நீ தானா அவன்?

 
இப்படியெல்லாம் படம் வந்திருக்கிறதா? எப்போ ரிலீஸாச்சு? ஆனாலும் உங்களுக்கு ரொம்பத்தான் சினிமா ஆர்வம் சார்னெல்லாம் பேசப்படாது.. ஓகே. சந்தோஷமோ, துக்கமோ அதை நாம தான் வரவழைச்சிக்கிறோம்ன்னு சொல்லிட்டேயிருப்பேன். இந்த துக்கத்தை நானே தான் வரவழைச்சிக்கிட்டேன். இப்படத்தின் பி.ஆர்.ஓ. எனது நண்பர். அவர் படத்தின் ப்ரஸ் காட்சி இருக்கிறது என்று சொல்லியிருந்தார்.  நான் மறந்திருந்த போது தந்தி பேப்பரில் தமிழ் சினிமாவின் தற்போதை சின்ன பட்ஜெட் அன்னதாதாவான டாக்டர் சீனிவாசன் வேறு நடித்திருக்கிறார் என்ற விளம்பரத்தை பார்த்ததும் அவரை வெண் திரையில் பார்க்க ஆர்வப்பட்டு நானே போய் உட்கார்ந்துக் கொண்ட ஆப்புதான் இந்தப் படம்.

பட்ஜெட் படமென்றால் அவ்வளவு பட்ஜெட். எல்லாரும் ஏதாவது ஒரு சோபாவிலோ, அல்லது நின்று கொண்டோ பேசிக் கொண்டேயிருக்கிறார்கள். முதல் சீனுக்கும் அடுத்த சீனுக்கும் ஸ்தானப்ராப்தி கூட இல்லாத ஒரு காட்சியமைப்புகள். முதல் காட்சியில் காலேஜில் கூட படிக்கிறேன் எனும் ஹீரோயின், இரண்டாவது காட்சியில் நம் காதல் என்னானது என்கிறாள்?. அவளே தன் தந்தையிடம் அடியாளாக சேர்த்துவிட்டு, அடுத்த காட்சியில் நீ ஏன் ரவுடியாயிட்டே? என்று கேட்கிறாள். முதல் காட்சியில் தனக்கு பதிலாய் தன் தந்தையை ஜெயிலுக்கும் அனுப்பிவிட்டு வரும் ஹீரோ.. அடுத்த சில நிமிடங்களில் வரும் காட்சியில் போலீஸ் ஸ்டேஷனுக்கு போய் தன் அப்பாவை தேட இன்ஸ்பெக்ட்ர, கான்ஸ்டபிளூக்கு இவர் யார் என்று தெரியவில்லையாம். என்ன கொடுமைடா சரவணா? ங்கொய்யால இங்க போயும் லாஜிக் தேடுறியான்னு நீங்க கேக்குறது தெரியுது.  

படம் முழுக்க ஸ்ரீமனும், வையாபுரியும் சீரியஸாய் நடித்து காமெடி செய்கிறார்கள். இருப்பதிலேயே உட்சபட்ச காமெடி நம்ம தல டாக்டர் சீனிவாசன் தான். எந்திரன் படத்தில் இவர் நடித்திருந்தால் அவ்வளவு தத்ரூபமாய் இருந்திருக்கும்.  வில்லனாக நடித்தாலும் குலுங்க, குலுங்க் சிரிக்க வைக்கிறார்.. ஒரு ஆக்‌ஷனுக்கே இங்கே ததிங்கினத்தோம். இந்த லட்சணத்தில் டபுள் ஆக்‌ஷன் வேறு. இவர் ரேப் செய்யும் பெண்கள் எல்லாமே அட்டு பிகர்களாகவும் பாதி கிழவியாகவும் இருப்பதற்கு  படத்தின் பட்ஜெட்டுக்கு ஏதாவது காரணம் இருக்குமா..?  படத்தின் இயக்குனர் ஒரு பைட் மாஸ்டர். பஞ்ச் பரத் என்று பெயர். அட்லிஸ்ட் சண்டைக் காட்சிகளையாவது ஒழுங்காக வைத்தாரா அதுவும் இல்லை..?
இந்த ஒரு கலவர காட்சிக்காகவே அதிர்ந்து போய் உட்கார்ந்திருந்தேன்.

நீ தானா அவன்?- போவியா நீ.. போவியா நீ?

கேபிள் சங்கர்