கொத்து பரோட்டா 21/05/12

முதல்வன் பட இண்டர்வியூ போல சி.என்.என் - ஐ.பி.என் டிவி பேட்டியிலிருந்து பாதியில் வெளியேறியிருக்கிறார் மம்தா அக்கா. கல்லூரிகளில் இருந்து வந்திருந்த மாணவர்கள் தொடர்ந்து ஜெய்தேவ் கார்டூன் ப்ரச்சனையை பற்றியும், அவருடய மாநிலத்தில் பெண்கள் மீது நடக்கும் அராஜகங்களையும், போலீஸாரின் நடவடிக்கைப் பற்றியும், சட்ட ஒழுங்கு பிரச்சனை குறித்தும் தொடர்ந்து கேள்வி கேட்க, கடுப்பாகிப் போன மம்தா பாதி நிகழ்ச்சியில் சட்டசபையில் வெளிநடப்பு நடப்பது போல வெளியேறியிருக்கிறார்.  போகிற போக்கில் அம்மாதிரியான கேள்வி கேட்டவர்கள் எல்லாம் மாவோயிஸ்ட் தீவிரவாத மாணவர்கள் என்று குற்றம் சாட்டியிருக்கிறார். நிகழ்ச்சியை நடத்திய சகாரிகா கோஷ் எவ்வளவோ அவர்கள் மாவோயிஸ்ட் அல்ல, இந்திந்த யூனிவர்சிட்டியிலிருந்து வந்திருக்கும் மாணவர்கள் என்று விளக்கம் அளித்துள்ளார். அதற்கு அப்படியே இருந்தாலும், அவர்கள் மாவோயிஸ்ட் மாணவர்கள்தான் என்று காச்சு காச்சு என்று கத்திவிட்டு போயிருக்கிறார். இப்படியெல்லாம் நடக்கும்னு தெரிஞ்சுதான் நம்மூர் அரசியல்வாதிகள் எல்லாம், பப்ளிக் கலந்து கொள்ளும் டிவி நிகழ்ச்சிகளுக்கு போவதில்லை. அப்படி மட்டும் மம்மியோ, தாத்தாவோ போய் உட்கார்ந்தால் நிகழ்ச்சி நடத்துபவர்களுக்கு முதல் கேள்வி மட்டுமே புட்டேஜாய் மிஞ்சும்.
@@@@@@@@@@@@@@@@@@@



நண்பர் ஓ.ஆர்.பி ராஜாவின் இளைய மகளும், அண்ணன் அப்துலலாவின் மகளும் டிவியில் கார்ட்டூன் பார்த்துக் கொண்டிருந்தார்கள். அப்போது ஓ.ஆர்.பியின் மகள் சத்தமாய் “ஏய் இங்க பாரேன்.. ஜாக்கி சான் சித்தப்பா இங்க வந்து பேசுறாரு” என்றதும், அப்துல்லாவின் மகளும், :”அட ஆமா.. அவரு ஏன் இங்க வந்து பேசுறாரு” என்று கேட்டாள். எனக்கு ஒரே ஆச்சர்யமாய் போய்விட்டது. இரண்டும் வெவ்வேறு கார்டூன் சீரியல்கள். இரண்டிலும் ஒரே ஆள் டப்பிங் கொடுத்திருக்க, இந்த பொடுசுகள் சட்டென டப்பிங் பேசிய ஆளின் குரலை வைத்து கண்டுபிடிக்கிறார்களே, இவங்களையா இப்பத்திய சினிமாக்காரங்க ஏமாத்த முடியும் என்று எண்ணிக் கொண்டேன்.

