கொத்து பரோட்டா-08/06/10

கடந்த ஒரு வாரத்துக்கும் மேலாக பதிவுலகில் இருக்கும் அந்தயிசம், இந்தயிசம், அவன், இவன், ச்சீய்.. த்தூ, மன்னிப்பு, அந்த ஆதிக்கம், இந்த ஆதிக்கம், என்று ஆளாளுக்கு கிடைச்சுதுடா மேட்டர்ன்னு எழுதி, எழுதி மாய்ந்ததை பார்த்து, நிறைய பேர் டரியலாகி, விட்டா போதும் என்று ஓடுகிற நினைப்பில் வந்துவிட்டார்ள். நான் போகிறேன். ஒரு வாரம் கழித்து வருகிறேன், வரவே மாட்டேன் என்றென்லாம் பதிவு போட்டு சொல்லிவிட்டு போகிறார்கள். பதிவிடுவதிலிருந்து தெரிகிறது இவர்கள் திரும்பவும் எழுத வருவார்கள் என்று…  :)
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
சென்ற வாரம் எஸ்.ராவுடன் ஒரு இனிமையான சந்திப்பு நிகழ்ந்தது. அவரை இதற்கு முன் பல முறை சந்தித்திருந்தாலும், நிறைய நேரம் தனியாய் பேசிக் கொண்டிருந்தது அன்றுதான். மிக அருமையான உரையாடல்கள், ஓவியங்கள், திரைப்படங்கள், புத்தகம், எழுத்து, என்று பல விஷயங்களை சொல்லிக் கொண்டே போனார். கேட்டுக் கொண்டேயிருந்தேன். தமிழில் எழுதி மட்டுமே சர்வைவல் செய்ய முடியுமா? என்று கேட்டதற்கு ஒரு அருமையான பதிலை சொன்னார்.அதற்கு கொத்துபரோட்டா போதாது..ஒரு தனி பதிவே வேண்டும். சுருக்கமாய் சொல்ல வேண்டுமென்றால் உழைப்பையும், முனைப்பையும், கடமையோடு செய்தால் நிச்சயம் முடியும் என்றார்.
@@@@@@@@@@@@@@@@@@@@@@@@@@@@@@@@@@@@@@@@@@@
சினி சிட்டி என்று கோடம்பாக்கத்தில் உள்ள ஹோட்டலில் ஒரு அருமையான கான்செப்ட் அமைத்திருக்கிறார்கள். ஒவ்வொரு, திங்கள், செவ்வாய், புதன், மற்றும் வெள்ளி அன்று மட்டும் வீடியோவோடு சேர்ந்த கரோக்கி சிஸ்டம் ஒளிபரப்புகிறார்கள். நமக்கு எந்த பாட்டு வேண்டுமோ.. அதை தெரிவு செய்து வீடியோவுடன் மைக்கில் பாடலாம்.. பாத்ரூம் பாடகர்கள் முதல் பிரபல பாடகர்கள் வரை அவரவர்கள் வாய்வரிசையை காட்ட அருமையான இடம்.. ஆண்களூக்கு மட்டுமே அனுமதி… போனவாரம் நானும் அப்துல்லாவும்.. போய் பாடி.. ஒரு பெரிய ரசிகர் பட்டாளமே ஒன்ஸ்மோர் கேட்டது.. இடம் தெரியாமல் அலைபவர்கள் எங்களை காண்டேக்ட் செய்யவும்..
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
மெனுகார்டில் டக்கீலாவை பார்த்தேன்.. அதை பார்த்ததும்.. ஷகீலாவை .... பார்த்தவன் போல் உற்சாகமாகி.. ஒரு ஸ்மாலை அர்டர் செய்தேன். பார்மேன்.. ஒரு சின்ன டெஸ்ட் டூயூப் போன்ற ஓரு குடுவையில் ஓரு ஸ்மாலுடன்.. ரெண்டு எலுமிச்சையுடன் உப்பை ஓரு டேபிளின் முன் வைத்தான்.. எதனுடன் அதை அடிப்பது என்று யோசித்து கொண்டிருக்கும் போது.. ’அப்படியே சாப்டணும்னு’ என் நண்பர் ஹார்லிக்ஸ் பேபி போல் சொல்ல.. ஒரே ஷாட்டில் அடித்தேன்.. நெஞ்சுக்குள் சல்லென்று இறங்கி, உடனடியாய் கீழே போய் ஓரு ”பக்” என தீப்பிழம்பு போல் சர்ரென்று மேலேறி குப்பென்று வாய் வழியாய் தீ வர, உடனடியாய்.. உப்பை எலுமிச்சையில் தோய்த்து.. நாக்கில் வைத்து தேய்க்க.. சூப்பர்.. டக்கீலா.. ஒரு வெளிநாட்டு சாராயம்..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
இந்த வார ட்ரைலர்.
நண்பர் பதிவர் ஹரீஷ், ஹரி ஷங்கர், கிருஷ்ண சேகர் ஆகிய மூவரும் இணைந்து  இயக்கியிருக்கும் “இரா” என்கிற படம் வருகிற 11 ஆம் தேதி “ஓர் இரவு” என்கிற பெயரில் வெளியாகிறது. புதிய ட்ரைலரை வெளியிட்டிருகிறார்கள். அருமையான கட்ஸ். படம் பார்க்கும் ஆர்வத்தை தூண்டுகிறது.. வாழ்த்துக்கள் ஹரீஷ்..

