பையா – திரை விமர்சனம்

  அகஸ்மாத்தாய் காணக்கிடைக்கிற பெண்ணின் மீது காதல் வந்து, சந்தர்ப்பவசத்தால் அவளுக்கு லிப்ட் கொடுத்து உதவ வரும் சான்ஸை மிஸ் செய்யாமல் அவளுடன் பயணிக்கும் கதாநாயகனுக்கு அந்த பயணத்தில் அவளை துரத்தும் ஒரு தெலுங்கு ரவுடி கும்பலிடமிருந்து அவளை காப்பாற்ற முயன்று பம்பாய்க்கு பயணமாக, இடையே அவனுடய முந்தைய பம்பாய் விசிட்டின் போது பாதிக்கப்பட்ட மிலிந்த் சோமனின் ஆட்களால் இன்னொரு பக்கம் துரத்தப்பட, இதிலிருந்து எல்லாம் எப்படி கதாநாயகியை காப்பாற்றினான்? அவனை துரத்தும் ஆட்களிடமிருந்து எப்படி தப்பினான் என்பதுதான்  படத்தின் கதை.
மேலே சொன்ன பாராவை படித்ததும், தூள் பரக்க ஓடும் படம் என்று நினைத்தீர்களானால் உங்களுக்கு ஏமாற்றமே மிஞ்சும். ரன், சண்டைக்கோழி, என தன் எல்லா படத்திலேர்ந்தும் ரீமேக் செய்திருக்கிறார் வேறு வேறு நடிகர்களை வைத்து. ஆரம்ப காட்சியில் ஹீரோ அறிமுக காட்சியில் அவருக்காக அவரது நண்பர்கள் பஸ்சில் ஏறி காத்திருக்க, எல்லோரும் ஹீரோவை கூப்பிட்டு கொண்டிருக்க, அவனது நண்பன் சொல்கிறான் “அவன் எப்பவும் நிக்கிற பஸ்சுல ஏறமாட்டானாம்” என்று. பஸ் ஸ்டார்ட் ஆகி ஓடியதும் ஓடி வந்து ஏறுகிறார் கார்த்தி. என்னா ஒரு அறிமுகக் காட்சி. இதற்கு பிறகு அடுத்த சில ஷாட்டிலேயே கதாநாயகியை பார்த்துவிட, உடன் காதல், மீண்டும் மீண்டும் கண்ணில் பட்டுக் கொண்டே இருக்கிறார் தமன்னா. சந்தர்ப்ப சூழ்நிலையில் தமன்னா அவர் காரில் ஏறியதும் கதையும் பரபரவென பறக்க ஆரம்பிக்கிறது. பயணத்தின் நடுநடுவே தன் காதலை பற்றி நண்பர்களிடம் போன் பண்ணி புலம்புவது, தமன்னாவை துரத்தும் தெலுங்கு வில்லன் கோஷ்டி என்று வரும் வரை நல்ல ஸ்மூத் ஹைவே ட்ரைவ்.
அதன் பிறகு தான் லிங்கு தன் வழக்கமான வேலையை காட்டிவிட்டார்.பழைய ஸ்கிரிப்டையெல்லாம் தூசி தட்டி கார்த்தியை துரத்தும் வில்லன் கோஷ்டி ஒன்றை நடுவே புகுத்தி, அதற்கான பிளாஷ்பேக்கை சொன்னதும் படம் புஸ்ஸென பயணத்தின் போது பஞ்சர் ஆன வண்டியை போல தடுமாறுகிறது. முக்கியமாய் க்ளைமாக்ஸில் கார்த்தியின் காதலை வெளிப்படுத்தும் இடம் ம்.. படு ……….ர்

