கொத்து பரோட்டா –10/05/10

போன வாரம் சுஜாதா அவார்ட்ஸ் விழாவுக்கு போயிருந்தோம். நல்ல கூட்டம். பிரபல எழுத்தாளர்கள் பலரும் வந்திருந்தார்கள். விருது கொடுக்க வந்த விழாவில் விருது பெற்றவர்களை பற்றி பெரிதாய் பேசாமல், எல்லோரும் சுஜாதாவை பற்றி மட்டுமே பேசியது கொஞ்சம் ஓவர் என்று சுஜாதா வெறியனாகிய எனக்கு கூட தோன்றியது. அதே போல மனுஷ்யபுத்திரனுக்கும், உயிர்மைக்கும் பி.ஆர் வேலை செய்வதையே சிலர் கடமையாய் செய்தார்கள். சாரு பேசினார். அவரை பற்றி சொல்ல ஏதுமில்லை. வழக்கம் போல். இவர்களில் உச்சம் தமிழச்சி தங்க பாண்டியனின் பேச்சு. உயிர்மை சுஜாதா புத்தகங்களை வெளியிட்ட பிறகுதான் சுஜாதா பரவலாய் போய் சேர்ந்தார் என்பதுதான் உச்சபட்ச் காமெடி. அங்கு வந்திருந்த கூட்டத்தில் எல்லா வயதினரும் வந்திருந்தார்கள் நிச்சயம் அவர்கள் எல்லாம் உயிர்மை வெளியீட்டிற்கு பிறகு சுஜாதாவை அறிந்தவர்களாய் இருக்க மாட்டார்கள் என்பது திண்ணம். முன்னாடியெல்லாம் முப்பது, நாப்பது ரூபாய்க்கு சுஜாதா புக்கு கிடைக்கும், இவங்க புக் போட ஆரம்பிச்சதும் குறைந்தது முன்னூறு ரூபா இல்லாம வாங்க முடியறதில்லை என்றார்  வாசகர் ஒருவர். எனக்கு உயிர்மை பதிப்பகம் என்ற ஒன்றே சுஜாதா புத்தகத்தை வெளியிட்டதால்தான் நிறைய தெரியும்.
@@@@@@@@@@@@@@@@@@@@@@@@@@@@@@@@@@@@@@@@@@@@@
நேற்று பதிவர் செல்வகுமார் இயக்கும் ”அவர்” என்கிற படத்தின் துவக்க விழா நடைபெற்றது. விழாவை வழக்கம் போலில்லாமல் வித்யாசமாய் டிஜிட்டல் சினிமா எடுப்பதை பற்றிய ஒரு கருத்தரங்கமாய் ஆரம்பித்திருந்தார்கள். பேப்பர் விளம்பரம் ஏதுமில்லாமல், வெறும் பேஸ்புக், ப்ளாக், ட்வீட்டர் தளங்களில் விளம்பரபடுத்தியே
சென்னையின் ஒரு கோடியான வளசரவாக்கதில் நடந்த கருத்தரங்குக்கு ஐம்பதுக்கும் மேற்பட்டவர்கள் வரவழைத்திருந்தது சந்தோஷமாயிருந்தது. டிஜிட்டல் சினிமா கேமரா பற்றி அவர்கள் தேடி கற்றதை அங்கே பகிர்ந்து கொண்டார்கள். நானும் எனக்கு தெரிந்ததை பற்றி அங்கே கலந்துரையாடினேன். மிகவும் அருமையான இண்டராக்டிவாக இருந்தது கலந்துரையாடல். தயாரிப்பாளர் சங்கர்நாராயணனுக்கும் இயக்குனர் செல்வகுமாருக்கும் அவர்களின் முயற்சி வெற்றி பெற வாழ்த்துவோம். இதைத்தான் முப்பதாயிரத்தில் படமெடுக்கும் முயற்சியில் நான் முயன்று வருகிறேன். இதுவரை வந்திருக்கும் ஆதரவு நம்பிக்கையூட்டுகிறது.
@@@@@@@@@@@@@@@@@@@@@@@@@@@@@@@@@@@@@@@@@@@@@
செவிக்கினிமை
சென்ற வாரம் நேசமித்ரன் அவரின் பதிவில் ஏ.ஆர்.ரஹ்மானின் “ஆரோமலே” பாடல் பிங்க் ப்ளாயிடின் பாடலிருந்து காப்பி என்று குற்றம் சாட்டியிருந்தார். கூடவே டேவ் மாத்யூ பாண்ட் வழங்கிய பாடல் ஒன்றையும் கொடுத்திருந்தார். எனக்கென்னவோ.. டேவ் மாத்யூவின் ஆரம்ப கிடார் மட்டுமே கொஞ்சம் சிங்க் ஆன மாதிரி தெரிகிறது. அதே போல அவரது கரகரப்பான குரல். மற்றபடி ட்யூன் வேறாக தான் தெரிகிறது. எதுக்கும் நீங்களும் கேட்டுச் சொல்லுங்களேன்.

