என்னத்தை சொல்ல...?

போன் ஒலித்தது. வெளிநாட்டு நம்பர். வண்டி ஓட்டிக் கொண்டிருந்தேன். “ஒரு பத்து நிமிஷம் கழிச்சு பண்றீங்களா?” என்று யார் என்று கூட கேட்காமல் சொன்னேன். லைன் உடன் கட்டானது. பல சமயங்களில் இம்மாதிரி சொல்லும் போது அதை கவனிக்காமலோ, அல்லது நாம் போன் பண்ணியாச்சு பேசித்தான் ஆகணும் என்ற எண்ணத்தில் அவர்களைப் பற்றி பேச ஆரம்பித்துவிடுவார்கள். ஆனால் இவர் அப்படியல்ல. சரியாய் பத்து நிமிடம் கழித்து கூப்பிட்டார்.

“வணக்கம்ணே.. என் பேரு “ என்று பேரைச் சொல்லி  துபாயிலிருந்து அழைப்பதாய் சொன்னார். 

“உங்க பதிவை பல வருஷமா தொடர்ந்து படிச்சிட்டு வர்றேண்ணே.. உங்க பதிவ படிக்கலைன்னா தூக்கமே வர்றது கிடையாது.”

”நன்றிங்க”

“ஆனா பாருங்க சமீப காலமா நீங்க ஒரு சாராரைப் பற்றி தவறான தகவல்களை சொல்லிட்டு இருக்கீங்க?”

“அப்படியா? யாரைப் பத்தின்ணே?”

“விஸ்வரூபம் பத்தி நீங்க எழுதும் போது இஸ்லாமியர்களை கேவலப்படுத்தி எழுதுறீங்க? அது தாண்ணே ஏன்னு புரியலை”

“இல்லையேண்ணே.. அப்படி எதும் எழுதினதா தெரியலை”

”இல்லேண்ணே.. இஸ்லாமியர்கள் என்றால் தீவிரவாதிகள்தானா? வேற யாரையும் தீவிரவாதியா காட்ட மாட்டீங்களா? அப்படி விஸ்வரூபத்துல காட்டினது தப்புத்தாண்ணே”

“ஏங்க இந்தப்படத்தை நீங்க பாத்தீங்களா?”

“இல்லை”

“அப்ப பாக்காம ஏன் இப்படி பேசுறீங்க?”

“அதுல குரானை அவமானப்படுத்தியிருக்காங்க, இது நியாயமே இல்லை”

“இந்தப்படம் அமெரிக்க தலிபான்கள் பற்றிய படம். ஆஃப்கானிஸ்தான்ல முஸ்லிம்ங்கள்தான் இருக்காங்க. அங்க போய் கிறிஸ்டியனையா காட்ட முடியும்?”

“ நமக்கு சம்பந்தமில்லாததை ஏன் படமா எடுக்கணும்? அப்ப வேணும்னே தானே அவரு எடுத்துருக்காரு..’

"ஏங்க ஒரு கதாசிரியனோட இஷ்டம் இல்லையா?”

“அப்ப முஸ்லிம்மை தீவிரவாதியா காட்டக்கூடாது இல்லை.”

“அவரு எங்கங்கங்க காட்டுனாரு.. அதுல தலிபான்களோட நியாயத்தைப் பத்திக்கூட பேசியிருக்காரு. நியாயமா பார்த்தா அமெரிக்காவுலதான் படத்தை தடை செய்யணும். இந்திய முஸ்லிம்களைப் பத்தியோ, அல்லது தமிழக முஸ்லிம்களைப் பத்தியோ ஏதும் இலலிங்க”

“அப்ப முல்லா உமர் கோவைக்கு வந்ததா சொன்னது?”

“தெலுங்குல காக்கிநாடாவுக்கு வந்ததா சொல்லியிருக்காங்க. அங்க யாரும் கேக்கலை?”

”அவனுங்க கேக்கலைன்னா என்ன நாங்க கேட்போம். இஸ்லாத்தை நம்புறவன் குரானை உயிரா மதிக்கிறவன்  யாராயிருந்தாலும் கேட்பாங்க”

“ஏங்க.. தமிழ்ல படம் வரும் போது வில்லன் தமிழ் பேசணுங்கிறதுக்காகக்கூட சொல்லியிருக்கலாம். சில பல லாஜிக்கு மேட்டர்காக வச்சிருக்காங்கண்ணே”

“அப்படி காட்டக்கூடாது இல்லை. அதும் குரானை படிச்சிட்டு ஒருத்தன் பாம் வைக்கிறான்னா.”

