கேபிள் ஆப்பரேட்டர் என்கிற வர்கத்தையே ஒழிக்கப் போகும் மத்திய அரசும் மாநில அரசும்.

அட என்ன தலைப்பே காண்டர்வர்சியா இருக்கே? என்று யோசிப்பவர்களுக்கு ஆம் காண்டர்வர்சி மட்டுமல்ல ஒட்டு மொத்த சென்னையே வருகிற ஜுன் 30 நள்ளிரவுக்கு பிறகு சென்னையில் உள்ள அத்துனை கேபிள் இணைப்பு பெற்ற தொலைக்காட்சி பெட்டிகளும் அணையப் போகிறது. அடுத்த நாள் முதல் அத்துனை டிவிக்களும் தெரிய வேண்டப்பட வேண்டுமென்றால் டிஜிட்டல் செட்டாப் பாக்ஸ் முறையில் சுமார் நாற்பது லட்சம் வீடுகளில் செட்டாப் பாக்ஸ் இணைப்பு பெற்றிருக்க வேண்டும். அப்படியில்லாத பட்சத்தில் சென்னையில் டி.டி.எச் எனப்படும் நேரடி ஒளிபரப்பு வைத்திருப்பவர்களும், ஏற்கனவே கண்டீஷனல் ஆக்சஸ் திட்ட்த்திற்காக செட்டாப் பாக்ஸ் வைத்திருப்பவர்கள் மட்டுமே பார்க்க முடியும். இது என்ன கலாட்டா என்று இது பற்றி எந்தவிதமான பரபரப்பும் இல்லாமல் நகர்ந்து கொண்டிருப்பது போல தோன்றினாலும், சென்னையில் உள்ள ஆயிரத்திற்கும் மேற்பட்ட கேபிள் ஆப்பரேட்டர்கள் தங்கள் வாழ்க்கையின் மிக மோசமான நிலையில் தினமும் ஒரு மீட்டிங், தினமும் ஒரு ஏற்பாடு ஏதாவது செய்ய முடியுமா? என்றெல்லாம் யோசித்துக் கொண்டிருக்கிறார்கள். இதற்கு என்ன முடிவு என்று தெரியாமல். இருப்பது இன்னும் 15தே நாள்தான். அதற்கு ஊரில் உள்ள் டிடிஎச் கம்பெனிகள் எல்லோரும் இருக்கும் வாடிக்கையாளரை சுவாஹா செய்ய தயாராக இருப்பார்கள் என்று தெரியும்.

இந்தத் திட்டம் இதற்கு முன்னமே தெரியாதா? ஏன் இப்படி திடீரென வந்த்து போல சொல்கிறார்கள் என்று கேட்பவர்களுக்கு. இந்த்த்திட்டம் சென்ற வருடமே ஆரம்பிக்க வேண்டியது. சென்னை, டெல்லி, கொல்கத்தா, மும்பை ஆகிய நகரங்களில் முழுக்க முழுக்க டிஜிட்டல் நெட்வொர்க்காக மாற்றப்பட வேண்டிய அவசியத்தை சொல்லி, மாற்றி ஆக வேண்டிய காட்டாயத்திற்கான காரணத்தைச் சொல்லி, அதற்கான தேதியையும் சொல்லி, பின்பு அதற்குள் ஆகாது என்ற கோரிக்கையையும் ஏற்று, ஜூன் 30 என்று ட்ராய் பிக்ஸ் செய்த்துதான். அதான் ஏற்கனவே முன்பே அறிவிக்கப்பட்ட்துதானே பின்ன என்ன? என்று கேட்கிறீர்களா? ப்ரச்சனையே அங்கு தான். மற்ற ஊர்களில் எல்லாம் செட்டாப்பாக்ஸை வீட்டிற்குள் இயங்க வைப்பதற்கான ப்ரச்சனையே தவிர கொல்கத்தா தவிர, டெல்லி தவிர, கொஞ்சம் மூச்சு பிடித்து இழுத்தால் ஒரு மூன்று மாத்த்திற்குள் வைத்துவிடலாம் என்ற நிலையில்தான் இருக்கிறார்கள். ஆனால் சென்னையில் அப்படியல்ல. இங்கு இருக்கும் பிரச்சனைகளுக்கு முக்கிய காரணம் அரசு கேபிள் நிறுவனம் என்று ஆப்பரேட்டர்கள் மத்தியில் சொன்னால் நிச்சயம் ஆச்சர்யப்படுவீர்கள்.  இரண்டாவது காரணம். ஆப்பரேட்டருக்கும், எம்.எஸ்.ஓவுக்குமான புதிய கட்டணவிகிதாசார ப்ரச்சனை. சம்பந்தப்பட்ட ஆப்பரேட்டர்களை கலந்துரையாடாமல் சென்ற மாத்த்தின் கடைசியில் திடீரென அறிவிக்கப்பட்ட ரெவென்யூ ஷேரிங் விஷயம் பற்றி இன்னும் பேசப்படவேயில்லை.

