கொத்து பரோட்டா- 9/08/10

கடந்த இரண்டு மூன்று வாரமாக ப்ரொபைல் இல்லாத பெயரில் நான் இதை எழுத வேண்டும், அதை எழுத வேண்டும், இது ஆபாசம், அது இது என ஒரே ஆள் பல பெயர்களில் வந்து ஏதோ எனக்கு நல்லது செய்வதாய் நினைத்துக் கொண்டு,  அட்வைஸ் மழை பொழிந்து கொண்டிருக்கிறாரகள். அதிலும் சில பின்னூட்டங்கள் ஒரு படி மேலே போய் உங்கள் எதிர்காலத்துக்கு இதை எழுதினால் நல்லதல்ல. என்பது போன்ற பாசப்பிணைப்பான அட்வைஸ்கள் வேறு. அய்யா ப்ரொபைல் இலலாத நண்பரே.. நான் பதிவெழுத வந்த போது இதை தான் எழுத வேண்டுமென்று, முடிவெடுத்தோ, அல்லது எதை எதையெல்லாம் எழுதலாம் என்று மற்றவர்களை கேட்டுக் கொண்டோ எழுதவில்லை. எனக்கு தோன்றியதை எழுதிக் கொண்டிருக்கிறேன்.  என் பதிவுகளை குறித்தான  உங்களின் தார்மீக ரீதியான  மாற்று கருத்துகளுக்கான விமர்சனங்களை நான் வரவேற்கிறேன், எதிர்பார்க்கிறேன். அதனால் தான் முகவரியில்லாத பின்னூட்டங்களை பதிவு பற்றிய விமர்சனமாய் இருந்தால் வெளியிடுகிறேன். ஆனால் தொடர்ந்து அதை எழுது, இதை எழுதாதே என்று Insist செய்பவர்களுக்கு ஒன்று சொல்லிக் கொள்ள விரும்புகிறேன். நீங்கள் சொல்வதால் நிச்சயம் நான் என் வழக்கத்தை மாற்ற போவதில்லை. எனக்காக தோன்றும் வரை.. ஸோ.. சாரி.. மன்னிக்கவும். அதனால் உங்களுடய பொன்னான நேரத்தை எனக்கு அட்வைஸ் செய்வதில் செலவிடாமல் வேறு உருப்படியான வேலைகளை செய்யலாம்.  I know My Worth!!!!!
*******************************************************************************
மதிமுக, மற்றும் ப.ம.கவுக்கான அரசியல் கட்சி அங்கீகாரத்தை ரத்து செய்ய போகிறதாம் தேர்தல் ஆணையம். மதிமுகவின் கடந்த தேர்தல்களில் அவர்கள் பெற்ற வாக்கு சதவிகிதம் தேர்தல் ஆணையம் நிர்ணையிக்க பட்ட விகிதத்தைவிட குறைவாக இருந்தத்தினால் அவர்கள் கட்சியின் மாநில கட்சி அங்கீகாரத்தையும், ப.ம.கவுக்கு பாண்டிச்சேரி மாநில கட்சி அங்கீகாரத்தையும் நீக்க போவதாய் அறிவித்திருக்கிறது. இவர்கள் 2011ல் ஆட்சியை பிடிக்கப் போகிறவர்கள் என்று சொல்லிக் கொண்டிருந்தவர்கள் இப்போது நாங்கள் இல்லாமல் தமிழ்நாட்டில் ஒரு கட்சியும் வெற்றி பெற முடியாது என்று மீண்டும் யார் சேர்த்துக் கொள்வார்கள் என்று தேடிக் கோண்டிருக்கிறது.  ம்ஹும்.
*******************************************************************************
செவிக்கினிமை
