Don Seenu

சின்ன வயதில் பழைய அமிதாப் படங்களை பார்த்து, தானும் பெரியவன் ஆனவுடன் டான் ஆக வேண்டும் என்ற ஆசையுடன் வளரும் ரவிதேஜா. ஒரு நாள் வீட்டை விட்டு ஓடி வருகிறான். எப்படியாவது டான் ஆக வேண்டும் என்கிற ஆசையில் ஹைதராபாத்தின் பெரிய டான் ஆக வளைய வரும் சி  ஷிண்டேவிடம் போய் சேருகிறார். ஷாயாஜியின் பிரதம எதிரி நர்சிங்கம் என்கிற ஸ்ரீஹரி. மஹேஷ் மஞ்ரேகரின் மகனுக்கு நர்சிங்கத்தின் தங்கையை திருமணம் செய்ய முடிவெடுத்திருக்கும் வேளையில், ஷாயாஜி ரவியை அவளை எப்படியாவது காதலித்து, அந்த திருமணத்தை நிறுத்த சொல்கிறான். ஜெர்மனி போய் நர்சிங்கத்தின் தங்கையை காதலித்தாரா? திருமணம் நின்றதா? என்பது வெள்ளித்திரையில்.

அக்மார்க் ரவிதேஜா டெம்ப்ளேட் படம்.  நிறைய காமெடி, ஆக்‌ஷன், கொஞ்சம் டபுள் மீங்க் டயலாக்குள், கவர்சியான கதாநாயகிகள் என்று. இவையனைத்தும் சரியான விகிதத்தில் தூவினால் ரவிதேஜா படம் ரெடி. அந்த ரெஸிப்பியை கரெக்டாக செய்திருக்கிறார்கள். ரவிதேஜா வழக்கம போல காமெடி செய்கிறார், ஆடுகிறார்,பாடுகிறார், சண்டையிடுகிறார். நோ… கம்ப்ளெயிண்ட். ரவிக்கும் ஷ்ரேயாவுக்குமான காதல் காட்சிகள் நல்ல கேட் அண்ட் மவுஸ் கேம். ப்ரம்மானந்தத்திடம் டபுள் ஆக்ட் கொடுத்து ஊமையாய் கலாய்க்கும் இடம் அட்டகாசம்.
ஷ்ரேயா ரொம்ப நாளுக்கு பிறகு நேரடியான தெலுங்கு ப்டத்தில், முடிந்தவரை உரித்து போட்டு வருகிறார். கண்களுக்கு நல்ல விருந்து. அவரது தோழியாக வரும் அஞ்சனா சுஹானியும் பார்ப்பதற்கு நல்ல லட்சணமாக இருக்கிறார். ஒரு பாடலில் தொடை தெரிய, கடலில் நனைந்து இழைகிறார்.
அஞ்சனாவின் அண்ணன் ஸ்ரீஹரி.. பாதி நேரம் வெறும் குரலை வைத்துக் கொண்டு, உருட்டி, மிரட்டுகிறார். ஹீரோவை விட இவருக்கு பலமான, விதவிதமான ஷாட்டுகள். பெரிதாக ஏதும் செய்யவில்லை என்றாலும், ஷாயாஜி அளவுக்கு வெர்சடைலிட்டி இவ்ரிடம் இல்லை. முக்கியமாய் இண்டர்வெல் காட்சியில் ஸ்ரீஹரி ஜெர்மனியிலிருந்து வரும் ரவியை கொல்ல, ஏர்போர்ட்டில் ஆங்காங்கே ஆள் வைத்திருக்க, இன்னொரு பக்கம் அவனை அழைத்து வர ஷாயாஜி ஆட்களுடன் வந்திருக்க, ஷ்ரேயாவுடன் வருவதை பார்த்து ஸ்ரீஹரியின் ரியாக்‌ஷனும், அதே நேரத்தில் ஷாயாஜியின் ரியாக்‌ஷனுக்கு மார்க் போட்டால் ஷாயாஜி டிஸ்க்டிங்ஷன்.
இருப்பதிலேயே படு காமெடி துபாய் வில்லன் மகேஷ் மஞ்ரேக்கர். காமெடியனை விட சுலபமாய் அடங்கிவிடுகிறார். செகண்ட் ஹாப்பில் விறுவிறுப்பு குறைந்து ப்ளாஷ் சொல்ல ஆரம்பிக்கும் போது கொட்டாவி அர ஆரம்பித்துவிடுகிறது நல்ல வேளை ஷார்ட் அண்ட் ஸ்வீட்டாக காட்டியதால் தப்பினோம். நம்ம கஸ்தூரி வேறு இருகிறார்.
சமீர் ரெட்டியின் ஒளிப்பதிவில் ஜெர்மனி நச். கோனா வெங்கட்டின் திரைக்கதை பழைய அரைத்த மாவுதான் என்றாலும் ஓகே.  மணி சர்மாவின் இசை பெரிதாய் ஏதும் சொல்ல முடியவில்லை. இயக்கும் கோபிசந்துக்கு இது முதல் படம். பெரியதாய் ஏதும் முயற்சி செய்யவில்லை. ரவி தேஜாவை வைத்து ஒரு ஷ்யூர் ஷாட் அடிக்க ட்ரை பண்ணியிருக்கிறார். ஒரு ஐம்பது சத்விகிதம் வெற்றி பெற்று விட்டார் என்றே சொல்ல வேண்டும்.

Don Seenu – அரைகுறை மசாலா..

கேபிள் சங்கர்