அரசு கேபிள்

அரசு கேபிள் தன் தன்னிகரில்லாத சாதனை மூலம் தமிழகத்தின் எல்லா ஏரியாக்களிலும் எழுபது ரூபாய்க்கு கேபிள் டிவி சர்வீசைக் கொடுத்து வெற்றி பெற்றிருக்கும் நிலையில் சென்னையில் மட்டுமே எப்படி கடைசி நிலை ஆப்பரேட்டர்களை அழிக்கப் போகிறது?

சென்னையில் மட்டும் ஆரம்பிக்காமல் வெளீயூர்களில் மட்டுமே அரம்பித்ததன் காரணம் அங்கே சென்னையில் உள்ளது போல கண்டீஷனல் ஆக்ஸ்ஸ் சிஸ்டமில்லை என்பதாலும், சென்னை போன்ற ஊர்களில் அரசே கண்ட்ரோல் ரூம் அமைத்தாலும், ட்ராயின் சட்ட்திட்டங்களுக்குள் தான் ஆரம்பிக்கப் படவேண்டியதன் அவசியம் என்பதாலும், செட்டாப் பாக்ஸ் வசதியுள்ள கண்ட்ரோல் ரூம் அமைப்பதில் உள்ள செலவும், அப்படியே அமைத்தாலும் உடனடியாய் ஜூன் மாதம் முதல் சென்னையில் முழுக்க, முழுக்க டிஜிட்டல் செட்டாப் பாக்ஸு முறையில் ஒரு கண்ட்ரோல் ரூம் அமைத்து நெட்வொர்க்கை ஆன் செய்ய பல கோடிகள் ஆகும் என்பதாலும் கொஞ்சம் யோசனையாகவே இருந்த்து.  இந்நிலையில் சென்னையில் உள்ள இரண்டு எம்.எஸ்.ஓக்களான எஸ்.சி.வியும், ஜாக்கும் மட்டும்தான். இருவருமே கண்டீஷனல் ஆக்ஸ்ஸ் சிஸ்டம் உள்ள நெட்வொர்க்குகளை வைத்திருக்கிறார்கள். மக்களுக்கு அதன் மூலம் சேவையையும் அளித்து வருகிறார்கள். நாள் நெருங்க நெருங்க.. மக்களிடம் புதிய சேவையை அறிமுகப்படுத்த அந்த நெட்வொர்க்குகள் விளம்பரப்படுத்த ஒவ்வொரு கேபிள் செட்டாப்பாக்சுக்கும் ஆயிரம் ரூபாய் என்று விலை நிர்ணையித்து அதை வசூல் செய்து பாக்ஸ் ஆர்டர் செய்தால்தான் ஜூன் 30ஆம் தேதிக்கு முன் மக்களுக்கு அவர்களின் தேவையான சேனல்களை தர ஏற்பாடு செய்ய முடியும் என்பதால் அதற்கான வேலைகளை ஆரம்பித்த்து. ஆனாலும் தங்களுக்கு தேவையான பாக்ஸுகளை ஆர்டரின் பேரில்தான் இறக்க முடியும் என்கிற செய்தியோடுதான். இது நடந்த்து சென்ற மாதம். அதாவது மே மாதம்.

