%%%%%%%%%%%%%%%%%%%%%%%%%%%%%%%%%%%%
இந்த வார குறும்படம்
Replay அருமையான அனிமேட்டட் குறும்படம். ஒவ்வொரு ஷாட்களும் அனிமேஷன் செய்யப்பட்டது என்றால் நம்ப கொஞ்ச நேரம் ஆகும். அவ்வளவு தத்ரூபம். கதை மாந்தர்களை தவிர. படத்தில் சொல்லும் சேதியும் மனதை கலக்கத்தான் செய்கிறது.

%%%%%%%%%%%%%%%%%%%%%%%%%%%%%%%%%%%%%%%%%
இந்த வார டிப்ஸ்

காதலை சொல்ல சரியான நாள் ஏப்ரல் ஒண்ணாம் தேதி. ஏன்னா ஓகே சொல்லிட்டா அப்படியே கண்டின்யூ செய்யலாம். இல்லேன்னுட்டா சும்மா ஏப்ரல் பூல் செஞ்சேன்னு சொல்லிட்டு போய்ட்டே இருக்கலாம்.

%%%%%%%%%%%%%%%%%%%%%%%%%%%%%%%%%%%%%%%%%%
இந்த வார தத்துவம்

காதல்ன்னா என்ன தெரியுமா? யாரோ பெத்து போட்ட பொண்ணுக்கு ஐஸ்கிரீம், சாக்லேட், ஸ்வீட்ஸ், எல்லாம் வாங்கி கொடுத்து உடம்பை தேத்தி விட்டு, சுடிதார், புடவை, வாட்சு, செப்பல்னு கிப்ட் வாங்கி கொடுத்து, அட்டு பிகரை அழகான பிகராக்கி வேற யாருக்கோ கட்டி வைக்கிற வெட்டி வேலை தான் காதல்.

%%%%%%%%%%%%%%%%%%%%%%%%%%%%%%%%%%%%%%%%%%
இந்த வார பதிவர்

ஜோசப் பால்ராஜ்

பதிவர் என்றால் எதையாவது எழுதித்தான் ஆகவேண்டுமா? என்று கேள்வி கேட்பவர் இவர். அதிகம் எழுதாமலேயெ பிரபல பதிவர் என்ற அடைமொழிக்கு சொந்தக்காரர். (அப்படின்னு சொல்ல சொல்லியிருக்காருப்பா..) சிங்கையின் நட்புச் சின்னம். (அலொவ்… இவ்வளவு சொல்லிட்டேன். அதுக்காச்சும் வாரத்துக்கு ஒண்ணு எழுதுய்யா..:()

%%%%%%%%%%%%%%%%%%%%%%%%%%%%%%%%%%%%%%%%%
ஏ ஜோக்

கூட்டு குடும்பத்தில் வாழும் இளம் ஜோடிகள் தங்களுக்குள் உடலுறவு கொள்வதற்கு ஒரு சங்கேதத்தை ஏற்படுத்தி கொள்ள முடிவெடுத்தனர். கணவன் மனவியிடம் எனக்கு உறவு வேண்டும் என்றால் உன் பின் பக்கத்தில் வந்து மூன்று முறை தட்டுவேன். வேண்டாம் என்றால் நீ என் லுல்லாவை 50 முறை இழுத்துவிடு என்றான்.

%%%%%%%%%%%%%%%%%%%%%%%%%%%%%%%%%%%%%%%%%%

Technorati Tags: கொத்து பரோட்டா

கேபிள் சங்கர்

---

Post a Comment