கொத்து பரோட்டா-28/02/11

ரொம்ப நாள் கழித்து நடந்த பதிவர் சந்திப்பு இனிதே நிகழ்ந்தது. இயக்குனர் சீனு இராமசாமியும், சிங்கை பதிவர் ஜோசப்பு வந்திருந்து சிறப்பித்த சந்திப்பில் ஆயிரத்தில் ஒருவன் மணி, அஞ்சாநெஞ்சன், செந்தில்குமார் போன்று பல புதிய பதிவுலக நண்பர்களை பார்க்க முடிந்தது. தென்மேற்கு பருவக்காற்றின் வெற்றிக்கு பதிவர்களின் பங்கு மிக முக்கியம் என்று இயக்குனர் பாராட்டினார். நல்ல சிறு முதலீட்டு படங்களை ஆதரிக்க வேண்டுமென்றும், சிறு முதலீட்டு படங்களுக்கான ஆதாரவு அதனை சார்ந்து வாழும் இயக்குனருக்கான வாழ்வாதரம் என்றும், மேலும் தான் படம் எடுக்க வந்த காலத்திலிருந்து நடந்த சுவையான கதைகளை மிகச் சுவாரஸ்யமாய் பேசினார். சிங்கைப் பதிவர் ஜோசப் பால்ராஜ் சிங்கைப் பதிவர்கள் குழுமத்தை பற்றியும், சிங்கைநாதனுக்கான மருத்துவ உதவிக்கான வெற்றிக்கு பொறுப்பு நான் மட்டுமல்ல.. நம் எல்லோருக்குமானது என்றும் தான் ஒரு ஒருங்கிணைப்பாளன் மட்டுமே என்று சொன்னார். சென்னை பதிவர்கள் குழுமத்திற்கு சில ஆலோசனைகளையும் வழங்கினார். எல்லாம் இனிதே முடிந்தது. நிகழ்ச்சிக்கான செலவுகளை  முன்னெடுத்து உதவிய ”ழ” பதிப்பகம் ஓ.ஆர்.பி.ராஜா, டிஸ்கவரி புக் பேலஸ் வேடியப்பனுக்கும் நன்றிகள் பல.
###########################

