பாணா காத்தாடி

ஸ்கூல் படிக்கும் வடசென்னை ஸ்லம் பையனுக்கும், பேஷன் டெக்னாலஜி படிக்கும் ப்ரியாவுக்குமிடையே ஏற்படும், காதல், மோதலை பற்றிய படம். நடிகர் முரளியின் மகன் அதர்வா அறிமுகமாயிருக்கும் படம். சத்யஜோதியின் பேனரில் வரும் படம் என்பதால் ஒரு நல்ல எதிர்பார்ப்பு ஏற்படுத்தியிருந்த படம்.

ஒவ்வொரு க்ளாஸிலும் இரண்டிரண்டு வருடங்கள் நின்று நிதானமாய் படித்து வரும் ரமேஷ், காத்தாடி விடுவதில் மன்னன். ஒரு டீலில் அறுந்த காத்தாடியை பிடிக்க ஓடும் போது சமந்தாவின் மேல் மோதிவிட, அவள் கழுத்தில் மாட்டியிருக்கும் பென் ட்ரைவ் அதர்வாவின் பைக்குள் மாட்டிவிட, இது தெரிந்து சமந்தா அவனை தொடர்ந்து டார்ச்சர் செய்கிறாள். ஒரு கட்டத்தில் தன் பாக்கெட்டில் பென் ட்ரைவ் இருப்பதை கண்டு அவளிடம் கொடுக்க, இருவரும் நண்பர்களானார்கள். நட்பு காதலாகிறது. அதர்வா தன் காதலை சொல்லப் போகும் போது நடக்கும் பிரச்சனையில் இருவரும் பிரிய. முடிவில் காதலர்கள் இருவரும் சேர்ந்தாரக்ளா? இல்லையா என்று சொல்லியிருக்கிறார்கள்.
நடிகர் முரளியின் மகன் அதர்வா.. ஆள் நன்றாக இருக்கிறார். நன்றாக நடனம் ஆடுகிறார். கொஞ்சம் நடிக்கவும் செய்கிறார். ஆனால் மெட்ராஸ் பாஷை தான் வாயில் நுழைய மாட்டேனென்கிறது. அவனை சுற்றியுள்ள நண்பர்கள் எல்லோரும் மெட்ராஸ்பாழையில் சரியாக பேச இவர் மட்டும், ம்ஹும்.

சமந்தா ஏற்கனவே அறிமுகமாகியவர்தான். விண்ணைதாண்டி வருவாயா படத்தின் சின்ன ரோலில் நடித்தவர். ஆனால் தெலுங்கில் அவர் தான் கதாநாயகி. தற்போது செம பிஸியான நாயகி. அழகாய் இருக்கிறார். மேலுதடு வித்யாசமாய் இருக்கிறது. பல இடங்களில் அழகாயிருக்கிறார்.

படத்தை ஒரளவுக்கு கலகலப்பாக கொண்டு போவது கருணாஸ் தான். முதல் காட்சியில் போலீஸ் ஸ்டேஷனின் “கோத்துவிடுறாங்க சார்” என்று புலம்புவதில் ஆரம்பித்து. ஆங்காங்கே மாட்டிக் கொண்டு விழிப்பதாகட்டும், அப்பா பாக்கெட்டில் திருட முயற்சி செய்து தோற்குமிடங்களாட்டும் கலகலப்பு.

அதர்வாவின் அம்மாவாக மெளனிகா.. இவர் ஒருவர் தான் கொடுத்த காசுக்கு எக்ஸ்ட்ராவாக நடித்திருக்கிறார். அருமையான  மெட்ராஸ் பாஷை டிக்‌ஷன். பாடி லேங்குவேஜ். ப்ரசன்னா கேரக்டர் ஆங்காங்கே வருகிறது. கொலை செய்கிறது. க்ளைமாக்சில் ஹீரோவையே கொல்ல வருகிறது. என்று பல பில்டப்புகள் இருந்தாலும் பெரிதாய் மனதில் நிற்கத்தான் மாட்டேன் என்கிறது அவரது கேரக்டர். இந்த தொழில் வேண்டாம் என்று பேசும் இடத்தில் ப்ரசன்னாவின் டயலாக்கும் அவரது நடிப்பும் அருமை.
யுவனின் பாடல்கள் வெகு சுமார். என் நெஞ்சில் பாடலும்,இரண்டு பாடல்களை தவிர பெரிதாய் ஏதுவும் நினைவில் நிற்கவில்லை. பிண்ணனி இசை சொல்லிக் கொள்கிறார் போல இல்லை. ரிச்சர் நாதனின் ஒளிப்பதிவில்  என் நெஞ்சில் பாடலில் வரும் வெளிப்புற காட்சிகள் பளிச். ராதாகிருஷ்ணனின் வசனங்கள் அவரது மீண்டும் மீண்டும் சிரிப்பு போலவே நிறைய நாடகத்தனம். ஒரு பாடலுக்கு ஆடியிருக்கும் ப்ரொடக்‌ஷன் மேனேஜர் ராஜ்குமாரின் ஆட்டம் அருமை.

திரைக்கதை இயக்கம் பத்ரி வெங்கடேஷ். இவருக்கு இது முதல் படம். முடிந்த வரை கொடுத்த வேலையை சிறப்பாக செய்ய முயற்சித்திருக்கிறார். முதல் பாதியில் விறுவிறுப்பாக சொல்ல வேண்டிய கதையை மிக மெதுவாக நகர்த்தியிருப்பதும், இரண்டாம் பாதியில் பிரசன்னா கேரக்டரை வைத்து கொஞ்சம் பரபரப்பாக்கியிருக்கிறார். ப்ரசன்னா நல்ல நடிகர் என்றாலும் தாதாவாக ஒத்துக் கொள்ள முடியவில்லை. தவறான காஸ்டிங். கதையை ஓட்ட வேண்டும் என்பதற்காகவே இங்கிருக்கும் அதர்வாவை குஜராத்துக்கு பட்டம் விடும் திருவிழா என்று குஜராத் அனுப்பி, திருவிழா என்றால் எல்லார் வீட்டு மொட்டை மாடியிலும் பட்டம் விடுவார்கள் என்பதை போல ஒரு காட்சியை காட்டிவிட்டால் திருவிழா ஆகிவிடுமா..? கதையில் எந்த விதத்தில் இந்த காட்சிகள் கதைக்கு உபயோகப்பட்டது?. பட்ஜெட் காரணமோ என்னவோ..? திரும்ப திரும்ப, பஸ் ஸ்டாண்ட், ஹீரோயினுடய வேன் என்று அது கூட ஓடுகிற் மாதிரி எடுக்காமல் நின்ற வாக்கிலே நாடகத்தனமாக பேசிக் கொண்டிருப்பதற்கான காரணம் பட்ஜெடா? அல்லது மேக்கிங் குறையா? இம்மாதிரி படங்கள் எல்லாம் மேங்கிங்கில் மிரட்டினால்தான் உண்டு. அதற்கு முதல் காத்தாடி சேசிங் காட்சி. அதில் நிறைய ஸ்கோர் செய்திருக்கலாம் மிஸ் செய்துவிட்டார்கள். சரியாக சொல்லியிருந்தார்களேயானால் க்ளைமாக்ஸில் நம் தொண்டையை அடைத்திருக்க  வேண்டிய படம். ம்ஹும்.

பாணா காத்தாடி – நூல் விட்டிருக்கணும்.

கேபிள் சங்கர்

---

Post a Comment