கொத்து பரோட்டா – 5/04/10

சிங்கப்பூரில் உள்ள நண்பர்களுக்கு ஒரு வேண்டுகோள்.  வருகிற ஏப்ரல் 14ஆம் தேதி முதல் ஒளிபரப்பாக இருக்கும், கேப்டன் டிவியில் அக்கரை என்கிற ஒரு நிகழ்ச்சியை நான் இயக்க இருக்கிறேன். அந்நிகழ்ச்சியில் வெளிநாடுகளில் வாழும் தமிழர்களின் நிலையை பற்றியும், அவ்வூரை பற்றிய சுற்றுலா தகவல்களையும், அவ்வூரில் உயர்ந்த நிலையில் இருக்கும் பத்து தமிழர்கள் பற்றியும், போராடி பணம் ஈட்டி ஊருக்கு அனுப்பும் தமிழர்களின் வாழ்க்கை நிலையை பற்றியும், பேட்டிகள் எடுக்கவிருக்கிறோம். அதே போல தமிழகத்தில் அவர்களின் குடும்பத்தையும் பேட்டி எடுக்கவிருக்கிறோம். இம்முறை சிங்கப்பூருக்கு வருவதாக இருக்கிறது எங்களது குழு. உங்களுக்கு தெரிந்த உயர் நிலை வகிக்கும் தமிழர்கள், பொருளாதார ஆதாரத்துக்காக, குடும்பத்தை பிரிந்து வாழ்ந்துகொண்டு போராடும் தமிழர்களை பற்றிய விபரஙக்ளை சொன்னால் அவர்களின் அனுமதியோடு  நாங்கள் அவர்களை பேட்டி எடுப்போம். மேலும் தகவல்களுக்கு என்னுடய தொலைபேசியிலோ.. அல்லது மின்னஞ்சலிலோ தொடர்பு கொள்ளவும்.
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
சந்தோஷச் செய்தி
 என்னுடய முதல் சிறுகதை தொகுப்பான “லெமன் ட்ரீயும்.. இரண்டு ஷாட் டக்கீலாவும்”  புத்தகத்தை பற்றிய விமர்சனம்  நேற்றைய தினமலரில் வெளிவந்துள்ளது.  அதை பகிர்வதில் எனக்கு சந்தோஷமே. தினமலரை பார்த்து தொலைபேசியில் பாராட்டிய அத்துனை நண்பர்களுக்கும் என் நன்றிகள் பல.. இத்தொகுப்பில் பலராலும் பாராட்டப் பட்ட “முத்தம்” சிறுகதையை ஒரு டெலிபிலிமாக எடுக்க முயற்சிசெய்து வருகிறேன்.தயாரிப்பாளர்கள் வரவேற்க படுகிறார்கள்.:)
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
விண்ணைத்தாண்டி வருவாயா தெலுங்கு பதிப்பான ‘ஏ மாய சேசாவூ” படத்தை பார்தேன். திரிஷாவை விட தெலுங்கு கதாநாயகி சமந்தா அட்டகாசம். கொஞ்சம் கமலினி முகர்ஜி சாயலில் மனசை அள்ளுகிறார். சிம்பு அளவுக்கு இல்லாவிட்டாலும் இரண்டாவது படத்திற்கு நாக சைதன்யா நன்றாகவே செய்திருக்கிறார். வழக்கமாய் ரெண்டு மொழிகளில் எடுக்கப்படும் படங்களில் எல்லாம் ஒரே மாதிரி ஷாட்களில் அடுத்தடுத்து இரண்டு மொழிகளிலும் எடுப்பார்கள். ஆனால் இப்படத்தில் பாடல் காட்சிகளிலிருந்து படத்தில் வரும் முக்கால் வாசி காட்சிகளில் வசனம் மட்டுமே மாறவில்லை  மற்றபடி எல்லா ஷாட்களும் வேறு வேறு. காமரா மேன் கேரக்டருக்கு பதிலாய் நம்ம விநாயகுடு கிருஷ்ணடு கேரக்டரும் நன்றாக இருக்கிறது. கவுதம் நிஜமாகவே  ஒரு வித்யாசமான இயக்குனர் தான்.
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
சாப்பாட்டுக்கடை
சென்னை செனடாப் ரோடில் ஒரு பஞ்சாபி தாபா இருக்கிறது. வெஜ் அண்ட் நன் வெஜ் இரண்டும் கிடைக்கும். இங்கு மதியம் 70 ரூபாய்க்கு வெஜ் புப்பே வழ்ங்குகிறார்கள். புல்கா, நான், பரட்டா, இரண்டும் சைட் சிஷ்ஷுகள், ஒரு சைனீஷ் சைட் டிஷ்,  தயிர்சாதம் ஊறுகாய் என்று அமர்கள படுத்துவார்கள். இதனூடே அன்லிமிட்டட் ஜிலேபி வேறு அடுப்பிலிருந்து சுடச்சுட.. நிச்சயம் ஒரு அருமையான மதிய உணவை சுவைப்பீர்கள். அதுக்கு நான் கேரண்டி.
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
இந்த வார தத்துவம்
வாழ்க்கை நமக்கு  சிரிப்பதற்கு மட்டுமில்லை அழவும் கற்று கொடுக்கிறது. காதலிப்பதன் மூலமாய்.  
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
இந்த வார புத்தகம் 
சுஜாதாவின் ”கடவுள்களின் பள்ளத்தாக்கு”. பல்வேறு காலகட்டங்களில், பல பத்திரிக்கைகளில் சுஜாதா எழுதிய கட்டுரை தொகுப்புகள். இதில் அவர் பயணம், இலக்கியம், சினிமா, அரசியல், பொது என்று வழக்கம் போல எல்லா தளங்களிலும் அவரின்  விஸ்தீரணத்தில்….. என்ன சொல்ல தல புத்தகத்தை பற்றி?. வழக்கம் போல் சூப்பர். இது ஒரு உயிர்மை வெளியீடு.
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
இந்த வார குறும்படம்

