The Town (2010)

அமெரிக்காவில் பேங்க் கொள்ளைகளுக்கு பிரசித்தி பெற்ற பாஸ்டன் நகரத்தில் உள்ள சார்லஸ் டவுன் என்கிற நகரத்தில் பேங்குகளை கொள்ளையடிக்கும் கும்பலை பற்றிய கதைதான் த டவுன். நடிகர் பென் அப்லெக் இயக்கி நடித்துள்ள படம்.
டவ் மெக்ரே ஒரு பேங்க் கொள்ளைக்காரன். இதுவரை யாரிடமும் மாட்டாத ஒரு ஜகதலப்பிரதாபன். அவனுடய வலது கரமாய் விளங்கும் ஜேம்ஸ், ஆல்பர்ட், டெஸ்மெண்ட் ஆகியோருடன் சேர்ந்து கொள்ளைகளில் ஈடுபடுபவன். இவர்கள் ஒரு முறை பேங்க் கொள்ளையில் ஈடுபடும் போது சந்தர்ப்ப வசத்தால் அங்கிருக்கும் பேங்க் மேனேஜரான க்ளாரை ஹாஸ்டேஜாக வைத்துக் கொண்டு அங்கிருந்து தப்பிக்கிறார்கள். அந்த தப்பித்தலில் எந்தவிதமான பாதிப்பும் இல்லாமல் வருகிறாள் க்ளார்.
மெக்ரேவின் பிண்ணனியில் ஒரு டிரக் அடிக்ட்டான ஒரு குழந்தைக்கு தாயான பெண்ணுடனான தொடர்பும், அவனது வலது கரமான ஜேம்ஸுடனான நட்பும் இத்தொழிலை விட்டு அவன் விலக வேண்டும் என்று நினைத்தாலும் விலக முடியாமல் போராடுகிறான். அதற்கு இன்னொரு காரணம் இவர்களுக்கு ஹெட்டான லோக்கல் தாதாவான பெர்கி எனும் கிழவன். பிடிக்கிறதோ, பிடிக்கவில்லையோ வேறு வழியில்லாம என்றாவது ஒரு நாள் ஒரு பெரிய கொள்ளையுடன் இதிலிருந்து அந்த நகரத்திலிருந்து விலக வேண்டுமென்ற முடிவோடு இருக்கும் நேரத்தில்தான் அந்த பேங்க் கொள்ளையில் க்ளாரை ஹாஸ்டேஜாக வைத்து தப்பிக்கிறான். அவள் எதாவது சொல்லிவிடுவாளோ என்று அவளை தொடர, அவளும் சார்லஸ் டவுனிலேயே இருக்க, மெக்ராவுக்கு அவள் மேல் காதல் வர ஆரம்பிக்கிறது. இருவரும் நெருக்கமாகிறார்கள்.
மற்ற்வர்களிடமிருந்து கொஞ்சம் கொஞ்சமாய் விலகி தன்னை பற்றிய உண்மைகளை அவளிடம் சொல்லிவிடலாம் என்கிற வேலையில் எப்.பி.ஐ களத்தில் இறங்குகிறது. பேங்க் மேனேஜரான க்ளாருக்கும், மெக்ரேவுக்குமான உறவையும், மெக்ரே ஒரு கொள்ளைக்காரன் என்கிற உண்மையையும் க்ளாருக்கு தெரிவிக்கிறது. இதனால் அவள் மெக்ரேயை வெறுக்க ஆரம்பிக்க, தன் வலது கையான ஜேம்ஸிடம் இத்துடன் தான் இந்த தொழிலை விட்டு போகப் போவதாய் சொல்ல, அவன் மெக்ரே தனக்கு செய்யும் துரோகம் என்று சண்டையிடுகிறான். ஒரு பக்கம் போலீஸ் துரத்த, இன்னொரு பக்கம், லோக்கல் தாதா பெர்கி கடைசி முறையாய் ஒரு பெரும் கொள்ளையை ஏற்பாடு செய்ய, மெக்ரே மாட்டேன்கிறான். அதற்கு சிறையில் இருக்கும் மெக்ரேவின் அப்பாவை, அவளுடய அம்மாவை ட்ரக் அடிக்ட் ஆக்கி போதைக்காக வீட்டை விட்டு ஓடியவளை வைத்து பிரச்சனை செய்து உள்ளே வைத்தது நான் தான் என்று சொல்ல,அதே போல உன்னையும் செய்வேன் என்று மிரட்ட, வேறு வழியில்லாமல் கொள்ளையில் ஈடுபடுகிறான். கடைசியாய் அவன் செய்ய நினைத்த கொள்ளையில் அவன் ஜெயித்தானா? அவனுக்கும், க்ளாருக்குமான காதல் என்னாயிற்று? எப்.பி.ஐ என்ன செய்தது? என்பது போன்ற கேள்விகளுக்கு வெள்ளித்திரையோ. .. டாரண்டோ பதில் சொல்லும்.
என்ன தான் பேங்க் கொள்ளைகள் மிக சாதாரணமாக நடக்கும் என்று சொல்லப்பட்டாலும் இவ்வளவு சாதாரணமாக நடக்கும் என்றால் நம்ப முடியவில்லை. இதை பற்றி பாஸ்டன் ஸ்ரீராம் விளக்கினால் நன்றாக இருக்கும். பென் அப்லெக்கின் நடிப்பு அடக்கம். அவருடய் ட்ரக் அடிக்ட் காதலியாய் வருபவரின் நடிப்பும் மனதில் நிற்கிறது. என்ன தான் க்ளாருக்கும், அப்லெக்குக்குமிடையே ஆன காதல் என்று உட்டாலக்கடி அடித்தாலும் நம்மூர் சினிமாவில் ரவுடியை காதலிக்கும் பணக்கார பெண் ஃபீலிங் தான் வருகிறது.. ஆங்காங்கே திரைக்கதையில் தொய்வு விழுந்து கொண்டேயிருக்கிறது.
கொஞ்சம் செண்டியாக அப்லெக்கின் அப்பா, ஜெயில் போன்ற டயலாக் ப்ளாஷ் பேக்குகள் பெரியதாய் கொடுக்க வேண்டிய பாதிப்பை கொடுக்கவில்லை என்றுதான் சொல்ல வேண்டும். வழக்கம் போல கொள்ளைகாட்சிகளிலும், சேஸிங் காட்சிகளிலும், க்ளைமாக்ஸ் சண்டைக் காட்சியிலும் ஒளிப்பதிவும், அதை கோரியோகிராப் செய்ததில் துல்லியம்.

The Town – It’s up to you to be there are not
TorrentLink: http://www.torrentdownloads.net/torrent/1652112795/The+Town+2010+Z9+DVD+AC3+Rip+SCR

கேபிள் சங்கர்

---

Post a Comment