உட்கார்ந்து யோசிப்பாய்ங்களோ..?

பத்திரிக்கைத்துறை நண்பர் ஒருவர் அவரை சந்திக்க அழைத்திருந்தார். அவரை சந்திக்க டி.நகர் நோக்கி போய்க் கொண்டிருந்த போது போன் அடித்தது. நண்பர்தான்

“சார்.. எங்க இருக்கீங்க?”

“டி.நகர் பனகல் பார்க்கிட்ட இருக்கேன் நண்பரே”

”அப்ப 30 மினிட் வந்திருங்க..” என்றார் எனக்கு புரியவில்லை.. பனகல் பார்க்கிலிருந்து நடிகர் சங்கம் போவதற்கு எதற்கு அரை மணி நேரம்? என்று யோசித்தபடி, ‘நண்பா.. அதுக்கு எது அரை மணி நேரம்?” என்று கேட்டதும். 

‘சரி ஓகே நீங்க நடிகர் சங்கம் வாங்க என்று சொல்லிவிட்டு போனை வைத்து விட்டார். நான் நடிகர் சங்கம் போனதும் அதற்கு நேர் எதிரே ஒரு பெரிய போர்ட் வைத்திருந்தார்கள். 30 MINUTES என்று. அதன் வாசலில் நண்பர், பத்திரிக்கையாளர் பாலா நின்றிருந்தார். இப்போது புரிந்துவிட்டது அவரை இதைத்தான் சொல்லியிருக்கிறார் என்று. என்ன இடம்ணே இது? என்று கேட்டபடி உள்ளே போனேன். அங்கே அழைத்துச் சென்று மேலாளரை அறிமுகப்படுத்தினார். அவர் சொன்ன கான்செப்ட் செம இண்ட்ரெஸ்டிங். அது மட்டுமில்லாமல் யுனிக்காகவும் இருந்தது.
பெரும்பாலான பகல் நேரங்களில் பிஸினெஸ் செய்யும் நண்பர்கள், மற்ற துறை நண்பர்கள் எங்காவது ஒரு பொது இடத்தை சொல்லி அங்கிருக்கும் டீக்கடை வாசலிலோ, அல்லது ஒரு ஹோட்டலில் காபி சாப்பிட்டுவிட்டு அதன் வாசலிலோ பேசிக் கொண்டிருப்பதை பார்த்திருப்பீர்கள். பெரிய அளவில் பிஸினெஸ் செய்பவர்கள் கூட ஸ்டார் ஓட்டல் லவுஞ்சில் வந்திருந்து நண்பர்களுடன் காபியோ, டீயோ அருந்தியபடி மீட்டிங்கை முடித்துவிட்டு போவதை பார்த்திருப்பீர்கள். இந்த 30 மினிட்ஸ் ஒரு மத்யதர நண்பர்களுக்கு ஒரு வரப்பிரசாதம். 
   இங்கு அரை மணி நேரத்திற்கு உட்கார்ந்து பேச பத்து ரூபாய் தான் வாடகை. நல்ல அட்மாஸ்பியர், டீசண்ட்டான ஆட்களின் வருகை, அரை மணிக்கொரு காபி, டீ, அல்லது ஜூஸ். என்று அட்டகாசப் படுத்துகிறார்கள். உஙக்ளுக்கு இதை விட ப்ரைவஸி வேண்டுமென்றால் தனி கேபின்கள் கூட தருகிறார்கள். அதை தவிர மெம்பர்க்ளுக்கு மதிய சாப்பாடு வேண்டுமென்றால் ஐம்பது ரூபாய்க்கு சாப்பாடும், மற்ற விருந்தினர்களுக்கு அறுபது ரூபாய்க்கு தருகிறார்கள். இதில் என்ன ஒரு விஷேஷம் என்றால் நிறைய பார்க்குகளில் மார்கெட்டிங், சேல்ஸ் போன்றவற்றில் வேலை செய்யும் நண்பர்கள் பார்குகளில் உட்கார்ந்து மதிய உணவு சாப்பிடுவதை பார்த்திருப்பீர்கள். இவர்கள் வெளியிலிருந்து கொண்டு வரும் உணவை கூட அனுமதிக்கிறார்கள்.
மஸாச், பேன்குவிட் ஹால், தனி கேபின்கள், கேட்டவுடன் கிடைக்கும் சர்வீஸ் ஆட்கள், உங்கள் பொருட்களை வைத்துக் கொள்ள வாலட், குளிப்பதற்கான சுத்தமான டாய்லெட், என்று அட்டகாச படுத்திருக்கிறார்கள். வாசலில் மிக அருமையான இரண்டு ரிஷப்ஷன் பெண்கள் கண்களுக்கு குளூமையாய்.

நிச்சயம் இதை விளம்பரம் செய்ய எழுதவில்லை. பல சமயங்களில் நண்பர்களை சந்தித்து ஒரு அரை மணி நேரம் பேசுவதற்கு பல இடங்களை யோசித்து, காபி டேவிலோ, அல்லது லோக்கல் டீக்கடையில் ஐம்பது ரூபாயிலிருந்து, இருநூறு ரூபாய் வரை செலவு செய்து சந்திப்பை நடத்திவிட்டு போகும் நண்பர்களுக்கும், அர்ஜெண்டாக ஒரு வேலைக்கு சென்னைக்கு வந்துவிட்டு உடை மாற்றிக் கொண்டு குளித்துவிட்டு போக வேண்டும் என்று இருப்பவர்களுக்கு இது ஒரு வரப்பிரசாதமாய் இருக்கும் என்று தோன்றியது. ஆரம்பித்து ஒரு வருடம் ஆகியுள்ளது. இப்போது ஒரு ஸ்பெஷலைஸ்டு மார்டன் சலூன் ரெடியாகிக் கொண்டிருக்கிறது. ஒரு முறை சென்று வாருங்கள். அப்புறம் சொல்வீர்கள். மிக குறைந்த விலையில் மெம்பர் ஷிப் கிடைக்கிறது. 
பத்து ரூபாய்க்கு அருமையான அரை மணி நேரம். இது விளம்பர பதிவல்ல, நான் போன போது உணர்ந்ததை உங்களிடம் பகிர்ந்து கொள்கிறேன் அவ்வளவுதான். அங்கே இருந்த இரண்டு மணிநேரத்தில் சில பழைய நண்பர்களை சந்திக்க நேர்ந்தது. அவர்கள் சொன்ன விஷயம் உட்லண்ஸ் டிரைவ் இன் போன பிறகு நிறைய பேர் செட்டில் ஆகியிருக்கும் இடம் என்றார். ஒரு குட்டி பதிவர் சந்திப்பை நடத்த சரியான இடம்..

http://www.passwordgroup.com/service.html

---

Post a Comment