கொத்து பரோட்டா-27/06/11

டீசல், கேஸ் சிலிண்டர் விலையை ஏற்றி விட்டது மத்திய அரசு. அந்த அறிவிப்பு எப்போது வந்ததோ அப்போதிலிருந்து, திமுக தலைவர் வரியை குறையுங்கள், இந்த வரியை குறையுங்கள், நான் என் ஆட்சியில் அப்படித்தான் செய்தேன். என்று அறிக்கைவிட்டுக் கொண்டிருக்கிறார். அவர் சொல்வது சரிதான் என்றாலும், அய்யா போட்ட எந்த சட்டத்தையும், அய்யா ஆட்சியில் செய்த எதையும் தான் செய்வதில்லை என்ற முடிவில் இருக்கும் அம்மா இதைக் கேட்பார்களா?. தலைவர் தெரிஞ்சுதான் சொல்றாரோ..?
##################################################
இனி தமிழ் சினிமாவின் பெயர்கள் ஆங்கிலத்தில் வர ஆரம்பிக்கலாம். ஏனென்றால் தமிழில் பெயர் வைத்தால் வரி விலக்கு என்ற சட்டத்தை அமல் படுத்தும் தமிழ் திரைப்பட தயாரிப்பாளர்கள் கவுன்சில் கமிட்டி சமீப காலமாய் கூடுவதேயில்லை. அதனால் வரி விலக்கு லெட்டர் இல்லாத தமிழ் படங்களுக்கு, வரி வசூலித்தே ஆக வேண்டிய கட்டாயத்தில் இருக்கிறார்கள் தியேட்டர்காரர்கள். இனி தமிழிலேயே அர்த்தம் சொல்லி புரிய வைக்கக்கூடிய பெயர்கள் இல்லாமல் தமிழ் படங்கள் வரும் என்று எதிர்பார்க்கலாம். வாழ்க மம்மி.
#############################
பிரபல எழுத்தாளர் மீது எழுந்துள்ள குற்றச்சாட்டுகள் பற்றிய கட்டுரைகள் பற்றி எரிந்துக் கொண்டிருக்கிறது. ஏற்கனவே தன்னை ஒரு ப்ளேபாய் என்று சொல்லிக் கொள்வதில் ஆர்வமிருப்பவருக்கு இது அல்வா என்று தோன்றுகிறது. ஆனால் அந்த சேட்டிங் கண்டெண்ட்டை படித்து பார்த்தால் யாரோ வேண்டுமென்றே.. தூண்டிவிட்டு பேச வைத்தது போல் இருக்கிறது. அவர் அப்படி பட்டவரா? இல்லையா? என்று சப்போர்ட் செய்யவதற்காக சொல்லவில்லை. எந்த ஒரு ஆணாவது இப்படி தங்களுக்கு பிடிக்காத முறையில் பேசினால் அடுத்த நாளிலிருந்து  பேசாமல் இக்னோர் செய்வதை விட்டுவிட்டு, இப்படி தொடர்ந்து  பேசினால் என்ன நினைப்பான் அந்தப் பக்கம் இருக்கும் ஆண்? இந்த விஷயத்தில் இரண்டு பேர் மீதும் தவறு இருக்கிறது. ஸோ.. கட்டுரை எழுதினால் அப்பெண்ணைப் பற்றியும் தான் எழுத வேண்டும். ஆம்பளைக்கு பொம்பளையும், பொம்பளைக்கு ஆம்பளையும் இடம் கொடுக்காம தப்பு நடக்கவே நடக்காது.
$$$$$$$$$$$$$$$$$$$$$$$$$$$$$$$$$$$$
வருகிற ஜூலை 1ஆம் தேதி நான் நிர்வாகத் தயாரிப்பாளராய் பணியாற்றி வரும் “அரும்பு மீசை குறும்பு பார்வை” படம் வெளி வருகிறது.  முற்றிலும் புதுமுகங்களை மட்டுமே வைத்துக் கொண்டு ஒரு சீரியஸ் சப்ஜெக்ட்டை ஜாலியாய் சொல்ல முயன்றிருக்கிறார்கள். பார்த்துவிட்டு உங்கள் கருத்தை சொல்லவும். விரைவில் நம் பதிவர்களுக்கான அழைப்பு அறிவிக்கப்படும்.
###############################
சென்ற வாரம் டிசி மேனர் கரோக்கேவில் “எங்கேயும் காதல்” பாடலை பாடிக் கொண்டிருந்தேன். கடைசி பாடல். மேடையின் ஓரத்தின் இருளில் நின்றபடி, கண் மூடி பாடிக் கொண்டிருக்க, கண் திறந்து பார்த்தால் நிறைய இளைஞர், இளைஞிகள். பாட்டு முடியவும், கரோக்கேவின் டைம் முடிந்து லைட் போடவும் சரியாக இருக்க, என்னை பார்த்த இளைஞர்களின் முகத்தில் ஆச்சர்யம்.  “நான் யாரோ எங்கள் வயது ஆள் பாடிக் கொண்டிருக்கிறார் என்று நினைத்தேன். அமேசிங் என்று பாராட்டினார்கள். பெயர் கேட்டார்கள். ”யூத்” என்றேன் நான்.:))
##################################
படித்ததில் பிடித்தது.
பட வேலைகள் காரணமாய் படிக்க நேரம் கிடைக்கவில்லை. இருந்தும் தூங்குவதற்கு முன் கிடைத்த இடைவெளியில் படிக்க ஆரம்பித்திருக்கும் புத்தகம் “சீனா விலகும் திரை” பல்லவி ஐயர் எழுதிய புத்தகத்தின் தமிழ் பதிப்பு. ஆங்கிலத்தில் எப்படியிருக்கும் என்று தெரியவில்லை. தமிழில் அட்டகாசம். நன்றி ராமன் ராஜா. படு சுவாரஸ்யமாய் செல்கிறது. முழுவதும் படித்துவிட்டு சொல்கிறேன்.
################################
இனி வரும் காலங்களில் சன், ரெட்ஜெயண்ட், க்ளவுட் நைன் பெயர்கள் தயாரிப்பில் இருக்கும் படங்களைத் தவிர அவர்கள் பெயரில் ப்டங்கள் வராது என்று தெரிகிறது. ஆட்டம் தேவையேயில்லை என்று தலைவர் கூப்பிட்டு சொல்லிவிட்டதாக சொல்கிறார்கள். சொன்னதின் இம்பாக்ட் தான் வேங்கையிலிருந்து சன்னின் விலகல் என்கிறார்கள்.
################################
தத்துவம்
மாற்றம் தான் வாழ்கையின் நிதர்சனம். சவால் வாழ்க்கையின் குறிக்கோள். எனவே மாற்றத்தை சவலோடு எதிர் கொள்ளூங்கள்.