******************************************************************
இந்த வார விளம்பரம்.
ச்சோ….சூவீட்டான விளம்பரம்.. யூ..ஆல்…லவ்…இட்..

%%%%%%%%%%%%%%%%%%%%%%%%%%%%%%%%%%%
ஜோக்
கொலம்பஸ்சுக்கு மட்டும் கேர்ள் ப்ரெண்டு இருந்திருந்தா அவரு அமெரிக்காவை கண்டுபிடிச்சிருக்கவே மாட்டாரு.. ஏன்னா..? கிளம்பும் போதே…

“எங்க போறீங்க..?”
“யாரோட போறீங்க?”
“எப்படி போறீங்க?”
”எதை கண்டுபிடிக்க போறீங்க?”
“ஏன் நீங்க மட்டும்?”
“நீங்க போயிட்டா நான் என்ன பண்றது.?”
“நானும் ஏன் கூட வரக்கூடாது?”
“எப்ப திரும்பி வருவீங்க?”
“எங்க தங்குவீங்க?”
“என்னை மிஸ் பண்ணூவீங்க இல்லை.?”

கொலம்பஸ் : நான் ஆணியே புடுங்கல போதுமா..?
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
இந்த வார தத்துவம்
வாழ்க்கையின் பயணத்தில் பல திடீர் திருப்பங்களை சந்திக்க நேரிடும். அப்படி பட்ட நேரத்தில் பயப்படாமல் தைரியமாய்  பயணி. சில நேரங்களில் அம்மாதிரியான திருப்பங்கள் உன்னை உலகின் உச்சிக்குக்கூட கொண்டு செல்லும்.
6666666666666666666666666666666666666666666666666666666666666666666
ஏ ஜோக்
கணவன் மனைவி இருவரும் ஒரு விவாகரத்து வக்கீலிடம் போய் விவாகரத்து கோர, அதற்கான காரணம் என்ன என்று வக்கீல் கேட்டார்.
மனைவி: இவருக்கு சீக்கிரமே “அவுட்”டாகி விடுகிறது. அதனால் நான் மிகவும் கஷ்டப்படுகிறேன். இந்த கஷ்டத்திலிருந்து என்னை விடுதலை செய்யுங்கள் என்றாள்.

வக்கீல்: நீங்கள் என்ன சொல்கிறீர்கள்? என்று கணவனை பார்த்து கேட்க,

கணவன்: எனக்கேதும் கஷ்டமில்லை. அவ தான் ஃபீல் பண்றா.. என்றான்
############################################################

---

Post a Comment