###################################

வழக்கு எண்ணைப் பற்றி விமர்சனம் எழுதி மீண்டும் விவாதத்திற்குரியவர் ஆகியிருக்கிறார் சாரு நிவேதிதா. அமெரிக்க பத்திரிக்கைக்கு எழுத வேண்டிய வேலையை விட்டு விட்டு எழுதியதைப் பற்றி புலம்பித் தள்ளியிருக்கிறார். தான் வசனம் எழுதுவதற்காக யாரிடமும் விலைப் போவதில்லை என்று சொல்லியிருக்கிறார்.  எது எப்படியோ.. பஞ்சாயத்து பாலிடால் குடிச்சா சரிதேன்.
@@@@@@@@@@@@@@@@@@@@@@
அடிக்கிற வெய்யிலுக்கு மனுஷன் உடம்புதான் எரியுதுன்னா.. ஓடுற கார், பஸ் எல்லாமே எரியுது. நேத்தைக்கு மட்டும் நாலு ஆக்சிடெண்ட் நியூஸ் நம்ம தமிழ்நாட்டுல மட்டும். எல்லாமே ஓடுற வண்டி எரிஞ்சு போயிருச்சுன்னுதான். தமிழ்நாட்டுல மட்டுமே இத்தனைன்னா, இன்னும் நாடு பூரா எவ்வளவு வண்டி எரியுதோ?. ஆனால் இந்த வண்டி எரிதல் நிகழ்வுக்கும், பழைய நானோ எரிகிற நிகழ்வுக்கும் நிறைய வித்யாசம் உண்டு. நண்பர் வெங்கி 2010 நானோவை புக் செய்து வாங்கி, கிட்டத்தட்ட 36,000 கிலோமீட்டர் ஓட்டியிருக்கிறார். ஒரு சுபயோக சுபதினத்தினத்தன்று வண்டியின் பின்பக்கமாய் புகை வர, பதட்டமாகி, வண்டியின் கண்ட்ரோல் இழந்து விபத்துக்குள்ளாகி, எலும்பு முறிவு ஏற்பட்டு, மயிரிழையில் உயிர் பிழைத்திருக்கிறார். இது குறித்து டாட்டா மோட்டார்ஸின் கஸ்டமர் கேருக்கு போனும், விபத்துப் பற்றிய விஷயங்களையும் தெரிவித்திருக்கிறார்கள். அவர்களும், விபத்துப் பற்றி வந்த பத்திரிக்கை செய்தியை வைத்து தொடர்பு கொண்டு பேசியவர்கள், இழப்பீடுக்கா இன்னமும் விசாரணையில் இருக்கிறது என்றொரு மெயில் மட்டுமே அனுப்பியிருக்கிறார்கள். அதன் பிறகு போனிலோ, மெயிலிலோ தொடர்பு கொண்டால் அதற்கு பதிலோ, அல்லது போனை எடுப்பதோ இல்லை.   சரி இது பற்றி நானோவின் ஃபேஸ்புக் தளத்தில் போடுவோம் என்றால் யார் எவ்வள்வு ஸ்டேட்ஸ் மெசேஜுகளைப் போட்டாலும், ஆள் வைத்து அதை டெலிட் செய்து கொண்டேயிருக்கிறார்கள். ஒரு நான்கு பேர் ஐந்து பேர் தொடர்ந்து போடுவதைவிட, கேட்டால் கிடைக்கும் குழுவினர்கள் எல்லோரும், அவர்களுடய பக்கத்தில் தொடர்ந்து இதைப் பற்றி எழுதினால், அவர்கள் செவி சாய்ப்பார்கள் என்று நினைக்கிறேன். எனவே உங்களது தளம், வலைப்பூ, ஃபேஸ்புக், ஆர்குட் போன்ற எல்லாவற்றிலும் தொடர்ந்து நாம் இந்த செய்தியை போட்டு, டாட்டா மோட்டார் பேஸ்புக் பக்கத்திலும், அவர்களுடய மெயில் ஐடிக்கு இந்த படத்தை மட்டுமே ரீஷேர் செய்து அனுப்பி, கேட்போம் என்று முடிவு செய்திருக்கிறோம். எல்லோரும் கேட்போம். இன்று என் நண்பருக்காக நாம் கேட்பது, நமக்காகவும்தான். click here for  Tata Nano facebook page  கஸ்டமர் கேர் மின்னஞ்சல் ஐடி. <customercare@tatamotors.com> எல்லா மெயிலும் ஆங்கிலத்தில் இருந்தால் நலம். Answer venkatesh என்று தலைப்பிட்டு மெயில் அனுப்புங்கள். கேட்டால் கிடைக்கும் 
@@@@@@@@@@@@@@@@@@@@@@

என் ட்வீட்டிலிருந்து

உண்மையாகவே நீ oruvarai விரும்பினால் உன் சந்தோஷத்தை விட avarudayathai முக்கியமாய் நினைப்பாய்....

