எங்கேயும் காதல்

சன் பிக்சர்ஸ் அவசர அவசரமாய் பெரும் தோல்வியான மாப்பிள்ளை ஓடும் தியேட்டர்களில் எல்லாம் ரிலீஸ் செய்திருக்கிற படம். நேற்று நள்ளிரவிலிருந்தே உலகமெங்கு சூப்பர்ஹிட்டான  என்று விளம்பரம் போட ஆரம்பித்திருக்கும் படம். சென்னையில் மட்டும் சுமார் பதினெட்டு தியேட்டர்களுக்கு மேல் வெளியாகியிருக்கும் ஜெயம் ரவியின் படம். ஹாரிஸின் ஹிட் பாடல்கள் கொண்ட படம் என்று பல எதிர்பார்ப்புகளை ஏற்படுத்தியிருந்த படம். எதிர்பார்ப்பை திருப்திபடுத்தியதா? என்ற கேள்விக்கு பதில் பின் வரும் வரிகளில்.


ஆரம்பக் காட்சியிலேயே “எங்கேயும் காதல்” பாடலில் பிரபு தேவா வந்து கதையையும், கதாநாயகன், நாயகியை அறிமுகப்படுத்த வரும் போது அட ஏதோ வித்யாசமாய் இருக்கேன்னு தோன்ற வைக்கிறார். அதிலும் ப்ரகாஷ்ராஜ் இயக்குனர் பிரபுதேவாவை பார்த்து வணக்கம் வைக்க், இவரு இந்த படத்தில நடிக்கவேயில்லை என்று அறிமுகப்படுத்தும் போது அட என்று நிமிர்ந்து உட்கார வைக்கிறார்.  கரோக்கே பாரில் நான் விரும்பிப் பாடும் எங்கேயும் காதல் பாடலை “என்னடா..இவ்வளவு ஸோவான பாடலை எப்படி படமாக்கப் போகிறார்கள்? என்று யோசித்துக் கொண்டிருந்த போது, தென்றலாய்  நடனமைத்து, மிரட்டிய போது அடி தூள் என்று சந்தோசப்பட்டேன். வாழ்க்கையில் எங்கேயும் எப்போதும் கமிட்டாகாமல் ஜாலியாய் இருப்பேன் என்ற முடிவோடு இருக்கும் ஒருவன். பாரிஸிலேயே பிறந்து வளர்ந்து இந்திய கலாச்சாரங்களில் ஊறியவள் என்று சொல்லப்படுகிறவளுக்கும் இடையே ஆன காதல் என்றதும் அடடா என்று தயாராகி உட்கார்ந்தது எல்லாம் படு தொய்வான திரைக்கதையில் வீழ்ந்துவிட்டது.
ஒரு ட்ரெடிஷனலான பெண்ணுக்கு எப்படி ஒரு ஸ்திரிலோலனுடன் காதல் வரும்? என்ற அடிப்படை கேள்விக்கே பதிலில்லை. அதன் பிறகு எப்படி படம் முழுக்க இன்வால்வ் ஆக முடியும். பார்த்த மாத்திரத்திலேயே ஹீரோவை காதலிக்க ஆரம்பித்துவிடுகிறார்.  அதன் பிறகு அவனைப் பற்றிய விவரங்கள் அவளுடய டிடெக்டிவ் அப்பாவின் கேஸ் ஃபைலினால் தெரிய  வருகிறது. அதன் பிறகு அவனைக் காப்பாற்ற அவள் எடுக்கும் முயற்சியெல்லாம் பெரிய லாஜிக் சொதப்பல்கள். இந்தியாவில் மட்டுமல்ல வெளிநாட்டில் ஹீரோயினாய் பிறந்தாலும், லூசுப் பெண்ணாய்த்தான் இருக்க வேண்டும் என்று ஏதாவது வேண்டுதலா?.  சரி காதல் வருகிறது. அதை சொல்ல முடியாமல் அந்த பெண்ணுக்கு என்ன ப்ரச்சனை என்றால் அவன் காதல் என்றால் காத தூரம் ஓடிவிடுபவன் என்று தெரிந்ததால். அவன் ஊருக்கு கிளம்பும் போது தன் காதலை தெரிவிக்காமல் இருந்து விடுகிறாள் இடைவேளை. அதன் பிறகு ஒரு வருடம் அவனுக்காக அவள் காத்திருக்கிறாள்.  அடுத்த வருட லீவுக்கு வரும் போது மீண்டும் சந்திக்கிறார்கள். அவனை இம்ப்ரஸ் செய்ய நெகட்டிவான ஒரு அப்ரோச்சை செய்து தன் காதலை புரிய வைக்க முயற்சிக்கிறாள். அவனுக்கு புரிந்ததா? இல்லையா என்பதுதான் கதை.

