சிங்கம்- திரை விமர்சனம்

வழக்கமாய் எம்.ஜி.ஆருக்கு பிறகு வெகு சில நடிகர்களுக்கே 25,50,100வது படமெல்லாம் ஹிட்டாகியிருக்கிறது. சூர்யாவிக்கு அந்த அதிர்ஷ்டம் இருக்கிறது போல. வழக்கமாய் யாராவது வேண்டாம் என்று ரிஜெக்ட் ஆன ப்ராஜெக்டை இவர் எடுத்து நடித்தால் அது ஹிட்டாகிவிடும்.  இது விஜயால் நிராகரிக்கப்பட்ட ஸ்கிரிப்ட்.
உள்ளூரிலேயே போஸ்டிங் வாங்கிக் கொண்டு சப் இன்ஸ்பெக்டராய் தூள் கிளப்பிக் கொண்டிருக்கும் சூர்யா, இவருக்கு சமமந்தமேயில்லாத சென்னையில் தாதாகிரி செய்து கொண்டிருக்கு பிரகாஷ்ராஜ், இவர்கள் இருவருக்கும் ஒரு மோதல் ஏற்படுகிறது. அதில் கடைசியில் யார் வெல்கிறார்கள் என்பதே கதை. ஏற்கனவே பல படங்களில் பார்த்த கதை தான் என்றாலும் சும்மா சரவெடி போல படபடவென வெடிக்கிறது சிங்கம்.
உலக லெவலில் ஒரு மசாலா படம் வெல்வதற்கு மிக முக்கியமான விஷயம் வில்லன் கதாபாத்திரம் தாம். அது காத்திரமாக இருந்தால் நிச்சயம் ஒரு ஹீரோயிச படம் வெற்றி பெற்றுவிடும் அது எவ்வளவு மசாலாவாக இருந்தாலும். உதாரணத்துக்கு, ஆர்னால்டின் பிரேட்ர், டெர்மினேடர் போன்ற படங்களை எடுத்துக் கொள்ளுங்கள்.ஏன் நம்ம விஜயின் திருப்பாச்சியை எடுத்துக் கொள்ளுங்கள் அதில் வில்லன்கள் காத்திரமாக இருந்ததால் தான் படமும் விறுவிறுவென போனது. அதே போல் இப்படத்தின் முதுகெலும்பு பிரகாஷ் ராஜ். மனுஷனோட பிரசன்ஸ் அட்டகாசம்.
சூர்யா படம் முழுவதும் ஹரியின் எல்லா படங்களில் வரும் வழக்கம் போல நிறைய பேசுகிறார். கோபப்படுகிறார், ஆக்ரோஷமாய் சண்டையிடுகிறார், காதலிக்கிறார், துடிக்க, துடிக்க, மிடுக்காய் நடக்கிறார். ஒரு பக்கா மசாலா படத்துக்கு தன்னை தயார் செய்து கொண்டு கண்முன்னே நிற்கிறார்.

படத்துக்கு இன்னொரு ப்ளஸ் பாயிண்ட் ம்ஹும்.. அனுஷ்கா.. அம்மணியின் அந்த உயரமும், வாளிப்பான உடலும், இடுப்பும், ஒரு கெட்ட ஆட்டம் போட்டிருக்கிறார் ஒரு டூயட்டில் பார்க்கிறவர்கள் ராத்திரி தூங்கினார் போலத்தான்.
வர வர விவேக் இன்னொரு வெண்ணிற ஆடை மூர்த்தி ஆகிவருகிறார். ஆங்காங்கே கிச்சு கிச்சு மூட்டுகிறார். தேவிஸ்ரீபிரசாத்தின் பாடல்கள் பெரிதாய் சொல்லிக் கொள்ளும்படியாய் இல்லை. இயக்குனருக்கு பெரிய பலம் ஒளிப்பதிவாளர் பிரியனும் எடிட்டர் விடிவிஜயனும் தான். அவ்வளவு வேகமான பரபரக்கும் கேமராவும், எடிட்டிங்கும். முக்கியமாய் சண்டைகாட்சிகளும், பாடல் காட்சிகளிலும் சொல்லலாம்.