ஆனால் அதுவரை ட்ராயிடமிருந்து எப்படி சேனல்களைத் தரப்போகிறார்கள். வருமான பகிர்வு போன்ற பல விஷயங்களுக்கு விளக்கமேயில்லை. இந்நிலையில் அரசு கேபிள் ஒரு அறிவிப்பை அறிவித்த்து. சென்னையில் உள்ள ஆப்பரேட்டர்கள் அனைவரும் தங்களை தங்கள் நிறுவனத்துடன் இணைத்துக் கொள்ள ஆன்லைன் மூலம் ரெஜிஸ்டர் செய்து கொள்ளவும் என்று. இதைப்பார்த்த்தும் சென்னையின் முன்னணி எம்.எஸ்.ஓக்கள் இருவரும் அமைதியானது. உடனடியாய் ஆப்பரேட்டர்கள் ரிஜிஸ்டர் பண்ண, அதன் பிறகு அரசு கேபிள் நிறுவனத்திடமிருந்து கிணற்றில் கல்.  ஆப்பரேட்டர்களுக்கு ஒரே குழப்பம். அரசு கேபிள் நிறுவனம் ஆரம்பிக்கும் நிறுவனத்தில் இணைந்து டிஜிட்டல் கண்ட்ரோல் ரூம் அமைப்ப்பதா? இல்லை ஏற்கனவே அவரவர்க்ள் இருக்கும் நெட்வொர்க்கில பேசி அடுத்த கட்ட இம்ப்ளிமெண்டேஷனை செய்வதா? என்ற குழப்பத்தில் இருக்கும் நேரத்தில் பதிலேயில்லை அரசு கேபிள் நிறுவனத்திடமிருந்து. விரைவில் உலக லெலவில் தரம் கொண்ட டிஜிட்டல் கண்ட்ரோல் ரூமை அமைக்கவிருக்கிறோம் என்றும் அதற்கு டெண்டர் கோரப்பட்டுள்ளது என்று சொன்னார்கள். ஆப்பரேட்டர்கள் கொஞ்சம் அசுவாசடைந்தார்கள். ஆனால் அதுவும் வெறும் ரெண்டு நாள் கூத்துதான். கேபிள் ஆப்பரேட்டர்களின் தொடர் ப்ரெஷரால் எப்போது ஆரம்பிப்பீர்கள் என்ற தொடர் கேள்வியின் ப்ரெஷர் தாங்காமல் நாங்கள் ஆரம்பிப்பத்ற்கு ஜூலை ஆகஸ்ட் ஆகும். என்றும் நாங்கள் சென்னையில் டிஜிட்டல் கண்ட்ரோல் ரூம் முழுவதுமாய் அமைப்பதற்கு மூன்று மாதம் டைம் கேட்டிருக்கிறோம் என்ற ஒரு அறிக்கையிஅ விட்டார்கள்.  இதை பத்திரிக்கைகளிலும் செய்தியாய் வர, சென்னையின் செட்டாப்பாக்ஸ் ப்ரச்சனையை அரசு கேபிள் தள்ளிப் போட்டிருக்கிறது என்பது போல செய்தியாய் அது மக்களிடையே கசிந்து இன்று கட்டாகட்டும் பார்க்கலாம் என்ற நிலையில் மக்கள் இருக்க, மீண்டும் அரைகுறை நிலையில் திரிசங்கு சொர்க்கத்தில் இருக்கிறார்கள் ஆப்பரேட்டர்கள்.

இதற்குள் சென்னையில் இருக்கும் ஆப்பரேட்டர்கள் எல்லோரும் ஆளாளுக்கு குழம்பிப் போய் அரசு கேபிளை ஒரு பக்கமும், இன்னொரு பக்கம் எஸ்.சி.வியையும் இன்னொரு பக்கம் ஜாக்கையும் தொங்கிக் கொண்டிருந்தாலும், ட்ராயின் கட்டாயம் காரணமாய் மற்ற எம்.எஸ்.ஓக்கள் டிஜிட்டல் கண்ட்ரோல் ரூமை அப் செய்தால் என்ன செய்வது என்ற கேள்வியே வாழ்க்கையில் மாபெரும் கேள்வியாய் திகைத்துப் போய் உட்கார்ந்திருக்கிறார்கள் ஆப்பரேட்டர்கள். 

சரி.. அப்படி ஆப் ஆனால் என்ன? உடனடியாய் யார் யாருக்கு டிஜிட்டல் பாக்ஸ் தேவைப்படுகிறதோ அதை வாங்கிக் கொடுப்பதில் என்ன சிக்கல் என்றால் அதில்தான் பெரிய சிக்கல் இருக்கிறது. சென்னையில் மொத்தம் சுமார் முப்பது லட்சத்திலிருந்து நாற்பது லட்சம் செட்டாப்பாக்ஸுகள் தேவை. இருப்பதோ இரண்டே இரண்டு எம்.எஸ்.ஓக்கள். அவர்களும் முன்னால் கட்டினால்தான் இம்போர்ட் செய்ய முடியும் என்கிற கட்ட்த்தில் தான் இருக்கிறார்கள். அதற்கு காரணம் ஒருவேளை அரசு கேபிள் ஆரம்பிக்கப்பட்டுவிட்டால் அவர்களுடய இன்வெஸ்ட்மெண்டுகள் முடங்கிப்போக வாய்ப்புகள் உள்ள நிலையிலும், ஆப்பரேட்டர்கள் நிச்சயம் அரசு கேபிளுக்கு ஆதரவு கொடுக்க விழைந்தால் அவர்க்ள் நிலை  மிக மோசம் என்பதால் தான். அப்படியே அவர்களிடம் இருக்கும் சில ஆயிரம் பாக்ஸுகளை வாங்கி அதில் சேன்லக்ளை ஆக்டிவேட் செய்து கஸ்டமரிடம் இம்ப்ளிமெண்ட் செய்ய நாட்கள் அல்ல வாரங்கள் ஆகும். மீண்டும் ஏற்படும் டிமாண்டுகளுக்கு கிட்ட்த்தட்ட மாதக்கணக்கில் ஆகும். அந்நிலையில் டிடிஎச் அப்பரேட்டர்கள் தங்கள் பங்குக்கு அவரக்ளது டிஷ்களை விற்க தொடங்கியிருப்பார்கள். ஆனால் அவர்களுடயது அவ்வளவு சுலபம் அல்ல. ஆப்பரேட்டரின் வேலையை விட கடினம்.