உள்ளம் துறந்தவன். சுஜாதா கல்கியில் எழுதிய தொடர். படிக்காமல் விட்டு போயிருந்த புத்தகம். திறந்து வைத்ததுதான் தெரியும் இரண்டு மணி நேரம் போனதே தெரியவில்லை. இன்போஸிஸை போன்ற ஒரு சாப்ட்வேர் நிறுவத்தை கட்டி நிர்வகிக்கும் ராகவேந்தர் என்பவரைச் சுற்றி நடக்கும் கதை. பெரும் பாலான கதை நிகழ்வுகள் வசனங்களிலேயே போகிறது. மஞ்சு, அழகேசன் காதல், பின் வரும் சோகங்களில் பல சினிமாகளின் கிளிஷே. ஆனால் அதையும் மீறி சுவாரஸ்யமான எழுத்து உள்ளிழுத்து சென்றது. ஒரு வேளை தொடராக இல்லாமல் தனிப்பட்ட முறையில் நாவலாய் வந்திருந்தால் இன்னும் எழுதியிருப்பாரோ.. எனக்கென்னவோ..அவசர அவசரமாய் முடித்ததாய் தோன்றியது. அவர் முடித்த இடத்திலிருந்து ஒரு நாவல் எழுதலாம். ஆனாலும் ஒரு விஷயம் சுஜாதா கமர்ஷியல் பத்திரிக்கைகளின் கட்டாயங்களுக்குள்  நிறைய கட்டுடைத்திருக்கிறார் என்பது உண்மை என்பது உ.கை.நெ.கனியாய் தெரிகிறது.
###############################
ராம்கோபால் வர்மாவின் சமீப காலமாய் மீண்டும் தெலுங்கு பக்கம் தன் பார்வையை திருப்பியிருக்கிறார். ரத்த சரித்திரா படத்திலிருந்து. ஹிந்தியில் அவரது படங்களின் தோல்விகளால் மீண்டும் தாய் பூமிக்கு வந்திருப்பதாக பேசப்படுகிறது. சுமார் பன்னிரெண்டு ஆண்டுகளுக்கு பிறகு வர்மாவின் நேரடி தெலுங்கு படம் கே.எஸ்.ஏ.டி. அப்பால்ராஜு. சுனில் காதாநாயகனாய்  நடித்து வெளிவந்திருக்கும் படத்திற்கு, தெலுங்கு நடிகர், நடிகைகளிடமிருந்து பாஸிட்டிவ்வாகவும், நெகட்டிவாகவும் ரெஸ்பான்ஸ் வந்திருக்கிறது. படத்தின் ரிசல்ட் சுமார் தான் என்று கேள்வி. அதைப் பற்றியெல்லாம் கவலைப்படாமல் விரைவில் அப்படத்தின் இரண்டாம் பாகம் இயக்கப் போவதாய் அறிவித்திருக்கிறார். ரவிதேஜா, ஷர்மிலி, ப்ராகாஷ் ராஜ் இவர்களை வைத்து வெறும் ஐந்தே நாளில் தொங்கலு முட்டா என்கிற படத்தை ஐந்து கேனான் 7டி கேமராவை வைத்துக் கொண்டு, யூனிட்,லைட்ஸ் ஏதுமில்லாமல் முடித்து வருகிற மார்ச் 18ஆம் தேதி வெளியிடயிருக்கிறார். இதற்கு அடுத்ததாய் தெலுங்கு திருமணங்களை மையமாய் வைத்து பெல்லி என்கிற படத்தையும் இயக்க உள்ளார். செகண்ட் இன்னிங்க்ஸா.. இண்ட்ரஸ்டிங்.
###########################
Kudirinthi Kappu Coffee.. மிகச் சமீபத்தில் வெளியாகியுள்ள ஒரு தெலுங்கு படத்தின் பெயர். வருண் சந்தேஷ் நடித்திருக்கும் இப்படத்தின் டைட்டில் எனக்கு மிகவும் பிடித்திருந்தது. சில சமயங்களில் தாய்மொழியில் தான் தலைப்பு வைக்க வேண்டும்  அடம்பிடித்து மொழி வளர்ப்பதை விட இரண்டு மொழிகள் கலக்கும் போது.. கிடைக்கும் ரொமாண்டிக்கான பெயர்கள் அட்டகாசமாய் இருக்க வாய்ப்பிருக்கிறது. kudirinthi Kappu Coffee..  என்றால் கிடைத்தது கப் காப்பி.. என்று பொருள். அதே போல இன்னொரு படத்தின் பெயர் LBW (Life Before Wedding). அங்கேயும் இம்மாதிரியான சின்னப் படங்களுக்கு தியேட்டர் கிடைக்கவில்லை என்று பெருமல் இருந்துக் கொண்டுதானிருக்கிறது. இக்கரைக்கு அக்கரைப் பச்சை.
#############################
மிகச் சமீபத்தில்தான் ஹாரிஸின் தெலுங்குப் படமான ஆரஞ்ச் படப் பாடலை கேட்டேன். அங்கே பாடல்கள் பெரிய ஹிட்டாம். அதில் ஒரு பாடல் நரேஷ் ஐயரின் ஸூத்திங் குரலில் சுகம். கார்த்திக்கின் மென் குரலில் இன்னொரு பாடல் சிலிபிகா என்று.. அதுவும் ஒரு அருமையான மெலடி. எங்கேயும் காதல் படத்தில் திமு,திமு என்கிற பாடலாய் அதை தமிழில் கொடுத்திருக்கிறார். எனக்கு மீண்டும், மீண்டும் ஆச்சர்யமாய் இருக்கிறது. எப்படி ஒரு பத்து ட்யூன்களை வைத்துக் கொண்டு ஜல்லியடித்துக் கொண்டிருக்கிறாரென்று inspite of his hit lists
##############################
Flashback
வயதுவித்யாசமில்லாமல் இந்தியாவெங்கும் முணுமுணுத்தப்பாடல்.  இன்றளவிலும் மறக்க முடியாத பாடல். ஜீனத்தின் மென் கவர்ச்சியும், அம்ஜத்தின் ஆர்ப்பாட்டமும், தாளம் போட வைக்கும் “லைலா ஓ லைலா”  அம்மன் தரிசனம் செஞ்சிக்கங்க..