கதை திரைக்கதைவசனம் எழுதி இயக்கியிருப்பவர் ஹரி.. நிச்சயமாய் இவரது எல்லா படங்களிலும் விறுவிறுப்புக்கு பஞ்சமே இருக்காது. படம் பார்த்து விட்டு வெளியே வந்தால் தான்  ஆங்காங்கே இருக்கிற இண்டு இடுக்கு எல்லாம் புரியும். தியேட்டரில் அப்படியே உட்கார வைத்துவிடும் திறமை அவருக்கிறது என்பதை மீண்டும் நிருபித்திருக்கிறார். சூர்யா, பிரகாஷ் ராஜ் இருவருக்கும் இடையே நடக்கும் டக் ஆப் வாரில் பல இடங்களில் லாஜிக்  மீறல்கள் இருந்தாலும் விறுவிறுப்புக்கு பஞ்சமில்லை. முக்கியமாய் முன் பாதியில் வரும் காதல் காட்சிகள், அனுஷ்கா இவரை பார்ப்பதற்காக போலீஸ் ஸ்டேஷனுக்கு ஏதையாவ்து சாக்கு சொல்லி வருவதும், அதற்கு இவர் அவரிடம் கேள்வி கேட்டே பிரச்சனையை சால்வ் செய்வதும், க்யூட் அண்ட் இன்ட்ரஸ்டிங்.. முக்கியமாய் அவரை அடித்தற்காக அனுஷ்காவிடம் மன்னிப்பு கேட்கும் இடம். அதே போல சென்னைக்கு மாற்றலாகி வந்து பிரகாஷ் ராஜின் இம்சைக்கு நொந்து போய் வேலையை விட்டு போகிறேன் என்று சொல்லுமிடம், என்று ஆங்காங்கே சரியான விகிதத்தில் சரியான மசாலா கலவையை கலந்திருக்கிறார் ஹரி. முக்கியமாய் படம் நெடுக வில்லன் அவன் ஒரு சாணக்யண்டா.. வெண்ணைய்டா.. தீரண்டா சூரண்டா என்று தனியாக ஹீரோவை பத்தி புலம்பவில்லை.
படத்தில் மைன்ஸே இல்லையா என்றால் அது நிறைய இருக்கிறது. முக்கியமாய் லொட, லொட வசனங்கள், ஒரு சில டெம்ப்ளேட் காட்சிகள்,கும்பல் கும்பலாய் குடுபங்கள், ஏசியிடம் பேசி நடுத்தெருவுக்கு தள்ளும் இன்ஸ்பெக்டர், அப்புறம் ஹரி ஸ்பெஷாலிட்டியான வேட்டி சட்டை அடியாட்கள், சுமோ பறப்பது, அடிச்சா நூறு அடி தூரம் போய் விழுவது போன்று பல விஷயங்கள் இருந்தாலும் விறுவிறு திரைக்கதைக்காக மன்னிக்கலாம்.

நிச்சயம் இப்படம் சூர்யாவை ஒரு மாஸ் ஹிரோ லெவலுக்கு உயர்த்த போவது நிச்சயம். அதை நினைத்தால் பயமாகத்தான் இருக்கிறது. இன்னொரு விஜய்,விஷால் போல உருவாகிவிடுவார் போலிருக்கிறது எனப் பயமாய் இருக்கிறது.

டிஸ்கி: சூர்யா இம்மாதிரி படங்களில் நீங்கள் நடிக்க வேண்டாம் என்று சொல்லவில்லை. ஆனால் இம்மாதிரியான படங்களுக்கும் மற்ற படங்களுக்கும் இடையே குறைந்த பட்சம் நான்கு படங்கள் இருந்தால் நன்றாக இருக்கும். இல்லாவிட்டால் இன்னொரு அஜித், விஜயாக பார்க்க வேண்டிய நிர்பந்தம் ஏற்பட்டுவிடும். ஜாக்கிரதை... நல்ல வேளை விஜய் இப்படத்தை ஒத்து கொள்ளவில்லை.. அப்படியிருந்தால் அவரை போலீஸ் வேஷத்தில் பார்த்து தொலைத்திருக்க வேண்டியிருக்கும்.

சிங்கம்- கரம் மசாலா..

கேபிள் சங்கர்

---

Post a Comment