எல்லோரும் தமிழ் எந்திரன் பாடல்களைப் பற்றி பேசிக் கொண்டிருக்க, ஆந்திராவில் இரண்டு நாள் முன்னால் தான் தெலுங்கு எந்திரன் ஆடியோ ரிலீஸ். சிரஞ்சீவி சீப் கெஸ்டாக வந்திருந்து வெளியிட்டிருக்கிறார். ஆனால் ஆந்திராவில் அதற்கு முன்னரே ரஹ்மான் ஒரு கலக்கு, கலக்கியிருந்தார். எஸ்.ஜே.சூர்யாவின் இயக்கத்தில் பவர் ஸ்டார் பவன்கல்யாண் நடித்து வெளிவர இருக்கும் “கொம்மரம் புலி” பட பாடல்கள் ஒரு சில வாரங்களுக்கு முன் தான் வெளியிட்டிருக்கிறார்கள். அதில் வரும் ”Amma thalli” “Power Star” “Nammakame” என்று வித்யாசமான பாடலகளை தந்து அசத்தியிருக்கிறார். அதிலும் அம்மா தல்லி பாடலில் வரும் டங்க் டுவிஸ்டர் போன்று வரும் பாடல் வரிகளுக்கு படபட சுவேதாமேனனின் குரலும், நரேஷ் ஐயரின் இழையலும். சரியான கலவை. ரஹ்மானின் குரலில் வரும் மாராலண்டே கொஞ்சம் சுதந்திர நாட்டு பற்று வாசனை அடித்தாலும் நைஸ் காம்போஸிஷன். அதிலும் சித்ராவின் குரலில் வரும் நம்மகமே பாடல் Soothing melody.
&&&&&&&&&&&&&&&&&&&&&&&&&&&&&&&&&&&&&&&&&& 
இந்த வார சந்தோஷம் 
சென்ற வாரம் தினத்தந்தியில் சினிமா வியாபாரம் புத்தகத்தை பற்றிய சிலாகித்த பாராட்டும், இந்த  வார விகடனில் என்னையும் சேர்த்து, பரிசல், விக்னேஷ்வரி, தீபா, வழக்கறிஞ்சர் வரதராஜன், ஓசை செல்லா ஆகியோரின் வலைப்பூ குறித்த பேட்டிகள் விகடனில் வெளிவந்ததும், கல்கியில் என்னுடய சிறுகதை “எண்டார்ஸ்மெண்ட்” வெளிவந்ததும் தான். பேட்டி குறித்தான உங்கள் வாழ்த்துக்களுக்கு மிக்க நன்றி நண்பர்களே.. எல்லாம் நீங்கள் கொடுக்கும் ஆதரவினால் தான்.
@@@@@@@@@@@@@@@@@@@@@@@@@@@@
இன்ஸெப்ஷன் படத்தை பற்றி ஏகப்பட்ட விமர்சனங்கள். கிரிஸ்டபர் நோலனின் வித்யாசமான் திரைக்கதை, ஒரு மனிதனின் மூளையில் இப்படியெல்லாம்கூட யோசிக்க முடியுமா என்ற ஆச்சர்யம் கலந்த எண்ணம் எழாமல் படம் பார்க்க முடியாது. படத்தை பார்த்து ஒவ்வொருவர் ஒருவிதமாய் புரிந்து கொண்டு விமர்சனம் எழுதியிருந்தார்கள். நானும் எழுத நினைத்து, இன்னொரு முறை பார்த்துவிட்டு எழுதுவோம் என்று இருக்கிறேன். பதிவுலகை பொறுத்தவரை ஜெய் எழுதிய விமர்சனம் அருமை. சமீபத்தில் சாருவின் இன்ஸெப்ஷன் பற்றிய பர்சப்ஷன்  அட்டகாசம்.
%%%%%%%%%%%%%%%%%%%%%%%%%%%%
கலைஞர் டிவியில் வந்து கொண்டிருந்த  ”எல்லாமே சிரிப்புத்தான்” என்கிற நிகழ்ச்சியில் பங்கு பெற்ற திண்டுக்கல் சரவணன் என்பவரின் வெர்சடைலிடி அருமையாய் இருக்கும். உதவி இயக்குனராக ஆசைப்பட்டு, பின்பு காதல் படத்தில் ஒரு சின்ன கேரக்டரில் நடித்து, எல்லாமே சிரிப்பு நிகழ்ச்சியின் மூலமாய் இன்று பிரபல மிமிக்கிரி  கலைஞராய புகழ் பெற்றிருக்கும் இவரின் ஆரம்ப கால மிமிக்கிரி ஸ்க்ரிப்டுகளை முதல் முதலில் கேட்ட நண்பன் என்கிற முறையில் அவரின் வளர்ச்சி சந்தோஷத்தை அளிக்கிறது. மேலும் அவர் பல உயரம் தொட வாழ்த்துகிறேன்.

