கொத்து பரோட்டா 19/03/12

பெரிய படங்கள் ஏதுமில்லாமல் தியேட்டர்களில் ஈயடிக்கிறது. வெளியாகியிருக்கும் புதிய படங்களும் பெரியதாய் சோபிக்கவில்லை. பரிட்சை நேரம் வேறு அதனால் பெரிய படங்களின் வெளியீடு நிறுத்தி வைக்கப்பட்டிருக்கிறது. சின்னப் படங்களை பார்ப்பதற்கோ அல்லது அதைப் பற்றி யோசிப்பதற்கோ மக்களுக்கு நேரமில்லை. இல்லை அவர்களது கவனைத்தை இவர்கள் கலைக்கவில்லை. கர்ணன், குடியிருந்த கோயில், வெங்காயம், ஆரண்யகாண்டம் போன்ற படங்களை ரீரிலீஸ் செய்ய முடிவெடுத்து சில படங்கள் வெளியாகியும், இன்னும் சிலது வெளியாகவும் இருக்கிறது. தேவிபாரடைஸில் இந்த வாரம் படமே வெளியிடவில்லை. கேட்டால் டெக்னிக்கல் ப்ரச்சனை என்றார்கள். ஆனால் படம் போடவில்லை என்பதுதான் உண்மை என்று சொல்கிறார்கள். மீண்டும் அமீர் -அதாவது பெப்ஸி- தயாரிப்பாளர்கள் ப்ரச்சனையை கிளப்பியிருக்கிறார்கள். நொந்து போயிருக்கும் தமிழ் சினிமா எழுந்திருப்பது கொஞ்சம் கஷ்டம் தான் போலிருக்கிறது. கிடைக்கிற கேப்பில் அமீர் கொஞ்சம் கதையை ரெடி செய்து ஜெயம் ரவியை ரிலீஸ் செய்யலாம்.
@@@@@@@@@@@@@@@@@@@@@@@

மத்திய பட்ஜெட்டை சச்சினின் செஞ்சுரி கலைத்துவிட்டார். சச்சின் கலைத்ததை இந்திய டீமின் தோல்வி கலைத்தது. இந்திய டீம் கலைத்ததை சேனல் 4 வீடியோ கலைத்தது. வீடியோ கலைத்ததை நேற்றைய பாகிஸ்தானை இந்தியா வெற்றி கொண்டது கலைத்தது. இவையெல்லாத்தையும் தெனம் ரெண்டு முதல் எட்டு மணி நேர பவர்கட்டினால் வியர்வை ஊற்றி எடுப்பதால் சனியன் பிடித்த உடைகளை  கலைத்து உட்கார்ந்தால் நன்றாக இருக்கும் போலருக்கு

@@@@@@@@@@@@@@@@@@@@@
ராமதாஸ் கலைஞர் தமிழுக்கு என்ன செய்துவிட்டார். தமிழர்களை குடிகாரர்களாகவும், சினிமா பித்து பிடித்து அலையத்தான் வைத்தாரே தவிர,  வேறென்னத்தை செய்தார் என்று பிடிபிடியென பிடித்துள்ளார். நியாயமாய் பார்த்தால் டாஸ்மாக் என்ற ஒன்றின் மூலம் அரசாங்கத்திற்கு வருமானம் சேர்க்க ஆரம்பித்தது ஜெ அரசுதான். திட்டுவதாயிருந்தால் டாக்டரு ஜெவைத்தான் திட்ட வேண்டும். என்ன தான் மாத்தி மாத்தி திட்டினாலு உருப்படியா நாலு வேலை பண்ணலைன்னா பருப்பு வேகாதுன்னு சொல்லுங்க் யாராச்சும். ரொம்ப மாசமா டாஸ்மாக்குக்கு பூட்டு போடப் போறேன்.. போடப்போறேன்னு சொல்லிட்டிருக்காரு. வாய்லதான் சொல்றாரே தவிர பூட்ட மாட்டேன்குறாரு. இன்னுமா பூட்டு கடை திறக்கலை?  எங்க நில ஆக்கிரமிப்பு கேஸ் வந்திருமோங்கிற பயமா?
@@@@@@@@@@@@@@@@@@@@@@@@
சமீபகாலமாய் திரைத்துறை நண்பர்களில் சிலர் மீண்டும் என்னை நடிக்க வைத்து பார்க்க ஆசைப்பட்டதன் காரணமாய் நடித்திருக்கிறேன். சென்ற வாரம் சந்தமாமா  படத்தில் நடிக்க போனதும் அப்படித்தான். நாளைய இயக்குனர் நளன் இயக்கும் இந்த கனா காணும் காலங்கள் தொடரில் ஒரு சிறுபாத்திரத்தை செய்ய வேண்டுமென்ற அவரின் நட்பை ஏற்று செய்தேன்.

