பத்து மணி நேர பவர் கட்

கேட்டால் கிடைக்கும் பதிவுகளுக்கு கிடைத்த வரவேற்பும், மற்ற சமூக பொறுப்போடு (என்று நினைத்து ) எழுதப்பட்ட பதிவுகளுக்கு கிடைத்த நல்ல மாற்றங்களையும் பார்த்துவிட்டு, நிறைய நண்பர்கள் அவர்களது ஏரியா ப்ரச்சனைகளை என் பதிவுகளில் எழுதச் சொல்லி போட்டோ முதற்கொண்டு எடுத்து மெயில் அனுப்புகிறார்கள். இன்னும் சிலர் கேட்டால் கிடைக்கும் என்கிற விஷயத்தில் நம்பிக்கை வைத்து அவர்கள் கேட்டு கிடைத்த அனுபவங்களை பகிர்ந்து கொண்டு வருகிறார்கள்.

சென்ற மாதத்தின் போது சைதாப்பேட்டை குப்பை மேட்டரைப் பற்றி எழுதியவுடன் அது க்ளீன் செய்யபட்டதும், சென்னையில் பகலில் எரியும் விளக்குகள் என்கிற தலைப்பில் தெருவிளக்குகளை பகலில் போட்டு வைப்பதால் நடக்கும் மின்சார விரயத்தைப் பற்றி எழுதியதும் பல ஏரியாக்களில் இப்போது மின் விளக்குகள் எரிவதில்லை என்றும் மெயில் அனுப்புகிறார்கள். கேட்கவே சந்தோஷமாய் இருக்கிறது. போகிற போக்கை பார்த்தால் ஏரியா கவுன்சிலருக்கு கொடுக்க வேண்டிய மனுவெல்லாம் கூட எனக்கு ஒரு காப்பி அனுப்பி வைத்துவிடுவார்கள் போலருக்கிறது. ஜோக்ஸ் அபார்ட்... ஏதோ என்னாலான ஒரு முயற்சி. இம்மாதிரியான பதிவுகளை எழுதிவிட்டு மட்டும் போகாமல் சம்பந்தப்பட்ட இலாக்காக்களின் ஃபேஸ்புக், மற்றும் இணையதளங்களில் அப்பதிவின் இணைப்பை கொடுத்துவிடுகிறேன். இதனால் உடனடியாய் சம்பந்தப்பட்ட அதிகாரிகள் குறைகளை நிவர்த்தி செய்கிறார்கள் என்பது என் எண்ணம். சென்னை மேயர் சம்மந்தப்பட்ட குறைகளை அவரது ஃபேஸ்புக் பக்கத்தில் இணைத்தால் நிச்சயம் ரிசல்ட் கிடைக்கிறது. அந்த வகையில் கோவையிலிருந்து ஒரு வாசகி ஒரு கடிதத்தை அனுப்பியிருந்தார். 

கேபிள் சங்கர் அவர்களுக்கு,

                        நான் கோயம்புத்தூர் வாசகி.  தற்போது கோவை நகரில் வெயில் பாடாய்  படுத்துகிறது. அதோடு பத்து மணி நேர பவர் கட்டினால் மக்களின் அன்றாட இயல்பு வாழ்க்கை பெரிதும் பாதித்துள்ளது. ஒரு நாளில் எத்தனை முறை பவர் cut ஆகிறதென்று கீழே பார்த்து தெரிந்து கொள்ளுங்கள்.

                                 காலை 6 மணி முதல் 9 மணி வரை               -  3

                                 பகல்  12 மணி முதல் 3 மணி வரை                  -  3

                                 மாலை 6 மணி முதல் 7 மணி வரை                -  1

                                 இரவு 9 மணி முதல் 10 மணி வரை                   -  1

                                 இரவு 12 மணி முதல் 1 மணி வரை                 -  1

                                 அதிகாலை 3 மணி முதல் 4 மணி வரை        -  1

                                 மொத்தம்                                                                -  10

மனிதன் களைத்து போய் வீடு திரும்பும் போது நிம்மதியான தூக்கம் ஒன்று தான் அவனுக்கு மிக பெரிய சொத்து. அதுவே இல்லாம பண்றது தான் தமிழக அரசின் நோக்கமா? மேல இருக்கிற அட்டவணையில் சிவப்பு மையினால் இருப்பவை மிக மிக கொடுமை. அந்த நேரத்தில ரொம்ப வேர்க்குதுன்னு வீடு கதவ திறந்து வச்சோம்ன்னு வைங்க கொசு எல்லாம் நம்மள கடிக்க ஆரம்பிச்சுடுது. இதனால தினம் தினம் சித்ரவதை தான். நான் இபோது 9 மாத கர்ப்பினியும் கூட. காலையில் அலுவலகத்துக்கு sendru மாலை வீடு thirumbi நிம்மதியாக தூங்க கூட முடியவில்லை. இது போல் எத்தனை எத்தனை வயதானவர்கள், குழந்தைகள், நோயாளிகள், மாணவ மாணவிகள் ??????????????????  இந்த பிரச்சினை கு விடிவு காலமே இல்லையா?

கருணை உள்ளம் அம்மா! எங்கள் இதய தெய்வம் அம்மா! என்றெல்லாம் புகழ் பாடுகிறார்கள். ஆனால் என்னை கேட்டால் அந்த அம்மாவுக்கு இரக்கமே இல்ல நு தான் நான் சொல்லுவேன். ஒரு அரை மணி நேரம் அவங்களால கரண்ட் இல்லாம இருக்க mudiuuma ? இது தான் நான் அவங்கள கேக்கணும் நு நெனைக்கிற கேள்வி.........

இது ஒரு ஊர் pirachna இல்ல தமிழ்நாடே கரண்ட் இல்லாமல் தத்தளிக்கிறது. தமிழ்நாடு மக்கள் அப்படி என்ன பாவம் பண்ணிடாங்க இந்த கொடுமைஎல்லாம் அனுபவிக்க? பணம் படைத்தவர்கள் UPS இன்வேர்ட்டர் பயன்படுத்தி சொகுசாக வாழ்கிறார்கள். எல்லாராலும் இதை வாங்க முடியுமா? என்பது தான் என் கேள்வி.  இந்த பதிவின் மூலம் கூடிய விரைவில் நல்ல தீர்வுஎதிர் பார்க்கிறோம்.

பின் குறிப்பு: அட்லீஸ்ட் நைட் டைம் ஆவது கரண்ட் தடை இல்லாம வரணும்.

இந்த பதிவை எல்லோருடைய கவனத்திற்கு கொண்டு செல்ல வேண்டும். 

இவரது குறையை உடனடியாய் போக்க முடியாது நிதர்சனமென்றாலும், அதை வெளிப்படுத்திய ஆறுதலாவது அவருக்கு கிடைக்கட்டும் என்ற நோக்கோடு இதை பிரசுரிக்கிறேன்.

கேபிள் சங்கர்