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
இந்த வார கண்டுபிடிப்பு
இங்கிலாந்தில் ஒரு சர்வே செய்து ஒரு பெரிய விஷயத்தை கண்டுபிடித்திருக்கிறார்கள். அது என்ன வென்றால் அந்நாட்டினர் சராசரியாய் நாள் ஒன்றுக்கு எவ்வளவு பொய் சொல்கிறார்கள் என்பதைத்தான். இவர்களது கண்டுபிடிப்பில் நாளொன்றுக்கு நான்கு பேர்களில் ஒருவர் தினமும் பொய் சொல்வதாகவும்,  அதிகபட்சமாய் நான்கு பொய்கள் சொல்வதாகவும், ஆண்டுக்கு 1500 பொய்கள் சொல்வதாகவும்  ஒப்புக் கொண்டிருக்கிறார்கள். இவர்கள் அதிகமாய் சொல்லும் பொய் எது என்று தெரியுமா? “சாரிம்மா.. உன் செல்போனின் சிக்னல் கிடைக்கலை” என்பதுதானாம்.
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
இந்த வார பதிவர்
மயில் ராவணன் என்கிற பெயரில் எழுதிவரும் இவரின் பல டாக்குமெண்டரி படஙக்ளை பற்றிய விமர்சனங்களால் கவர பெற்றேன். எழுத்தாளர் வா.மு.கோமுவின் நண்பர். அவரின் சில பல கதைகள், மற்றும் கவிதைகள் கூட இவரது பதிவில் இடம் பெற்றிருக்கிறது.
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
ஏ ஜோக்
ஒரு பணக்கார விதவை பெண் தனக்கான மணமகனை தேடி விளம்பரம் கொடுத்தாள் மூன்று கண்டிஷன்களுடன்.
1. அவளை அடிக்கக்கூடாது
2. அவளை விட்டு ஓடக்கூடியவனாய் இருக்கக்கூடாது
3. கட்டிலில் சிறந்தவனாக இருக்க வேண்டும்
விளம்பரம் வெளிவந்தவுடன் ஏகப்பட்ட மெயில்களும், கடிதங்களும், நேரிடையான அழைப்புகள் வந்தவண்ணமாய் இருந்தாலும் அவளுக்கு எவரையும் பிடிக்கவில்லை. ஒரு நாள் அவளின் வீட்டு டோர் பெல் அடிக்க திறந்து பார்த்தால், இரண்டு கையும் காலும் இல்லாத ஒருவன் டோர் மேட்டில் இருக்க, அவனை பார்த்த பெண் “ நீ எதற்கு இங்கு வந்திருக்கிறாய்?” என்று கேட்டாள். “உனக்கு சரியான கணவன் நான் தான்.” என்றான் “ எப்படி.?” என்றவளிடம் “ இதோ பார் எனக்கு கையில்லை அதனால் உன்னை அடிக்க மாட்டேன். அதே போல் எனக்கு காலுமில்லை அதனால் என்னால் ஓடிப்போக முடியாது.” என்றவனை தடுத்து” மூன்றாவதற்கு?” என்று கேட்டாள். “நீ டோர் பெல் அடித்ததை கேட்கவில்லை?” என்றான் அவன்.
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

Technorati Tags: கொத்து பரோட்டா

கேபிள் சங்கர்

---

Post a Comment