55 லட்சம் ஹிட்ஸுகளை வாரி வழங்கி தொடர்ந்து ஆதரவளித்து அன்பு செலுத்திவரும் நண்பர்கள், வாசகர்கள், சக பதிவர்கள் அனைவருக்கும் என் கோடானு கோடி நன்றிகள் -கேபிள் சங்கர்
தவறான நடத்தையுள்ள தாய், அதை தெரிந்து மனம் உடைந்து தூக்குப் போட்டு இறக்கும் தந்தை. அதனால் மனம்நலம் பாதிக்கப்பட்ட மகன். அவன் காதலில் விழுவதும், அவள் பின்னால் அப்செஷனோடு அலைவதும் அதனால் ஏற்படும் ப்ரச்சனைகள் தான் கதை. குணா படத்தை மீண்டும் பர்மிஷன் இல்லாமல் ரீமேக் செய்திருக்கிறார்கள். கொஞ்சமே கொஞ்சம் மனநலப்ரச்சனை வித்யாசத்தோடு.
சத்யேந்திரன். தமிழ் சினிமாவில் வெறும் பைத்தியக்காரனாய், பிச்சைக்காரனாய் மட்டுமே வகைப்படுத்தப்பட்டு குறைவாய் மதிப்பிடப்பட்டிருக்கும் அதி திறமையான நடிகர். இந்தப் படத்திலும் அவருக்கு பைத்தியக்காரன் கேரக்டர்தான் என்றாலும், ஜாக்கி எனும் அக்கேரக்டரை இவரை விட சிறப்பாய் யாரும் நடித்திருக்க முடியாது என்றே சொல்ல வேண்டும். இவரின் டயலாக் டெலிவரியில் அவ்வப்போது ‘காதல் வாழ்க’ எறு சொல்வதும், அவ்வப்போது வாழ்வியல் தத்துவங்களையும், காதலைப் பற்றியும் லெக்சர் அடிப்பது எரிச்சலானதாய் இருந்தாலும் அது இயக்குனர் சொல்லச் சொல்லி சொன்னது என்பதால் மன்னிக்கப்பட வேண்டிய விஷயம். சத்யேந்திரன் உங்களின் நடிப்புக்கு என் வாழ்த்துகள்.
சக்தியின் ஒளிப்பதிவு நச்சென இருக்கிறது. குறிப்பாய் மாடு போல சிலிர்த்தெழுந்து முட்டி சண்டையிடும் காட்சியில் ஒளிப்பதிவாளரும், எடிட்டரும், சிஜி செய்தவரும் பாராட்டுக்குரியவர்கள். பாடல்களைப் பற்றியோ பின்னணியிசையைப் பற்றியே சொல்ல ஏதுமில்லை.
எழுதி இயக்கியவர் பன்னீர் செல்வம்.முதல் படத்தில் பெற்ற பெயரை இரண்டாவது படத்தில் கோட்டை விட்டிருக்கிறார் என்றே சொல்ல வேண்டும். குணா படத்தின் ரிப்ளிக்காவான கதை, ரோகிணிக்கு எதற்காக ஹீரோவின் மேல் அன்பு வர வேண்டும்?. என்னதான் அமமா தவறான வழியில் போகிறவளாய் இருந்தாலும், ஏன் அவள் தன் மகன் மீது பாசம் காட்ட மறுக்கிறாள்? காய்த்ரிக்கும் ஜானிக்குமிடையேயான காதலில் அழுத்தமில்லாதது. அந்த போலீஸ் இன்ஸ்பெக்டருக்கு ஜானியின் மேல் ஏன் அவ்வளவு வன்மம்? இந்த கொதிக்கிற சென்னையில் ஜெர்க்கின் போட்டு, தலையில் முழுக்க, மறைக்கும் குரங்கு குல்லாவை ஏன் போட்டுக் கொண்டிருக்கிறான்? க்ளைமாக்ஸில் ஹீரோயின் குல்லாவை திறக்க, அதிலிருந்து வவ்வால், குரங்கு, புறா பூச்சி எல்லாம் வருமென்று நினைத்திருந்தேன். குணாவில் கூட கொடைக்கானல் போன பின்புதான் கமல் போட்டுக் கொள்வார். ஜானியின் சின்ன வயசிலேயே கள்ளக்காதல் வைத்திருக்கும் அம்மா யுவராணி அப்பா செத்த உடனேயே காதலுடன் லிவிங் டுகெதரில் இருந்திருக்கலாமே? ஏன் இடைவேளையின்போது தான் வீட்டிற்கு கூட்டி வருகிறார்?. அதுவும் பத்து பதினைந்து வருஷத்திற்கு பிறகு? ஜானியின் அப்பாவைத் தவிர, சுமார் பதினைந்து வ்ருடங்கள் ஒருவருடனே தொடர்பு வைத்திருக்கும் அம்மாவை பற்றி ஏதும் பெரிய தவறாய் அழுத்தமாய் காட்டாமல் விட்டது. நல்ல கருகரு அழகனாய் இருக்கும் அப்பாவிற்கு செவ செவ அம்மா இதை வைத்தே அவர்களுக்குண்டான ப்ரச்சனையை சொல்லியிருக்கலாம். அதை விட கொடுமையாய் முதல் காட்சியில் கை உடைந்து தொட்டில் கட்டி பேட்டி கொடுக்கும் இன்ஸ்பெக்டர் அடுத்த காட்சியில் ஜீப்பில் சேஸ் செய்வது. போன்ற பல அபத்தங்கள் கேள்விகளாய் படம் முழுக்க தொடர்வதால் முழுவதுமாய் ஒன்ற முடியவில்லை.
கேபிள் சங்கர்
Post a Comment
10 comments:
ரேணிகுண்டாவும் நல்லா போகலையா?
by
TamilNenjam
Nice review
nice review
Visit my blog and put your feedback
http://rajaavinpaarvayil.blogspot.com/
படம் உங்களையும் வெறுப்பேற்றியிருக்கிறது என்று நன்றாகவே தெரிகிறது ... நல்ல விமர்சனம் ..
" சத்யேந்திரன் உங்களின் நடிப்புக்கு என் வாழ்த்துகள். "
நீங்களும் உத அண்ணன் மட்டுமே
அவரை உணர்ந்து பாராட்டி உள்ளீர்கள் . .
நன்றி . .
good reviw
good review
இந்த தேசம் உருப்படுமா ?
பாடல்கள் அத்தனையும் சொல்லும்படி இல்லை என்று சொல்லிவிட முடியாது கேபிள் சங்கர். எந்த தியேட்டரில் பார்த்தீர்கள் என்று தெரியவில்லை... திருநங்கை சம்பந்தமான பாடல்களும் எனக்காக என்ற பாடலும் ரசிக்கும்படியாகவே இருக்கின்றது.... பாடல் உறுத்தாமல் இருக்கின்றது...
காதல் காட்சிகளில் அழுத்தம் இல்லை ஒத்துக்கொள்ளலாம்... ஆனால் படம் பெட்டர் லக் சொல்லும்படியாக மோசமாக ஒன்றும் இல்லை. பார்க்கலாம் ரகத்தில் உள்ள வித்தியாசமான கதைதான்...
actually i like the songs very much. all songs are good. And the actor sathyendran really done a better work. and to criticize the film OMG i am extremely sorry..
Post a Comment