Kites –2010

சுமார் இரண்டு வருடங்களுக்கு மேல் தயாரிப்பிலிருந்த படம். இப்படத்தின் ப்ரோமோஷனை உலக அளவில் பெரிய எதிர்பார்ப்பை ஏற்படுத்திய படம். கேங்ஸ்டர், லைப் இன் மெட்ரோ படங்களின் இயக்குனர் அனுராக் பாசுவின் அடுத்த படம்.
லாஸ் வேகாஸில் வறுமையின் ஊடே நடனம கற்றுத்தரும் ஜெய் என்கிற ஹிரித்திக், சமயங்களில் இமிக்ரேஷனுக்காக போலி திருமணம் செய்து கொள்பவன். ஹிரித்திக்கை கங்கனா ராவத் காதலிக்க, அவளின் பணத்தை பார்த்த ஹிரித்திக் அவளை காதலிப்பதாக நடிக்கிறான். அவளின் தந்தை கபீர் பேடி ஒரு பெரிய காஸினொவின் ஓனராகவும் மிகப் பெரிய லோக்கல் தாதாவாகவும் இருக்க, அவளின் அண்ணன் திருமணம் செய்யப் போகும் ஸ்பானிஷ் பெண் பார்பரா மோனியை பார்க்கிறான். அவளின் மேல் ஹிரித்துக்குக்கு காதல் பிறக்கிறது. அவளும் கங்கனா ராவத்தின் அண்ணனை பணத்துக்காகத்தான் காதலிக்கிறாள். ஹிரித்திக்கும், பார்பராவும் ஏற்கனவே அவளின் இமிக்ரேஷனுக்காக போலித் திருமணம் செய்தவர்கள் கூட, ஒரு கட்டத்தில் பணமா, அலலது இவர்களுக்குள் இருக்கும் காதலா என்று முடிவெடுக்க வேண்டியை சூழ்நிலையில் காதல் தான் என்று முடிவெடுத்து ஓடிப் போகிறார்கள். க்ளைமாக்ஸ் என்ன என்பதை வெள்ளித்திரையில் காண்க.
ஹிரித்திக் போன்ற ஒரு ஹீரோவுக்கு இப்படி ஒரு கேரக்டரைஷேஷன் இண்ட்ரஸ்டிங். மிக அழகாக நடனமாடுகிறார். அற்புதமான உடல், மற்றும் உடல் மொழி, அனைத்தும் அருமை.
ஸ்பானிஷ் காதலியாக வரும் பார்பரா மோரியை பார்த்ததும் மனதில் பச்சக் என்று ஒட்டிக் கொள்கிறார். அதிலும் அவர் கடகடவென பேசும் ஸ்பானிஷ் மொழியாகட்டும், இவர் என்ன பேசுகிறார் என்பதை புரியாமல் முகத்தில் காட்டும் எக்ஸ்ப்ரெஷன் ஆகட்டும் ச்சோ..க்யூட்.
அனுராக் பாசுவின் ஆஸ்தான கதாநாயகி கங்கனா ராவத் இதில் இருக்கிறார். பெரிய கேரக்டர் இல்லையென்றாலும் ஹிரித்திக்கை செட்யூஸ் செய்ய முயற்சிக்கும் காட்சியில் மனதில் நிற்கிறார்.
நான் லீனியர் பாணி திரைக்கதை ஆரம்பத்தில் ஆர்வத்தை அதிகப்படுத்தினாலும், கொஞ்சம் கொஞ்சமாய் ஸ்லோவாகி, அதன் போக்கில் மேலும் மெதுவாகி போய்விடுகிறது. திரும்ப, திருமப், காதல், மோதல், சேஸிங் என்பதெல்லாம் மிகவும் சொங்கிப் போய்விடுகிறது. ஹிரித்திக், பார்பரா காதல் காட்சிகளில் டெப்த் குறைவாக இருப்பதாலும், மிக இயல்பாய் யோசிக்கக்கூடிய காட்சிகளாலும், ஒரு கட்டத்திற்கு பிறகு சுருதி குறைந்து விடுகிறது.
பாராட்டபடவேண்டிய ஒருவர் யாரென்றால் அது ஒளிப்பதிவாளர் தான். அழகான டோன், சேஸிங் காட்சிகள், ஆக்‌ஷன் காட்சிகள் எல்லாமே அருமை. மிகவும் குறிப்பாய் சொல்லும் படியான காட்சி க்ளைமாக்ஸ் காட்சி. அதே போல் எடிட்டரும் பாராட்டபட வேண்டியவர் தான்.
ராக்கேஷ் ரோஷனின் இசை ஓகே.. பெரிதாய் இம்பாக்ட் கொடுக்காவிட்டாலும். தொந்தரவாக இல்லை. அத்தோடு காதல் கதையில் க்ளைமாக்ஸ் இப்படத்திற்கு ஒத்து வரவில்லை. ரொம்பவும் ஆண்டிக்காக இருக்கிறது.

Kites- டீல் அந்துகிச்சு..

கேபிள் சங்கர்