சரி நல்லதோ கெட்ட்தோ, இருக்கும் எம்.எஸ்.ஓவிடம் போய் பணம் கட்டி வேலையை ஆரம்பிப்போம் என்றால் மீண்டும் அரசு கேபிள் நிறுவனம் டைம் கேட்டாகிவிட்ட்து செப்டம்பரில் ஆரம்பிப்போம் என்று அறிக்கை விடுகிறது. ஆனால் இதுவரை டெண்டரைக்கூட ஓப்பன் செய்யவில்லை என்றுதான் சொல்கிறார்கள்.

ஆப்பரேட்டர்களின் குழப்பம் இப்போது உச்சம். அவர்களின் முக்கிய ப்ரச்ச்னை இந்த திட்டம் சென்னையில் அமுலுக்கு வருகிறதா இல்லையா? எம்.எஸ்.ஓவைக் கேட்டால் அமுலுக்கு வருகிறது என்றுதான் சொல்கிறது. அப்போது பாக்சுகு பணம் கட்டுங்கள் தருகிறோம். சரி. பண பங்கீடு பற்றி பேசணுமே அதைப் பற்றி அப்புறம் பார்த்துக் கொள்ளலாம்? என்கிறார்கள். சரி அது பற்றி பார்த்துக் கொள்ளலாம் என்றாலும், அரசின் தொடர் அறிவிப்பின் மூலமாய் மக்கள் வராது என்ற எண்ணத்தில் இருக்க, சிக்னல் கட்டாகட்டுமென்று காத்திருக்கிறார்கள். ஆனால் அவர்களின் காத்திருப்பெல்லாம் அன்று காலை வரையில்தான் இருக்கும் மதியமே பணத்தக் கொடுத்துவிட்டு பாக்ஸை கொடு என்றால் சுமார் தொண்ணூறு நாட்கள் வரை ஆகும் இம்போர்ட் செய்ய.  சரி.. இருக்கிறவர்க்ளுக்கு வாங்கிக் கொடுப்போம் என்றால் அப்படி வாங்கிக் கொடுத்துவிட்டு மீண்டும் அரசு கேபிள் ஆரம்பித்து அவர்களின்ன் சிக்னலைக் கொடுக்க வேண்டியிருந்தால் இந்த பாக்சுகள் வேலை செய்யாது. அவை இரண்டுமே வேறு வேறு சாப்ட்வேர்களில் வேலை செய்யப்படும் பாக்ஸுகள். அவைகள் இசைந்து இயக்க வைக்க முடியுமென்றாலும் அதற்கு இருவரும் சம்மதிப்பார்களா? என்ற மில்லியன் டாலர் கேள்வி வேறு இருப்பதால் மீண்டும் வாங்கியவர்களுக்கே பாக்சுகளை யார் வாங்கிக் கொடுப்பார்கள்.?