##############################
குறும்படம்
வினை விதைத்தவன் வினை அறுப்பான் என்பதை பேய் கதையாய் சொல்லியிருக்கிறார்கள். கதையை விட கதைக்களமான ஹைவேயும், லோ ஆங்கில் வைட் ஷாட்டுகள் சொல்லும் கதைகள் நிறைய. ஒளிப்பதிவாளர் குகனுக்கு வாழ்த்துக்கள். ஆங்காங்கே லேசாய் திடுக்கிட வைத்தமைக்காக. எழுதி இயக்கிய ராகேஷுக்கு பாராட்டுக்கள்.

####################################
டிவிஸ்டர் என்றொரு ஆங்கில படத்தை பார்த்தவர்களுக்கு அமெரிக்க மாகாணங்களில் ஏற்படும் டொர்னாடோ பற்றி கொஞ்சம் தெரிந்திருக்கும் அப்படத்தில் வரும் ஐந்தாறு டொர்னாடோக்களில் இரண்டு நிஜம் என்று சொன்னார்கள். டொர்னோடோவைப் பற்றி ஆராய்ச்சி செய்பவர்களைப் பற்றிய கதை அது. நிஜ வாழ்வில் டொர்னோடோவை துறத்தும் ஆராய்ச்சியாளர்களான புருனின், மெக்கோவன் எடுத்த மிக நெருக்கமான டொர்னோடோவின் வீடியோ..

################################
தத்துவம்
பல நாள் திருடன் மட்டுமல்ல. பல நாள் பொய்யன், வீண் ஜம்பக்காரன், பீத்தக் பெருங்களையன் கூட ஒரு நாள் மாட்டிக் கொள்வான்.

எவனொருவன் உன்னை தொடர்ந்து எரிச்சலூட்டிக் கொண்டிருக்கிறானோ அவன் தான் உன்னை அதிகம் நேசிப்பவன். என்ன அவனுக்கு தன் நேசத்தை வெளிப்படுத்த தெரியவில்லை.

உலகிலேயே மிக சுறுசுறுப்பானவன் அலாரக் கடிகாரத்தை கண்டுபிடித்தவன். மிகச் சோம்பேறி அதற்கு ஸ்னூஸ் பட்டனை கண்டுபிடித்தவன்.

உனக்கு சட்டங்கள் பிடிக்கவில்லையெனில் அதை தொடர்ந்து வெற்றியின் இலக்கை அடைந்து அதை மாற்று – பில்கேட்ஸ் சொன்னதா சொன்னாங்கப்பா..
################################
பரபரப்பாக அரசியல் ஜோடிகள் சேரத் துவங்கிவிட்டன. விஜய்காந்துக்கு சீட் இவ்வளவு என்று முடிவாகாவிட்டாலும் எங்கள் தொகுதியில் சுறுசுறுப்பாக வேலையை  ஆரம்பித்துவிட்டார்கள். என்ன அவர்களுக்கு துணையாய் இருக்க வேண்டிய ஆதிமுகவினரைத்தான் காணோம். அம்மா இன்னும் சிக்னல் கொடுக்கலையோ.?
#############################
ஜோக்
ஏங்க பையனை இப்படி அடிக்கிறீங்க?
பின்ன என்னங்க.. போஸ்ட் பாக்ஸுல லெட்டரை போட்டுட்டுவான்னா.. லெட்டர் பாக்ஸ் பூட்டியிருக்குன்னு திரும்ப வர்றான்.
#################################
அடல்ட் கார்னர்
பெண்: பெண்களிடம் நீங்கள் எதை முதலில் பார்ப்பீர்கள்?
ஆண் : அது அவள் வருகிறாளா? இல்லை போகிறாளா என்பதை பொறுத்தது.

ஒரு கவர்ச்சியான பெண் மெடிக்கல் ஷாப்பிற்குப் போய் எக்ஸ்ட்ரா லார்ஜ் காண்டம் இருக்கிறதா? என்று கேட்டாள். கடைக்காரன் எத்தனை பாக்கெட் வேண்டும் என்று கேட்க.. யாராவது வாங்க வருவாங்க இல்ல கேட்டுச் சொல்றேன் என்றாள்.
###############################
சங்கர் நாராயண் @கேபிள் சங்கர்

---

Post a Comment