@@@@@@@@@@@@@@@@@@@
என் ட்வீட்டரிலிருந்து

எனக்கென்னவோ தேவர்களுக்கு இருக்கும் ஜாதி வெறிதான் இன்றைய பார்பனியத்தின் உச்சம் என்று தோன்றுகிறது.

பொய்யை விட அதை நிருபிக்க செய்யப்படும் பிரயத்தனங்கள் தான் அதிர்ச்சியூட்டுகிறது.


வாழ்க்கையை சுலபமாக ஆக்க வேண்டிக் கொள்வதைவிட கடுமையான பாதையை காட்டி அதை சமாளிக்கும் திறனை கொடுக்க வேண்டிக் கொள்ளலாம்

பெண்களை சந்தோஷமாய் வைத்துக் கொள்வது ஒன்றும் ராக்கெட் ரகசியமல்ல நேரம் ஒதுக்கி, கொஞ்சமே கொஞ்சம் அவர்களுக்கான கவனத்தைக் கொடுத்து காதலுடன் கொஞ்சம் ஞாபகசக்தியுடன் பேசினால் போதுமாம். என்ன பெண்களே அப்படியா?

இன்னொரு அடிக்குது குளீரூஊஊஊ ரெடியாவுது..

டீக்குடிப்பேன்னு சொன்னது வயசானதுனால வாய்குளறி தீக்குளிப்பேன்னு ஆயிருச்சோ.. #டவுட்டு

ஆன்லைனில் இடம் பார்த்து சீட் புக் செய்து படம் பார்க்க ஆர்வமாயிருக்கும் போது ஒரு காட்டெருமை முன்னால் உட்கார்ந்து மறைப்பது செம கொடுமை.
@@@@@@@@@@@@@@@@@@@@@@@@
ப்ளாஷ்பேக்
ரா.சங்கரன் இயக்கிய படம். தட்ஷிணாமூர்த்தியின் இசையில் எஸ்.பி.பியின் ஐஸ்க்ரீம் குரலில் கிட்டத்தட்ட ஒரு ஜுகல் பந்தியே நடத்தியிருப்பார். மிக அருமையான காம்போஷிஷன். என் அப்பா நடித்த ஒரு சில படங்களில் இதுவும் ஒன்று.

@@@@@@@@@@@@@@@@@@@@@@
எக்ஸ்பட்டேஷன் மீட்டர்

“அட்டக்கத்தி” சமீபத்தில் திரைத்துறையினருக்கான சிறப்புக் காட்சியில் பார்த்து அட என்று ஆச்சர்யப்பட வைத்தப் படம். தமிழில் இம்மாதிரியான ஒரு கல்ட் எண்டர்டெயினிங் படம் வந்து நாளாகிவிட்டது. அருமையான மெலடி பாடல்களும், இதன் மேக்கிங்கும் ஒரு எதிர்பார்ப்பை ஏற்படுத்தியிருந்தது. அதனால் தான் சின்ன படமான் இப்படத்தை ஸ்டூடியோ க்ரீன் விலைக்கு வாங்கி வெளியிடப் போகிறது.

@@@@@@@@@@@@@@@@@@@@@@@@@
குறும்படம்

நிதிலன் என்கிற இளைஞரின் குறும்படம். நாளைய இயக்குனர் 3 சீரியஸில் வந்த படம். ஒரு பெண் விபத்துக்குள்ளாகிறாள். அவளிடமிருந்து பணம் திருடப்படுகிறது. அவளின் மொபைல் திருடப்படுகிறது. இன்னொரு பக்கம் பணம் திருடியவனின் மொபைல் மிஸ்ஸாகிறது. அங்கிருந்த போலீஸ் இன்ஸ்பெக்டரின் மொபைல் திருடு போகிறது.. போலீஸ் ஒரு போட்டோவை வைத்து குற்றவாளியை தேடுகிறது. இப்படி இந்த விபத்து சம்பவத்தை வைத்தே எழுதப்பட்ட திரைக்கதையின் முடிச்சுகளை அவிழ்க்கும் போது புதிர் விலகுகிறது. சமீபத்தில் பார்த்த சிறந்த குறும்படங்கள் ஒன்றாய் இந்தப் படத்தை சொல்லலாம்.

@@@@@@@@@@@@@@@@@@@@@@@@
அடல்ட் கார்னர்

மூன்று குழந்தைகளுடன் ஒரு பெண் டிபார்ட்மெண்டல் ஸ்டோரில் ஷாப்பிங் செய்து கொண்டிருக்க, மூன்றாவது குழந்தை சுட்டித்தனமாய் அமர்களம் செய்து கொண்டிருக்க, பொறுமையாய் எவ்வளவோ கண்டித்தும் அவனின் அமர்களம் அதிகரிக்க. ‘பேசாம உன்னை முன்னாடியே முழுங்கியிருக்கணும்” என்றாள்.
கேபிள் சங்கர்    

---

Post a Comment