இப்படிப்பட்ட நிலையில் சென்னையில் உள்ள கேபிள் ஆப்பரேட்டர் சங்கங்களோ அரசு கேபிளுக்கு சப்போர்ட்டாகவோ, அல்லது எதிராகவோ அறிக்கை விடாமல் ஆளாளுக்கு தினமும் கட்டாகுமா கட்டாகாதா என்ற மில்லியன் டாலர் கேள்விக்கு மத்திய அரசிடமோ, மாநில அரசிடமிருந்தோ சரியான பதிலைப் பெறாமல் அலைந்து கொண்டிருக்கிறார்கள். இது பற்றி பேச சென்ற வாரம் அம்பிகா சோனி எம்.எஸ்.ஓக்களை அழைத்திருக்க, அரசு கேபிள் சார்பில் ஒருவரும் விரைவில் ஆரம்பிக்க இருக்கும் ஒரு எம்.எஸ்.ஒவிலிருந்து ஒருவரும் மட்டுமே போயிருக்கிறார்கள். மக்களின் நிலையை, மாநிலத்தின் நிலையை அவர்கள் சொல்லியும் ஒரு தீர்மானமான முடிவில்லாமல் அரைகுறையாய் கிளம்பிவிட்டாராம் அம்பிகாசோனி. எஸ்.சி.வியோ, ஆப்பரேடர்களின் தலைவர்களோ அங்கே செல்லவில்லை. என்ன கொடுமைடா.. இது சிக்னல் கொடுத்துக் கொண்டிருக்க கூடிய எம்.எஸ்.ஓக்கள் போகவில்லை. கேள்வி கேட்க்க்கூடிய சங்க நிர்வாகிகள் போக வில்லை. இன்னமும் ஆரம்பிக்கவே ஆரம்பிக்காத ரெண்டு நிறுவன்ங்கள் போய் டைம் கேட்டால் என்ன நினைத்து பதில் சொல்வார்கள் என்றே தெரியவில்லை. ஆனால் இன்னமும் ஏதாவது நடக்கும் என்று எதிர்பார்த்துக் கொண்டுதானிருக்கிறார்கள் ஆப்பரேட்டர்கள்.

சரி கட்டாகிவிட்டாலும் தாமே ஒரு முப்பது சேனல் கண்ட்ரோல் ரூமை அமைத்துக் கொண்டு உடனடியாய் அனலாக் நெட்வொர்க்கை ஆரம்பிக்க நினைத்தால் அது சட்டப்படி குற்றம். சரி சட்ட்ட்தை விடுங்கள். அப்படி உடனடியாய் ஆரம்பித்து நட்த்த முடியுமென்றாலும் அடுத்த நிலை என்ன? என்பது பெரிய கேள்விக்குறியாகவே இருக்கிறது. வரப் போகிறதா இல்லியா என்ற நிலையை தெளிவாக இன்னும் இரண்டு நாட்களுக்குள் தெரியாவிடில் சென்னையின் அப்பரேட்டர் இனமே குழப்பத்தின் உச்சியில் மண்டையைப் பிய்த்துக் கொண்டு நடுத்தெருவில் நிற்பது நிஜம்.  இதில் காமெடி என்னவென்றால் கொல்கத்தா, டெல்லி ஆகிய மாநிலங்களிலும் அவரவர்கள் உடனடியாய் இம்பளிமெண்ட் செய்ய முடியாது என்று டயம் கேட்டிருக்க. அவர்களுக்கும் அதே பதில்தான். ஆனால் அவர்கள் அங்கே உடனடியாய் அமல் செய்ய மாட்டார்கள். அதற்கு காரணம் அரசு அவர்களுக்கு கொடுக்கும் ஆதரவு ஆனால் இங்கே ப்ரச்சனை ஆப் செய்தால் உடனடியாய் இருக்கும் பாக்ஸுகளை வைத்து இம்ப்ளிமெண்ட் செய்யலாம். ஆனால் தொடர்ந்து செயல்பட அரசு ஆதரவு இருக்குமா என்ற பயம் ஆப்பரேட்டர்களூக்கு. கடைசி செய்தியாய் சென்ற வாரம் மினிஸ்ட்ரியிடம் நான்கு அரசு நிர்வாகிகளும் ஒரே நாளில் சுமார் ஒன்னரை கோடி டிவிக்களுக்கு சிக்னல் இல்லாமல் போய் அதனால் ஏற்படப்போகும் சட்ட ஒழுங்கு பிரச்சனைகளை ஏன் தேவையில்லாமல் இழுத்து வைத்துக் கொள்ள வேண்டும் என்றும், அதனால் நிச்சயம் எக்ஸ்டென்ஷன் வேண்டுமென்றும் சொல்லிவிட்டார்கள். அரசும் இன்னும் ஒரு வாரத்தில் பதில் சொல்வதாய் சொல்லிவிட்டு போயிருக்கிறது. இந்நிலையில் சென்னையில் இன்று காலையில் மத்திய அரசை நேரம் நீட்டிப்புக்காகவும், அடிப்படை பணத்தை அப்படியே ஆப்பரேட்டர்களுக்கு வரும் படியான மாற்றம் செய்ய வேண்டுமென்று இன்று ஆர்ப்பாட்டம் நடக்கவிருக்கிறது. மத்திய அரசின் ட்ராய் உட்டாலக்கடியைப் பற்றி அடுத்து பார்ப்போம்.

கேபிள் சங்கர்

---

Post a Comment