Cocktail

இந்தியில் இம்மாதிரியான ரோம் - காம் வகை படங்கள் நிறைய வந்திருந்தாலும் இப்படத்தின் ட்ரைலர் எனக்கு கொஞ்சம் இம்பரசிவாக இருந்ததால் பார்க்க தூண்டியது. முக்கியமாய் தீபிகாவின் கேரக்டர். ஸோ.. லெட்ஸ் கோ டூ காக்டெயில்

பார்க்கிற பெண்களையெல்லாம் ப்ளிரிட் செய்து கவிழ்த்து ஜாலி செய்யும் சாப்ட்வேர் இளைஞ(ன்)ர் கவுதம். பெற்றோர்களின் புறக்கணிப்பால் குடி, கும்மாளம், ஆட்டம்பாட்டம், பார்ட்டி என்றலையும் வெரோனிக்கா, காதல் கணவனை தேடி லண்டன் வந்து அவனால் புறக்கணிக்கப்பட்டு, இருக்க இடம் இல்லாமல் வெரோனிக்காவின் பாதுகாப்பில் வந்து செட்டிலாகும் டிபிக்கல் இந்திய பெண் மீரா. இவர்கள் மூவருக்குமிடையே நடக்கும் காதல் ஆட்டம் தான் இந்த காக்டெயில்.

சாதாரணமாக என்னதான் பார்ட்டிக்கு போகும் பெண் என்றால் இந்தியர்களிடையே ஒரு மாற்று மரியாதை கம்மி என்பது போன்ற பொது புத்திக் காரணங்களால் அவள் ஏன் குடிக்கிறாள் என்பதற்கு பெற்றோரின் புறக்கணிப்பு என்ற ஒர் உபதகவலைச் சொல்லி நியாயப்படுத்தியிருக்கிறார்கள். தீபீகா இஸ் ராவிஷிங் ஆஸ் வெரோனிக்கா, செம பர்பாமென்ஸ். பாடி லேங்குவேஜில் ஆகட்டும், கண்கள் மிளிர போதையில் பேசும் போது ஆகட்டும் அருமையாய் உணர்ந்து செய்திருக்கிறார். என்ன பாதி படம் ஆரம்பிக்கும் போதே ப்ளிரிட் பார்ட்டியான கவுதம் நிச்சயம் ட்ரெடிஷனல் மீராவை காதலிப்பார் என்றும், அவரை வெரோனிக்கா காதலிப்பாள் என்றும் முடிவில் இவர்களை வெரோனிக்கா தான் சேர்த்து வைக்கப் போகிறாள் என்பது முதல் காட்சியிலேயே தெரிந்து விடுவதால் சுவாரஸ்யம் கொஞ்சம் குறைவாகவே இருக்கிறது. 

மீராவாக டயனா பிண்டி. டிபிக்கல் சதி சாவித்திரியாய் காட்டப்பட்டு,  பின்பு லண்டன் வாழ்க்கைக்கு தன்னை மாற்றிக் கொண்டு , தோழியின் காதலினால் தன் காதலை தியாகம் செய்யும் அளவிற்கு  உருகும் டிபிக்கல் கேரக்டர். சில இடங்களில் ஆங்காங்கே க்யூட்டான நிகழ்வுகளின் போது இம்ப்ரசிவாக இருக்கிறார். 

சாயிப் அலிகானுக்கு இம்மாதிரியான கேரக்டர்களை இதற்கு முன் ஏற்கனவே செய்திருக்கிறார் என்பதால் இதில் ஏதும் ஸ்பெஷலாய் தெரியவில்லை. சொல்லப் போனால் இதை விட பெட்டராகவே அப்படங்களில் செய்திருப்பார். 

இவரது கேரக்டரை பல பெண்களுடன் சல்லாபிப்பவர் என்பதை அவர்களுடனான உறவுக் காட்சிகளே ஏதுமில்லாமல் காட்டி, அவரை நல்லபையன் என்று இரண்டு பெண்கள் பாராட்டி பேசும் காட்சிகளும், பார்ட்டிகளில் வேண்டுமென்றே இளைஞர்களின் கைகளை தன்னுடய பஸ்டிலும், பின்பக்கத்திலும் எடுத்து வைத்துக் கொள்ளும் அளவிற்கான சுதந்திர உள்ளம் கொண்டவளின் கேரக்டரை, பின்பு ஒரே வீட்டில் இருவரும் இரவு தங்கி இருந்தார்கள் என்று சொல்லிவிட்டு, அவர்களுடய உடல் சார்ந்த உறவுகளைப் பற்றி பெரிதாய் பிரஸ்தாபிக்காமல் அப்படியே மேலோட்டமாய் போனதால் கதைக்கு  கிடைக்க வேண்டிய அழுத்தம் கிடைக்காமல் போய் பல சமயம் அட சீக்கிரம் முடிங்கப்பா.. என்று புலம்ப வைத்திருக்கிறார் இயக்குனர் ஹோமி அடஞ்சானி. பீயிங் சைரஸ் படத்தின் மூலமாய் கவனிக்கப்பட்டவர். 

இம்மாதிரியான் கதைகளில் ட்ரெடிஷனல் மாமா, மிக ட்ரெடிஷனலான இந்திய அம்மா, அவர்களுக்கு பயந்து  தான் திருமணம் செய்யப் போகும் பெண் இவள்தான் என்று மீராவை நடிக்க சொல்வது போன்ற நாடகத்தனங்கள் படம் நெடுக வந்து இருக்கிற ப்ளோவையும் கெடுக்கிறது. அதுவும் டிம்பிள் கபாடியாவை இந்த வயதில் ஸ்கீரினில் பார்க்கும் போது மனசெல்லாம் வலிக்கிறது. சகிக்கலை. இந்தியாவையே பாபியில் தன் காலடியில் மயங்க வைத்தவரா? என்ற கேள்வி ஓடிக் கொண்டேயிருந்தது. காக்டெயில் விஷுவலி

---

Post a Comment