இத்தனையும் கேட்ட பிறகும் என்னுடய பேவரைட்டிலிருந்து “ஆரோமலே” போகவில்லை. அப்படி பார்த்தால் பிங்க் ப்ளாயிடின் பேக்ரவுண்ட் கிடார் ஸ்கோர், கொஞ்சம் லீட் கிடார் ஸ்கோரக டேவ் மாத்யூவின் பாடலில் கூடத்தான் இருக்கிறது. இப்படியெல்லாம் தேடினால் உலகில் எல்லா இசையமைப்பாளர்களிடம் இம்மாதிரியான மிக லேசான ஒப்புவமைகள் இருக்கத்தான் செய்யும் என்பது என் கருத்து.
@@@@@@@@@@@@@@@@@@@@@@@@@@@@@@@@@@@@@@@@@@@@
தியேட்டர்
சமீபத்தில் சாந்தம் தியேட்டரின் சீட்டுகள் எல்லாவற்றையும் மாற்றி இருக்கிறார்கள். சீட்டுக்கள் என்னவோ நன்றாகத்தான் இருக்கிறது. வாங்குகிற காசுக்கு சரியான வசதிகள் செய்வதில் இவர்களுக்கு நிகர் வேறு யாரும் இல்லை என்றே சொல்லலாம். ஆனால் முன்பிருந்த லெதர் ஃபோம் சீட் வசதி இதில் இல்லை அதுவும் தலை வரை உள்ள சீட்டுகள் புஷ்பேக் மிகவும் பின்னால் போகாமல் முன் புறம் அழுத்துவதால், கொஞ்சம் முன் பக்கம் வரிசை கிடைத்துவிட்டால் படம் பார்ப்பது கஷ்டமாக இருக்கிறது. கழுத்து வலிக்கிறது. அவர்களுக்கும் ஒரு மெயில் அனுப்பியிருக்கிறேன். என்ன செய்கிறார்கள் என்று பார்ப்போம்.
@@@@@@@@@@@@@@@@@@@@@@@@@@@@@@@@@@@@@@@@@@@@@
இந்த வார தத்துவம்
ஓவர் பிரிட்ஜுல முன்னாடி போற பஸ்ஸோட பிரேக் பிடிக்கும்ங்கிற நம்பிக்கையிலதான் பின்னாடியே நாமளும் போறோம். அது போலத்தான் வாழ்கை. ஏதோ ஒரு நம்பிக்கையில் தான் வாழ்கையே ஓடுது.. சொன்னவர்.. ஹி..ஹி.ஹி.. போங்க சார் எனக்கு வெட்கமாயிருக்கு 
@@@@@@@@@@@@@@@@@@@@@@@@@@@@@@@@@@@@@@@@@@@@@
இந்த வார கண்டுபிடிப்பு
காதலில் தோற்பது ஒரு பெரிய விஷயமே இல்லை.. ஆனால் ஒரு முறை ஜெயித்துப்பார் அப்போது தெரியும் தோல்வியே பரவாயில்லைன்னு.. ங்கொய்யால..
@@@@@@@@@@@@@@@@@@@@@@@@@@@@@@@@@@@@@@@@@@@@@@
இந்த வார குறும்படம்

மெலிதான நகைச்சுவையுடன் உறுத்தாமல் நீதி சொல்லும்படியாக எடுக்கப்பட்டிருக்கும் ப்ரெஞ்ச் குறும்படம்.
@@@@@@@@@@@@@@@@@@@@@@@@@@@@@@@@@@@@@@@@@@@@@@
இந்த வார டச்சிங் விடியோ

@@@@@@@@@@@@@@@@@@@@@@@@@@@@@@@@@@@@@@@@@@@@@@
இந்த வார விளம்பரம்
இந்த விளம்பரத்தை தடை செய்யுமளவுக்கு என்ன இருக்கிறது என்று தெரியவில்லை? ஆனால் ஸோ.. க்யூட்

@@@@@@@@@@@@@@@@@@@@@@@@@@@@@@@@@@@@@@@@@@@@@@
ஜோக்
உன்னை ஏண்டா எல்லா பஸ்சுல அந்த அடி அடிச்சாங்க..?

பாக்கெட்டுல இருந்த என்னோட போட்டோ ஒரு பொண்ணு கால் கீழே விழுந்திருச்சு, அதான் அவங்க கிட்ட போட்டோ எடுக்கணும் காலை தூக்குங்கன்னு சொன்னேன் அதுல என்ன தப்புன்னு தெரியலையே..?
@@@@@@@@@@@@@@@@@@@@@@@@@@@@@@@@@@@@@@@@@@@@@
எக்கனாமிக் ப்ரொபசர் : ஒரு ப்ரொபஷனலின்  தொழில் முறை தோல்வியை பற்றி ஒரு உதாரணம் சொல்லுங்கள்

மாணவன் :  கர்பமான ப்ராஸ்ட்ட்டிடுயூட்.
@@@@@@@@@@@@@@@@@@@@@@@@@@@@@@@@@@@@@@@@@@@@@@
ஏ ஜோக்
முதலிரவில் மனைவியிடம் கணவன் “கண்ணே உனக்கு எங்கே போக வேண்டும் நிலவுக்கா? அல்லது நட்சத்திர மண்டலத்துக்கா?” என்றதும

ம்னைவி : முதல்ல உன் ராக்கெட்ட காட்டு அதுக்கப்புறம் முடிவு பண்ணலாம் எங்க போறதுன்னு.. என்றாள்.
@@@@@@@@@@@@@@@@@@@@@@@@@@@@@@@@@@@@@@@@@@@@@@

கேபிள் சங்கர்