%%%%%%%%%%%%%%%%%%%%%%%%%%
இந்த வார குறும்படம்
நளனின் இந்த குறும்படம் செம நக்கலும், நையாண்டியுமானது. குறும்படம் எடுப்பது எவ்வளவு கஷ்டம் என்பதை இப்படத்தை பார்த்தாலே தெரியும். புரியும். இப்படம் கூட ஒரு சேனலின் போட்டிக்காக  எடுத்து அதில் ஒளிபரப்பாமலே செலக்ட் ஆன  படம் என்று கேள்வி!!!!. எந்த அளவுக்கு உண்மை என்று தெரியாது. செவி வழி செய்தி. பட்.. நிஜமாகவே ஒரு குறும்படம் எடுக்க இவ்வளவு கஷ்டப்பட்டுதான் ஆகவேண்டும் பார்க்கும் நமக்கு வேணுமானால் காமெடியாய் இருக்கும். இயக்குனருக்கு ரத்தக் கண்ணீர் வரும்.

@@@@@@@@@@@@@@@@@@@@@@@@@@@@@@@@@@@@@@
இந்த வார விளம்பரம்

%%%%%%%%%%%%%%%%%%%%%%%%%%%%%
கேப்டன் டிவியில் ஒரு வித்யாசமான ஷோ ஆரம்பிக்க இருக்கிறார்கள். நம்ம கேப்டன் வழக்கமாய் செய்யும் திரையில் செய்யும் வேலையை வேறு ஒருவரை வைத்து கான்செப்ட் செய்திருக்கிறார்கள். அநியாயத்தை எதிர்ப்பது, உரிமையை கேட்பதும், கோபப்படுவதையும் தான்.  இந்த நிகழ்ச்சியின் கதாநாயகன் யார் தெரியுமா? நம்ம டிராபிக் ராமசாமி. நிகழ்ச்சியை தயாரிப்பவர் என் இயக்குனர் நண்பர் என்.வி. நட்ராஜ் அவர்கள். அவருக்கு வாழ்த்துக்கள். 

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
இந்த வார தத்துவம்
ரிஸ்க் எடுப்பதற்கும், கடுமையாக உழைப்பதற்கும் தயங்காதீர்கள். கடலில் முத்தெடுக்க ஆழ்கடலில் மூச்சடக்கித்தான் ஆக வேண்டும் முத்து கடற்கரையில் கிடைக்காது.

எப்போது ஒரு மனிதனை அவன் தற்போது இருக்கும் நிலையில் மதிப்பு கொடுக்காதே. நேரம் வந்தால் சாதாரண நிலக்கரி வைரமாக மாறும் போது.. மனிதனுக்கு எம்மாத்திரம்.
*****************************************************
ஏ ஜோக்
மூன்று பெண்கள் ஒரு பெண் பாஸிடம் வேலை செய்து கொண்டிருந்தார்கள். தங்கள் பாஸ் தினமும் சீக்கிரமே கிளம்பிவிடுவதை பார்த்து, அவர் கிளம்பிய உடனேயே தாங்களும் கிளம்பி விட்டாள் பாஸுக்கு எப்படி தெரியும். என்று ப்ளான் செய்து பாஸ் கிளம்பியவுடன் அவர்களும் கிளம்பினார்கள். முதலாமவள் சீக்கிரமாய் வீட்டிற்குப் போய் தன் குழந்தைகளுடன் விளையாடி பொழுது போக்கி சீக்கிரமே தூங்கப் போனாள். இரண்டாமவள் தன் கணவனுடன் ஷாப்பிங் சென்று விட்டு ஹோட்டலில் உணவருந்திவிட்டு இரவு கொண்டாட்டமாய் பொழுதை கழித்தாள் மூன்றாமவள் வீட்டிற்கு போய் தன் கணவனுக்கு சர்ப்ரைஸ் கொடுக்க சத்தமில்லாமல் கதவை திறந்து உள்ளே போனாள், உள்ளே கசமுசவென முக்கல் முனகல் சவுண்ட் கேட்க, ரகசியமாய் கதவை திறந்தவள் அங்கே தன் பாஸ் அவள் கணவனுடன் சல்லாபிப்பதைப் பார்த்து அதிர்ந்து போய் வெளியே வந்து விட்டாள். அடுத்த நாள் எல்லோரும் தங்கள் அனுபவத்தை கூறி இன்றும் நாம் அதே போல கிளம்பலாம் என்று சொல்ல, மூன்றாமவள் “அய்யோ.. நான் வரலைப்பா.. நேத்திக்கே நான் பாஸுகிட்ட மாட்ட இருந்தேன்” என்றாள்.
***************************************************************************************

கேபிள் சங்கர்

---

Post a Comment