ப்ரச்சனையின் போது எல்லோரும் நம்மிடமிருந்து விலகி ஓட, எவனொருவன் நம்முடன் இருக்கிறானோ அவனே சிறந்த நண்பன்

ஓவராய் குடித்துவிட்டு போதையாட்டம் போடும் நண்பரைவிட, சிறிது குடித்துவிட்டு போதையானவரை பார்க்க அழகாய் இருக்கிறது. # அவதானிப்பு

அழகோ, அழகில்லையோ எல்லா பெண்ணும் இந்த கேள்வியை கணவனிடமோ, காதலனிடமோ கேட்காமல் இருந்ததில்லை. “நான் அழகாயிருக்கேனா?” # அவதானிப்பு

வாழ்க்கை ஒரு புத்தகத்தைப் போல, அதற்காக உடனடியாய் கடைசி பக்கத்தை படிக்க விரும்பாதே.

நான் எழுதியபுத்தகங்களுக்கு ராயல்டி வாங்கியிருக்கிறேன். கொண்டிருக்கிறேன்.என்ன பெரிய பதிப்பகம் தான் முழுசாய் கொடுக்காமல் சத்தாய்க்கிறது. சிறிய பதிப்பகமான குகனின் நாகரத்னா பதிப்பகத்தின் நேர்மை பல சமயங்களில் அசத்துகிறது.

நீ எதை இழந்துவிட்டு தவிக்கிறாய் என்று யோசிக்கும் நேரத்தில் மற்றவர்களின் இழைப்பைப் பற்றி யோசி..

தமிழ் தமிழென முழங்குகிறவர்களில் முக்கால் வாசிப் பேர் தமிழை தமில் என்றே கொல்கிறார்கள். # அவதானிப்பு

அவள் இல்லாத போது உன் அன்பை வெளிப்படுத்தாதே..

ஒரு நாள் உன் கடந்த காலத்தை பற்றிக் கவலைப்படாத ஒருவன் உன் எதிர்காலத்தை பங்கு போட வருவான் என்ற நம்பிக்கை எவ்வளவு நன்றாக இருக்கிறது.

நீயில்லாத நான் ஒரு குழப்ப மூட்டை

என்னை நீ மறக்காதவரை வேறு யார் என்னை மறந்தாலும் எனக்கு கவலையில்லை.

சிட்டுக்குருவி செத்து போச்சு காணாம போச்சுன்னு சொன்னாங்க.. சமீபத்தில் கொடைக்கானலில் கொத்து கொத்தாய் நிறைய சிட்டுக்குருவி பார்த்தேன்.

நீ பேசும் வார்த்தைகள் மீது கவனமாய் இரு. அவை மன்னிக்கப்படுபவைகளே தவிர மறக்கப்படுவதில்லை.......

