கொத்து பரோட்டா – 11/07/11

ஒரே நாளில் இரண்டு ரயில் விபத்துக்கள். விபத்தின் காரணமாய் 35 பேருக்கும் மேல் உயிரிழந்திருக்கிறார்கள். 200க்கும் மேற்பட்டவர்கள் காயமடைந்திருக்கிறார்கள். ஹவ்ரா-டெல்லி-கல்கா எக்ஸ்பிரஸ் உத்தரபிரதேசத்தில்  பதேபூர் மால்வா என்கிற இடத்தில் விபத்துக்குள்ளாகியிருக்கிறது. திடீரென்று சடன் ப்ரேக்கை டிரைவர் போட்டதால் மற்ற பெட்டிகள் தடம் புரண்டிருக்கிறது. இன்னொரு விபத்து அசாமில் தண்டவாளத்தை வெடிகுண்டு வைத்து தகர்த்ததால் நடந்த தடம் புரள்தல். முதல் விபத்தில் உயிர்சேதமும், 140 மேற்பட்டவர்கள் காயமடைந்திருக்கிறார்கள். மற்றதில் சுமார் 60க்கும் மேற்பட்டவர்கள் காயமடைந்திருக்கிறார்கள். வர வர ரயில் பயணிக்க கூட பயமாய் இருக்கிறது. ரயில்வே நிர்வாகம் பயணிகளின் பத்திரத்திற்கு உத்தரவாதம் தருமா?
#################################


திமுகவினர் மீது தொடர் பொய் வழக்குகள் போடப்படுவதாகவும், அவர்களுக்கு வழக்கறிஞர்கள் உதவி தேவையென்றால் திமுக வழக்குறைஞ்சர்கள் அணியிலிருந்து உதவி செய்ய வேண்டும் என்று சொல்லியிருக்கிறார் திமுக தலைவர். இம்மாதிரியான வழக்குகள் போடப்படும் போது தனக்கு தெரிவிக்க சொல்லியும் இருக்கிறார். என்ன தலைவர உங்களுக்கு தெரியாதா யார் மீது வழக்கு போடுவார்கள் என்று?. ஊருக்கு ஒரு வழக்குறைஞ்சர்கள் அணியை முடுக்கிவிட்டு யார் மீது வழக்குப் போட்டாலும் கட்சியிலிருந்து ஆஜராக ஏன் பணிக்க கூடாது? அவர்களே ஆடிப் போயிருக்கும் நேரத்தில் உங்களுக்கு கடிதமெழுதி வக்கில் கேட்குற நிலையிலா இருப்பார்கள்?
#############################
சக்சேனா மீது தொடர் வழக்குகள் போடப்பட்டு வருகிறது.  முக்கியமாய் விநியோகஸ்தர்களிடமிருந்து வரும் புகார்கள் குறிப்பிடக்கூடியதாய் இருக்கிறது. என்னதான் அவர்கள் சூப்பர் ஹிட் படம் என்று சேனலுக்கு சேனல் கூவிக் கொண்டிருந்தாலும் விநியோகஸ்தர்களின் புகார் அப்படங்களின் வெற்றியை பற்றிய நிஜ நிலமையை சொல்லிவிட்டது.  எந்திரன் திரைப்படத்தை எம்.ஜியில் வாங்கி தங்கள் தியேட்டரில் வெளியிட்ட   பல தியேட்டர்காரர்கள் பெரிய அடி வாங்கியிருக்கிறார்கள் என்று ஒரு சில தியேட்டர்களைப் முன்பே சொல்லியிருக்கிறேன். இன்னும் சில விநியோகஸ்தர்கள் அட்வான்ஸ் முறையில் வாங்கி வெளியிட்டு நஷ்டமடைந்தததால் பணத்தை திரும்ப கேட்டிருக்கிறார்கள். ஆனால் வரவில்லை. இம்மாதிரி நிறைய தியேட்டர் உரிமையாளர்கள் படம் வெளியிட்டு நஷ்டமடைந்திருக்கிறார்கள் என்று முன்பே நான் சொன்ன போது, பல ரஜினி ரசிகர்கள் எதிர்ப்பு தெரிவித்தார்கள். இப்போது உண்மை கொஞ்சம் கொஞ்சமாய் வெளிவருகிறது. இப்படத்தை வாங்கும் போதே பின்னால் ப்ரச்சனை செய்யக்கூடாது என்று சொல்லியே அக்ரிமெண்ட் போட்டதாகவும் ஒரு செய்தி உண்டு. படம் வெளியாகி ஒரு வாரத்திற்குள் படத்தை ஜெமினி பிக்சர்ஸிடம் கை மாற்றிவிட்டதன் காரணத்திற்கு பின்னால் நிறைய விஷயம் இருக்கிறது. எந்திரன் திரைப்படம் இம்மாதிரியான சில பல நஷ்டங்களால் வெற்றிப்படமல்ல என்றாகிவிடாது. தமிழ் சினிமாவின் சமீபத்திய முக்கிய ப்ளாக் பஸ்டர் எந்திரன் என்பதையும் மறுக்க முடியாது. அதுபோல அப்படத்தை வாங்கி நஷ்டமடைந்ததையும் மறைக்க முடியாது. அளவுக்கதிகமான தியேட்டர்களில், அதிக விலைக்கு விற்றதால் வந்த வினை. இப்போது அறுக்கிறார்கள். இரண்டு பக்கமும்.
#####################################
சென்னையின் புதிய மல்ட்டிப்ளெக்ஸ் ஃபேம் பழைய விருகம்பாக்கம் நேஷனல் தியேட்டரை இடித்து கட்டிய சந்திரா மாலில் ஆரம்பித்திருக்கிறார்கள். மல்ட்டிப்ளெக்ஸை தவிர பெரிதாய் ஏதுமில்லை இந்த மாலில். தியேட்டர்கள் அருமையான ஆம்பியன்ஸில் நல்ல ஒளி,ஒலி அமைப்புடன் இருக்கிறது. நிச்சயம் இந்த மல்ட்டிப்ளெக்சினால் பக்கத்தில் உள்ள தேவிகருமாரி வளாகத்திற்கும், கமலா, எஸ்.எஸ்.ஆர் பங்கஜம் போன்ற தியேட்டர்களின் வசூல் அடிபடும். நிச்சயம் அவர்கள் தங்களது திரையரங்கின் தரத்தை மேம்படுத்தாவிட்டால் கோடவுன் ஆவது உறுதி. இந்த மாலிலும் பார்க்கிங் கொள்ளையடிப்பார்கள் என்று உறுதியாக நம்பப்படுகிறது. ஏனென்றால் இவர்களும் ஒரு மணி நேர பார்க்கிங் சிஸ்டம் தான் வைத்திருக்கிறார்கள். ஆனால் ஆரம்ப ஜோரில் அதை அமுல் படுத்தாமல் ப்ளாட்டாக பத்து ரூபாய் வசூலிக்கிறார்கள். மற்ற மணி நேரங்களின் விலைப்பட்டியலை பேப்பர் வைத்து ஒட்டியிருக்கிறார்கள். தியேட்டரில் டிக்கெட் வாங்குவதற்கு ரோட்டில் தான் வண்டியை பார்க் செய்ய வேண்டும். சத்யமில் உள்ளது போல டெம்ப்ரவரி பார்க்கிங் வசதியில்லை. கேட்டால் அது மாதிரி செய்ய முடியாது என்கிறார்கள் மால் அலுவலர்களும், பேம் தியேட்டர் நிர்வாகிகளும். இவர்களது கேண்டீனிலும் நாற்பது ரூபாய்க்கு குறைவாய் ஏதுமில்லை. தண்ணியைத்தவிர. அதுவே 30 ரூபாய்.
####################################
தத்துவம்
I Belive that sex is one of the most beautiful, natural, wholesome thing, that money can buy –Tom Clancy

