தமிழ் சினிமா ரிப்போர்ட் - மே 2012

ஏப்ரல் மாத சூப்பர் ஹிட் மட்டுமல்லாமல், இது வரை வந்த படங்களில் ளில் சூப்பர் ஹிட்டான ஒரே படம் ஒரு கல் ஒரு கண்ணாடி அமைந்தது. சுமார் நாற்பது கோடிகளுக்கு மேல் வசூலித்தது. பெரும்பாலான விநியோகஸ்தர்கள் பெரும் லாபம் சம்பாதித்திருக்க தமிழ் சினிமாவிற்கு ஆக்ஸிஜன் கொடுத்தது போல் ஆனது. கொலைவெறி பாடல் மூலம் உலகையே திரும்பிப் பார்க்க வைத்த 3 படம்  தோல்வியை தழுவியது திரையுலகத்தினருக்கு அதிர்ச்சியே.



வழக்கு எண் 18/9
பத்திரிக்கையாளர்களாலும், விமர்சகர்களாலும் பெரிதும் பாராட்டப்பட்ட படம்.  பாலாஜி சக்திவேல் கல்லூரிக்கு பிறகு நான்கு வருட இடைவெளி என்று நினைக்கிறேன் அதன் பிறகு சின்ன பட்ஜெட்டில் கேனான் 5டியில் எடுக்கப்பட்டது. மல்ட்டிப்ளெக்ஸிலும் சில ஏ செண்டர்களிலும் ஓடிய இப்படம். மற்ற ஏரியாக்களில் ஓடவில்லை என்பது வருத்தமே.  சுமார் நான்கு கோடிகள் செலவு செய்யப்பட்டு தயாரிக்கப்பட்ட இந்த படத்தை முன்பு யுடிவி வாங்கியிருந்ததாக சொல்லப்பட்டு, கடைசி நேரங்களில் யுடிவி அதிலிருந்து விலகிக் கொண்டதாய் செய்தி. ஒன்லி கிரிட்டிக்கல் அக்ளெயிம் தான்.


கலகலப்பு @ மசாலா கஃபே

நீண்ட நாள் கழித்து சுந்தர்.சியின் இயக்கத்தில் வெளிவந்த படம். தமிழ் சினிமாவின் அடுத்த ஜாக்பாட் என்றே சொல்ல வேண்டும். ஒரு கல் ஒரு கண்ணாடியைத் தொடர்ந்து மீண்டும் ஒரு காமெடிபடம் தமிழகம் எங்கும் சக்கைப் போடு போட்டது. சுமார் 3 கோடிக்கு த்யாரிக்கப்பட்டு, ஐந்தரை கோடிக்கு யுடிவி வாங்கி சுமார் ஒன்பது கோடிக்கு எல்லா ஏரியாக்களும் விற்பனையாகிவிட, இதைத்தவிர சேட்டிலைட், எப்.எம்.எஸ் என்று தனியே யுடிவி கல்லா கட்ட, விநியோகஸ்தர்கள் கலெக்‌ஷனாய் சுமார் 25 கோடியை வசூல் செய்து இந்த வருடத்தின் இரண்டாவது சூப்பர் ஹிட் படமாய் அமைந்தது.  என்னைப் பொறுத்தவரையில் யுடிவியின் நிஜ வெற்றிப் படம் இதுவே.


ராட்டினம்
படம் வெளியாவதற்கு முன்னமே தமிழ் திரையில் உள்ள அத்துனை இயக்குனர்கள், தயாரிப்பாளர்களால் புகழப்பட்டு, விலைக்குப் போன படம். சுமார் என்பது லட்சங்களில் தயாரிக்கபப்ட்ட இந்தப்படத்தை 90 லட்சத்திற்கு எஸ்கேப் ஆர்டிஸ்ட் மதன் வாங்கி, வேந்தர் மூவிஸ் மூலமாய் வெளியிட்டார்கள். சாட்டிலைட் உரிமம் மட்டுமே 90 லட்சங்களுக்கு மேல் விற்றிருக்கிறது என்கிறார்கள். தயாரிப்பாளருக்கும், வாங்கிய மதனுக்கும் லாபகரமாய் அமைந்த இந்த படம், ரிலீஸ் செய்த விநியோகஸ்தர்களுக்கு லாபகரமாய் அமையவில்லை. எல்லாராலும் சிலாகிக்கப் பட்ட இந்தப்படம் வசூல் ரீதியாய் எந்தவிதமான் இம்பாக்டையும் ஏற்படுத்தவில்லை  என்பது  ஏன் என்ற ஒரு கேள்விக்குறி சினிமா சம்பந்தப்ப்ட்ட ஆட்க்ளூக்கு இருக்கத்தான் செய்கிறது.


இஷ்டம்
கலகலப்புக்கு பிற்கு விமல் தனியாய் நடித்து வெளிவந்த படம். மிடில் க்ளாஸ் கிராமத்து இளைஞனாய் வலம் வந்து கொண்டிருந்த விமலுக்கு அல்டிமேட் சிட்டி செண்ட்ரிக் இளைஞனாய் அவரால் கொஞ்சம் கூட செட்டாக முடியவில்லை. படம் தெலுங்கில் மிக பெரிய ஹிட். ஆனால் தமிழில் சுத்த மான் ஒரு படு தோல்விப் படம்.


இப்படங்களைத் தவிர மேலும் பல சின்னப் படங்கள் வழக்கம் போல வெளிவது வந்த சுவடே தெரியாமல் போனது. 


மே மாத சூப்பர் ஹிட் : கலகலப்பு @ மசாலாகஃபே