@@@@@@@@@@@@@@@@@@@@@@@@@@@@

”யூத்” பதிவர் சந்திப்பு

மிகச் சிறப்பாக நடந்தேறியது யூத் பதிவர் சந்திப்பு. இச்சந்திப்பில் விலாசினி என்கிற பதினோரு வயதுப் பெண்ணையும், யோகானந்த் என்கிற்வரையும், கோகுல் எனும் புதிய பதிவரையும் கெளரவித்தார்கள். விலாசினி ஐ.க்யூ எனும் நுண்ணறிவு திறனில் 225 கொண்டவள். பில்கேட்ஸுக்கு 160ஆம். சுமார் நான்கு கின்னஸ் ரெக்கார்டுகளை முறியடித்திருக்கிறாள். அச்சிறுமியின் நுண்ணறிவுத்திறனை அவளுக்கு பிடித்த சப்ஜெக்ட் என்ன, பிடித்த நடிகர் யார்? பிடித்த திரைப்படம் எது? என்பது போன்ற நுண்ணறிவை வளர்க்கும் கேள்விகளைக் கேட்டு ஜென்ம சாபல்யம் அடைந்தோம். எதுக்கு ரிஸ்கு நாம கேள்வி கேட்டு அது படு மொக்கையா இருந்திருச்சுன்னா என்கிற பயம் இருந்ததால் இருக்கலாம். கார்க்கி கொஞ்சம் சைக்கலாஜிக்கலான கேள்விகள் கேட்டு தன் ஐ.க்யூவை தெரிவுப்படுத்தினான்.  அப்பெண்ணின் அம்மா இவளது அம்மா என்று தன்னை அறிமுகப்படுத்திக் கொள்வது பெருமையாக இருக்கிறது என்று சொன்னார். என்னைப் பொறுத்தவரை அப்பெண்ணின் எதிர்காலத்திற்காக ஆல் இண்டியா ரேடியோவில் இருந்த வேலையை உதறிவிட்டு, அவளுக்காக அயராது பாடுபட்டு விலாசினியை ப்ரோமோட் செய்ய முனையும் அவர்களுக்கு என் வாழ்த்துக்கள். யோகானந்த் என்பவர் ஒரு லட்சத்தி இருபதாயிரம் மரம் வளர்த்திருக்கிறார். கோவைக்காரர். அவரின் இந்த செய்லாலும், மரம் வெட்டுவதை தடுப்பதாலும் கிடைத்த அனுபவங்களை சொன்னார். கிட்டத்தட்ட தெலுங்கு படம் போல இருந்தது. அவ்வளவு வயலன்ஸ். இருந்தாலும் தன் கண்டக்டர் வேலையை வைத்துக் கொண்டு தொடர்ந்து இயற்கையை காப்பாற்றுவதற்காக போராடும் அவரை பாராட்டியே ஆக வேண்டும். புதிய பதிவர் கோகுலை சென்ற ஆண்டின் சிறந்த பதிவராய் யூத் பதிவர் குழு தேர்ந்தெடுத்து வாழ்த்தியது. நான் தான் நிகழ்ச்சியை தொகுத்து வழங்கினேன். என்னை பார்ப்பதற்காக கடலூரிலிருந்து வந்திருந்த பாலகணேஷுக்கு என் நன்றிகள். நலல் ஜாலியாய் போனது சந்திப்பு.
@@@@@@@@@@@@@@@@@@@@@@@@@

ப்ளாஷ்பேக்

ஒரு காலத்தில் இந்தியாவையே கலக்கு கலக்கியெடுத்த பாடல். முக்கியமாய் அமிதாப்புக்கான அசலான குரலில் சுரேஷ் போல்ஸேவும் கவிதா கிருஷ்ணமூர்த்தியும் பாடி இந்தியாவையே ஜுரத்தில் வைத்த பாடல். விஷுவலும் அருமையாய் இருக்கும். இந்த பாட்டுக்காகவே செம ஓப்பனிங் 

@@@@@@@@@@@@@@@@@@@@

அடல்ட் கார்னர்
A woman walks into her accountant's office and tells him that she needs to file her taxes. 
The accountant says, "Before we begin, I'll need to ask a few questions. " He gets her name, address, social security number, etc. and then asks, "What is your occupation?" 
The woman replies, "I'm a whore." The accountant balks and says, "No, no, no. That will never work. That is much too crass. Let's try to rephrase that." The woman, "OK, I'm a prostitute.".
The accountant:"No, that is still too crude. Try again."
They both think for a minute, then the woman states, "I'm a chicken farmer."
The accountant asks, "What does chicken farming have to do with being a whore or a prostitute?"

"Well, I raised over 5,000 cocks last year."

@@@@@@@@@@@@@@@@@@@@@@@@@@

கேபிள் சங்கர்

---

Post a Comment