“You know “that look” women get when they want sex? Me Neither” – Steve Martin.
#####################################
வீடியோ இந்த வாரம். 
மனுஷன்களுக்கு ‘புல்லும்” ஆயுதம்னு சும்மாவா சொன்னாங்க.

#########################################
ப்ளாஷ்பேக்

இந்திய திரையுலகத்தையே புரட்டிப் போட்ட ஹிட் படம். கயாமத் சே.. கயாமத் தக். சென்னை சபையர் தியேட்டர் காம்ப்ளக்ஸில் மட்டுமே இரண்டு வருடங்களுக்கு ஓடிய படம். இளைஞர்கள் ஜூஹி சாவ்லாவையும், பெண்கள் அமீர்கானையும் வளைத்து வளைத்து சைட்டடித்துக் கொண்டிருந்த காலம். படத்தின் ஹிட்டுக்கு இவர்கள் மட்டும் காரணமல்ல. ஆனந்த் மிலிந்தின் இசையும் தான். படத்தின் அத்துனை பாடல்களும் சூப்பர் ஹிட். அதில் ஒரு பாடல்தான் இந்தப் பாடல் “ஹே மேரே ஹம் சபர்”. படத்தின் இயக்குனர் மன்சூர் கான். அமீர்கானின் கஸின். ஏனோ தெரியவில்லை. மூன்று நான்கு படத்துடன் இயக்குவதை நிறுத்திவிட்டார். 

################################
மைகார்னர்

################################

அடல்ட் கார்னர் ஒரு வயசான பெண்மணி டாக்டரிடம் சென்றாள்: “டாக்டர், என் கணவருக்கு செக்ஸ் உணர்வு குறைஞ்சுடுச்சு”

டாக்டர்: “ஏன், அவருக்கு வயாகரா மாத்திரை கொடுக்கலாமே”

பெண்மணி: “இல்லை டாக்டர், அவர் ஒரு தலை வலி மாத்திரை கூட போட மாட்டார், மாத்திரை ன்னு சொன்னாலே அவருக்கு பிடிக்காது”

டாக்டர்: “அவ்வளவு தானே, மாத்திரையை பொடி பண்ணி வெச்சுக்கங்க, அவர் காப்பி குடிக்கும்போது, காப்பில் அவருக்கு தெரியாம கலந்துடுங்க”

பெண்மணி சந்தோஷமாக கிளம்பினாள். இரண்டு வாரம் கழித்து திரும்பி வந்தாள்.

டாக்டர்: “என்னங்க எப்படி இருந்துச்சு?”

பெண்மணி: “அதை எப்படி டாக்டர் சொல்லுவேன்?”

டாக்டர்: “ஏன், வேலை செய்யலியா?”

பெண்மணி: “இல்லை டாக்டர், வேலை செஞ்சுது, நீங்க சொன்னா மாதிரியே அவர் காபி குடிக்கும்போது, வயாகரா பொடியை கலந்துட்டேன், அவர் அந்த இடத்துலேயே என்னை பெண்ட் எடுத்துட்டார். முதல் இரவுல கூட அவர் இப்படி செஞ்சதில்லை”

டாக்டர்: “அப்புறம் என்ன பிரச்சனை?”

பெண்மணி: “இனிமேல் எங்களால் சரவண பவன் பக்கம் முகத்தை காட்ட முடியாது”

சங்கர் நாராயண் @கேபிள் சங்கர்

---

Post a Comment