ஜெயம் ரவியிடம் ஒரு கார்பரேட் லுக் இருக்கிறது ஆனால் அந்த வயதுக்கான இளைமை துள்ளல் இல்லை. பிரபு தேவாவிடம் இருக்கும் ஒரு லைவ்லினெஸ் அவரிடம் இல்லை என்றே சொல்ல வேண்டும். அவருக்கும் ஹன்சிகாவுக்குமிடையே ”கெமிஸ்ட்ரி” இல்லவேயில்லை.ஒன்று காதலர்களுக்குள் ப்ரச்சனை, இல்லை காதலுக்கு வெளியிலிருந்து ப்ரச்சனை, இல்லை காதலால் அவர்களுக்கு ப்ரச்சனை இதைத் தவிர வேறேதும் காதல் கதைகளில் இருக்க முடியாது.  அம்மாதிரி கதைகள் எப்போது நம்முள் ஏறும் என்றால் அவர்களின் காதல் நம் உணர்வுகளுடன் சிங்க் ஆகும் போது படத்தினூடே இன்வால்வா ஆகி அவர்கள் சேர்ந்தே ஆகவேண்டும் என்று நாமும் பதைப்போம். ஆனால் படத்தில் சுறுசுறுப்பு என்பது கொஞ்சம் கூட இல்லாததால் எப்படியும் க்ளைமாக்ஸில் சேர்ந்துவிடுவாரக்ள் என்று கட்டாயமாய் தெரிந்துவிடுவதால் சுவாரஸ்யம் மிகவும் கம்மி.

ஹன்சிகா மோத்வானி நன்றாக மொத்து மொத்தென்று இருக்கிறார்.  பல இடங்களில் இவரது நடிப்பு படு மோசம்.  படத்தின் மைனஸ் என்றால் இவரைத்தான் சொல்ல வேண்டும்.  வேண்டுமென்ற அளவிற்கு தாராளமாய் நடித்திருந்தாலும், மனசுக்குள் உட்காராததால் எடுபடவில்லை.பல இடங்களில் நமிதாவின் சைஸில் இருக்கிறார். இதில் நடு நடுவே ராஜு சுந்தரம் காமெடி செய்கிறேன் பேர்விழி என்று கடு இம்சை. முடியலை. 

படத்தின் மூன்று அருமையான விஷயங்கள். ஒன்று நிரவ்ஷாவின Soothing  விஷூவல். நியூசிலாந்து, ப்ரான்ஸ் என்று கண்ணுக்கு குளிர்ச்சியாய் இருக்கிறது. அடுத்து இசையமைப்பாள்ர் ஹாரிஸ்.  மூன்று பாடல்கள் இதம். முக்கியமாய் எங்கேயும் காதல், த்முதிமு, நெஞ்சில் நெஞ்சில் ஆகிய பாடல்கள் அருமை. மைக்கேல் ஜாக்ஸனின் த்ரில்லரின் அட்டக் காப்பினான நங்கை பாடல் கேட்பதை விட விஷூவலாக நன்றாக இருக்கிறது. ஆண்டணியின் எடிட்டிங் படு ஸ்லீக்.

திரைக்கதை, இயக்கம் பிரபு தேவா.  பாடல் காட்சிகள் எந்த அளவுக்கு நன்றாக எடுபடுகிறதோ அதே அளவுக்கு அடிக்கடி பாடல் எரிச்சலுட்டுகிறது.   சரியாய் க்ளைமாஸுக்கு முன்  ஹீரோயின் அப்பா சுமன் வந்து பேசுவது எல்லாம் முடியலை சாமி. இம்மாதிரியான கதைகளில் முக்கியமாய் வசனஙக்ள் மிக அழகாய் ஷார்ப்பாக இருக்கவேண்டும். அதே போல் ஒரே மாதிரி ப்ளாட்டாய் போய்க் கொண்டிருக்கும் கதையில் எங்கே திருப்பம் வரும், எங்கே திருப்பம் வரும் என்று எதிர்பார்ப்பதே ஒரு திருப்பமாய் அமைந்திருப்பது வேடிக்கை. இன்னும் எத்தனை முறைதான் ஹீரோயின், ஹீரோவை புரிந்து கொள்ள ராத்திரியில் தனியாய் ரவுடிகளிடம் மாட்டிக் கொண்டு காப்பாற்றுவது. நான் கூட நினைத்தேன் அட அரத பழசான காட்சியாக இருக்கிறதே  என்று? ஒரு வேளை ஆரம்ப காட்சிகளில் தேவையேயில்லாமல் வரும் ப்ரகாஷ்ராஜ் கேரக்டரை புத்திசாலித்தனமாய் திரைக்கதையில் நுழைக்கப் போகிறாரோ? என்று கூட நினைத்திருந்தேன். ஆனால் ம்ஹும். ஆனால் பாராட்ட வேண்டிய அம்சம். அந்த சக்கர வல்லியே பாடலுக்கான கான்செப்ட். பாட்டும் ஆட்டமும் கூத்தும் அட்டகாசம். அதே போல, ஆங்காங்கே தெளித்திருக்கும்  சிறு சிறு பிரபு தேவா ப்ராண்ட் நகைச்சுவைகள். அருமையாய் செய்திருக்க வேண்டிய படம். ம்ஹும்.

எங்கேயும் காதல்- மீண்டும் சன் டிவிக்கு மட்டுமான ஒரு ஹிட்டு படம்.

சங்கர் நாராயண் @கேபிள் சங்கர்