நாம் எப்போது என்ன நடந்தது என்று யோசிப்பதை விட, இனி என்ன செய்ய வேண்டும் என்று யோசிப்பதே வெற்றிக்கான வழி.
###################################
ப்ளாஷ்பேக்
உத்தமப்புத்திரன். புதிய படமில்லை, சிவாஜி நடித்த பழைய படம். இப்படமும், பாடல்களும் சூப்பர் ஹிட்டானவை.  மேன் வித் எ அயர்ன் மாஸ்க் என்ற அந்த ஆங்கில படத்தின் மூலத்திலிருந்து,முதலில் பி.யு.சின்னப்பா என்று நினைக்கிறேன். அவர் நடித்து வெளிவந்தது. அடுத்து அதே ப்டத்திற்கு இயக்குனர் ஸ்ரீதரின் திரைக்கதையில் , நடிகர் திலகம் சிவாஜி நடித்த படம். அதில் வரும் ‘யாரடி நீ மோகினி” அந்நாளைய ராக் அண்ட் ரோல். பாடலும் அதை பாடிய டி.எம்.எஸும், துள்ளாட்டம் போட்டிருப்பார்கள். பாடலுக்கு நடனம் அமைத்திருக்கும் விதமும் அட்டகாசமாய் இருக்கும்.

####################################

மை கார்னர்

கோலங்கள் சீரியலில் நடித்த காட்சி. தமிழ் சினிமாவில் நடித்து பெயர் வாங்க வேண்டும் என்று ஆசையோடு வருபவர்களை, ஏ.வி.எம் எட்டாவது ப்ளோரில் இருக்கும் இந்த கோர்ட்டு செட்டுக்குள், நல்ல ஏப்ரல் மாத வெய்யிலில் கோட்டைக் கழட்டக்கூடாது என்று சொல்லி, உள்ளேயே இருக்க வேண்டும் வெளியே போகக்கூடாது என்று சொல்லிவிட்டால் போதும். ஜென்மத்திற்கும் திருமப் மாட்டார்.:)

#####################################
அடல்ட் கார்னர்
கோபமாய் வீட்டிற்குள் வந்த புருஷனை பார்த்து 'ஏன் ரொம்ப கோபமா இருக்கீங்க?' என்று கேட்டாள்.

புருஷன்: 'நம்ம அப்பார்ட்மென்ட் வாட்ச்மேன் சொல்றான், இந்த அப்பார்ட்மென்ட்டுல இருக்கிற எல்லாருடய பொண்டாட்டியையும் மேட்டர் பண்ணிட்டானாம். ஒரே ஒருத்தியை தவிர..கேட்டதும் செம கோபம் வந்துடுச்சி.. என்ன ஜென்மம் அவன்?' என்றான்.

பொண்டாட்டி, 'எனக்கு அது யாருன்னு தெரியும்ங்க, நம்ம எதிர் வீட்டு பேங்க் மேனேஜர் பொண்டாட்டியா தான் இருக்கும்..'

சங்கர் நாராயண் @கேபிள் சங்கர்