கனிமொழி

படத்தின் ப்ரீமியர் ஷோ பார்த்தவர்கள் எல்லாரும் ஆளாளுக்கு பயமுறுத்தி விட்டிருந்தார்கள். படு மொக்கை, உட்கார முடியவில்லை என்றெல்லாம். அவனா நீ படத்தையே பார்த்த வீரனாகிய எனக்கு இதெல்லாம் சும்மா.. என்று தைரியமாய் படம் பார்க்க போய்விட்டேன்.
  சில பேர் நல்ல நாட் வைத்திருப்பார்கள் ஆனால் அதை சரியாய் சொல்ல முடியாமல் சொதப்பியிருப்பார்கள். சில பேருக்கு மொக்கையான ஒரு விஷயத்தை சுவாரஸ்யமாய் சொல்ல தெரிந்திருப்பார்கள். இப்படத்தின் இயக்குனர் முதல் வகையில் மாட்டிக் கொண்டார்.  இரண்டு இளைஞர்கள் ஒருவன் ஜெய், இன்னொருவர் வசந்த. ஜெய் ஒரு இண்ட்ரோவர்ட், வசந்த ஒரு எக்ஸ்ட்ரோவர்ட், ஜெய் தன்னுள் எழும்பிய காதலை அந்த பெண்ணிடம் சொல்ல தயங்கி அவனுள்ளே ஒரு கற்பனை கதையை வடித்துக் கொண்டிருப்பவன். அடுத்த நிலைக்கு கொண்டு போக முடியாமல், இழுத்தடித்துக் கொண்டிருப்பவன். அதே நேரத்தில் வசந்த எல்லா விஷயங்களிலும் தடாலடி. வீட்டிலாகட்டும், காதலாகட்டும் தாட் பூட் தஞ்சாவூர்தான்.  கல்யாணம் வரைக்கும் வந்து வாழ்க்கையில் வெற்றி பெருகிறான். இரண்டு காண்ட்ராஸ்டான கேரக்டர்கள். மிக அருமையாய் செய்திருக்க வேண்டிய படம்.. சவ சவ ஜெய் கேரக்டர் போல படமும் சவசவத்து போய்விடுவதுதான் கொடுமை.
ஒரு சூப்பர் பிகரோடு ஒரு சுமார் பையன்.. ஏன் மொக்கை பையன் ஜோடி போட்டுக் கொண்டு போகும்போது நமக்கு தோன்றும் எப்படி இவனையெல்லாம் லவ் பண்றாளோன்னு..? இம்மாதிரி பெருமூச்சுவிட்டுக் கொண்டு அலையும் ஆயிரம் ஆயிரம் இளைஞர்கள் தான் அதிகம். அப்படிப்பட்ட கேரக்டர் தான் ஜெய்யின் கேரக்டர். இடைவேளை வரை கொஞ்சம் கூட சுவாரஸ்யமில்லாமல் இயல்பான காட்சிகள் என்று பீல் செய்து இவர்கள் வைத்திருக்கும் காட்சிகள் படு ஸ்லோ அண்ட் சொதப்பல். இவ்வளவு இளைஞர்கள் இருக்கிறார்களே கொஞ்சமாவது இளமை துள்ளல் இல்லாமலா போகும்?. அவ்வளவு டிரை.. அதை விட கதாநாயகி விளம்பரத்தில் வருவது போல ஆங்காங்கே.. நடந்து கொண்டேயிருக்கிறார். மற்றபடி ஒன்றும் பெரிதாய் இல்லை. இமமாதிரியான கதைகளுக்கு அட்லீஸ்ட் ஹீரோயின் கேரக்டரையாவது சரியாக செய்திருக்க வேண்டும். அதிலும் மிஸ்ஸிங்.
டெக்னிகலாக படம், ஒளிப்பதிவு, பின்னணியிசை என்று எல்லாமே ஓக்கேவாக இருந்தாலும் கண்டெண்டில் கோட்டை விட்டதால் சுவாரஸ்யமில்லாமல் தியேட்டரில் பல பேர்களை புலம்ப வைத்துவிட்டார்கள். Better Luck Next Time sripathi..

கனிமொழி- படத்திற்கும் டைட்டிலுக்கும் என்ன சம்பந்தம்.

கேபிள் சங்கர்