கார்த்தில் பேண்ட் போட்ட பருத்திவீரனாகவே பேஸ் வாய்ஸில் பேசிக் கொண்டு, மதுரை ஸ்லாங் இல்லாமல் அவ்வப்போது துள்ளி, துள்ளி குதித்துக் கொண்டு துறுதுறுவென இருக்க முயன்றிருக்கிறார். ஒட்டு மொத்தமாய் இருபது முப்பது பேரை கையினாலேயே அடித்து துவம்சம் செய்கிறார். விரைவில் நல்ல மொக்கை மசாலா ஹீரோ கதைகளை கொடுப்பார் என்கிற நம்பிக்கை தெரிகிறாது. 
  தமன்னாவுக்கு நடிக்க ஏதும் பெரிய வாய்ப்பில்லாவிட்டாலும், ஹோட்டலில் சாப்பிடும் காட்சியில் ரசிக்க வைக்கிறார். பாடல் காட்சிகளில் இறுக்கமான் உடையணிந்து, மழையில் நினைந்து உடலோடு உடை ஒட்டி, பிருஷ்டஙக்ள் அதிர ஆடும் போது நன்றாகத்தான் இருக்கிறார். மிலிந்சோமன் பாவம். பம்பாய் தாதாவாம்,  அவரது ஜெயிலுள்ள எதிரிகளை காலி செய்ய யாராவது ரோடில் போகிற ஒருவனை வெட்டி அவரது அடியாளை ஜெயிலுக்குள் அனுப்பி எதிரியை காலி செய்ய ஐடியா செய்கிறாராம். பயங்கர ஐடியா மணி வில்லன்.

ஹாப்பி டேஸ் சோனியா இதில் கொஞ்சம் குண்டடித்திருக்கிறார்.  பம்பாயில் நண்டு மட்டும் கொஞ்சம் ஆங்காங்கே சிரிப்பை வரவழைக்கிறார்.

படத்தின் மிகப் பெரிய பலம் யுவன், ஒளிப்பதிவாளர் மதி, எடிட்டர் ஆண்டனி. யுவனின் பாடல்களில் இதுவரை மிஸ்ஸாகியிருந்த துள்ளலெல்லாம் மீண்டும் கிளம்பியிருக்கிறது. என் காதல் சொல்ல தேவையில்லை பாடல் டாப் களாஸ். அதே போல் சேஸிங்க் காட்சிகளிலும், க்ளைமாக்ஸ காட்சி பின்னணி இசையிலும் அட்டகாசம்.
என் இனிய நண்பர் மதியின் ஒளிப்பதிவு சும்மா தூள் பறக்கிறது என்றால் அது எலலாம் சாதாரண வார்த்தைதான். ஒவ்வொரு சேசிங் காட்சியாகட்டும், பாடல் காட்சிகளாகட்டும் சண்டை காட்சிகளாகட்டும் மனுஷனின் உழைப்பு தெரிகிறது. இவரது ஒளிப்பதிவை இன்னும் ஒரு படி மேலே சென்று சிறக்க செய்பவர் எடிட்டர் ஆண்டனி. சேசிங், சண்டைக்காட்சிகளில் இவரது கட்டிங்கும், ஒளிப்பதிவும் படத்தின் டெக்னிகல் தரக் கொடியை மேலே பரக்க செய்திருக்கிறார்கள்.

வசனம் பிருந்தா சாரதி. பயணத்தின் போது இருவரும் பேசும் காட்சிகள் இன்னும் சிறப்பாய் இருந்திருக்கலாம்.  கதை திரைக்கதை எழுதி இயக்கியிருப்பவர் லிங்குசாமி. இரண்டாவது பாதிக்கு பிறகு அவரது பழைய படங்களிலிருந்து அவியலாய் பல காட்சிகளை சேர்த்து கொதிக்க விட்டிருக்கிறார். மிகவும் சலிப்பாக இருக்கிறது. இதன் காட்சிகளை குழந்தைகள் கூட சொல்லிவிடும். அதிலும் க்ளைமாக்ஸ் காட்சியில் சுமார் முப்பது பேர் கார்த்தியை இரும்பு ராடால் அடித்தும், அவ்வளவு பேரையும் அடித்து துவம்சம் செய்து தமன்னாவை காக்கிறார் கார்த்தி. படு மொக்கையான ச்ண்டை காட்சி. மிக அழகாய்.  சொல்லியிருக்கக்கூடிய கதை களம்தான். மொக்கையான திரைக்கதையால் கோட்டை விட்டு விட்டர்ர் இயக்குனர். ஒளிப்பதிவாள்ர், எடிட்டர், இசையமைப்பாளர் என்ற டெக்னீஷியன்கள் பட்டாளம்  கூடுதல் பலம் சேர்க்கவில்லை என்றால் இன்னும் பயணம் கிளப்பியிருக்கவே முடியாது. கிருஷ்ணா டாவின்ஸி போன்ற பத்திரிக்கையாள்ர்கள், எழுத்தாளர்கள் டிஸ்கஷனில் இருந்தும் மீண்டும் அதே வழக்கமான திரைக்கதையை எப்படி முடிவெடுக்கிறார்கள்.?

பையா- வளரவேண்டியவன்

கேபிள் சங்கர்

---

Post a Comment