”ஏங்க அன்பே சிவம் படத்துல நாசர் கேரக்டரை ஒர் சிவ பக்தனா காட்டி, எப்ப பார்த்தாலும் ‘தென்னாடுடைய சிவனே போற்றி”ன்னு சொல்லுறாப்போலக் காட்டி, அவர் தான் பின்னாடி மக்கள் விரோத சக்தியா காட்டுவாங்க.. ஒரு கேரக்டரை அப்படித்தானே விவரிக்க முடியும். என் தெரிந்த முஸ்லிம் ஒருவர்.  மிக அன்பானவர். குரானை உயிரா மதிக்கிறவர். குடும்பத்தை கண்ணைப் போல காக்குறவர். ஆனா அவர் செய்யுறது எல்லாமே நம்ப்ர் டூ பிஸினெஸ். இப்ப நான் அவரை ஒர் கேரக்டரா காட்டனூம்னா.. அவர் வீட்டுல எப்படி? வெளியில எப்படி?ன்னு ஒண்ணொன்னா காட்டித்தானே அவரோட பின்புலத்தை காட்ட முடியும். நீங்க என்ன சொல்றீங்க.. அவர் முஸ்லிம்னு சொல்லகூடாதுங்கிறீங்க. அவர் குரானை ஓதறத காட்டக்கூடாதுங்கிறீங்க.. பின்ன எப்படிங்க ஒரு கேரக்டரை பிரிஸ்க்ரைப் பண்றது? வேணும்னா சரி.. அந்த வசனத்தை எடுத்துருங்கன்னு கூட சொல்லலாம் படத்தையே தடை செய்யணும்னு சொல்றது எல்லாம் ஓவர்ல்ல”

‘இஸ்லாம் அன்பையே போதிக்கும் மதம்”

“நான் இல்லேங்கலையே.?”

“அப்ப நாளைக்கு உங்க பதிவுல படத்தை தடை செய்தது நியாயம்னு சொல்லுங்க”

“நியாயமே இல்லிங்களே.. தலிபான்களைப் பத்தி படத்துக்கு உங்களுக்கு ஏன் கோவம் வரணும். அப்ப நீங்க தலிபானை ஆதரிக்கிறீங்களா?”

”இஸ்லாம் அன்பை மட்டுமே போதிக்கும் மதம்ங்க. குரான் எங்க உயிருக்கும் மேலான ஒன்று”

“ஒலகத்துல இருக்கிற முஸ்லிம் எல்லோருக்கும் தப்பா தெரியாதது உங்களூக்கு மட்டும் தப்பாதெரியமாதிரி அடிப்படைவாதம் பேச சொல்லிக் கொடுத்திருக்காங்கன்னு தெரியுது. ஒரு விஷயம்ங்க.. உங்களை கருவியாக்குறாங்க.. பார்த்து யோசிச்சு பண்ணுங்க”

“இஸ்லாம் அன்பை மட்டுமே போதிக்கும் மதம்ங்க. குரான் எங்க உயிருக்கும் மேலானது.”

”வர வர பெந்தகொஸ்தே ஆளுங்க  மாதிரி பேச ஆரம்பிக்கிறீங்க”

“இல்லிங்க எங்க் மதம் எவ்வளவு அன்பை போதிக்குதுன்னு சொல்ல வர்றேன். இப்ப கூட உங்க வாழ்க்கைக்கு பிறகு நீங்க சொர்கத்தை அடையணுங்கிறதுக்காகத்தான் பேசுறேன்.”

”நான் வாழ்ற வாழ்கையே எனக்கு சொர்க்கம்தான்”

“அப்படியில்லை. உங்களூக்கு புரியலை.. குரானை புரிய வரும் போது, எங்க நியாயம் புரியும்.கமல் இந்தபடத்த எடுத்தது தப்பு.

“அப்ப தீவிரவாதியா, வில்லனா ஒரு முஸ்லிமை காட்டவேகூடாதுங்கிறீங்களா?”

“அப்படி சொல்லைங்க.. ஏன் முஸ்லிமை மட்டும் காட்டுறீங்கனு கேக்குறேன்.’

”இந்த கதை தலிபான்களைப் பற்றியது. அப்ப அவங்களை காட்டக்கூடாதா? அப்ப நீங்க தலிபானை ஆதரிக்கிறீங்களா?”

“ஏன் அவங்களை ஆதரிச்சா என்ன தப்பு?”

“அவங்க எல்லாம் தீவிரவாதிங்க. அடிப்படைவாதிங்க.. இதை உங்க மதத்து ஆள்களே சொல்லியிருககாங்க. ஒலகமே சொல்லுங்க “

“இது அமெரிக்கா புகட்டி வைச்சிருக்கிற விஷயங்க.அவங்க விடுதலை போராட்டம் நடத்துறாங்க..”

“அன்பை மட்டுமே போதிக்குற உங்க மதத்துல, எல்லாருக்கும் கல்வி அறிவு கொடுக்கப்பட வேண்டுமென்று நீங்க உயிரா மதிக்குற குரான்ல சொல்லியிர்க்கு, ஆனா தலிபான்கள் பாகிஸ்தான்ல  மலேலங்கிற பொண்ணு எல்லாருக்கும் படிக்கும் வாய்ப்பை கொடுக்கணும்னு சொன்னதுக்காக, துப்பாக்கியால சல்லடையா துளைச்ச போது எங்க போனீங்க உங்க அமைப்பும் ஜமாத் எல்லாம். மொக்கை மேட்டருக்கெல்லாம் மிரட்டல் விடுறத விட்டுட்டு இம்மாதிரியான உங்க சமுகத்துல நடக்குற அவலங்களை அடிப்படைவாதிகளின் அட்டூழியங்களை தட்டிக் கேளூங்க.. உலகமே உங்களை மதிக்கும். தைரியமிருந்தா தலிபானை தடை செய்யணும்னு சொல்லிப் பாருங்களேன். சொல்றவங்களுக்கு பத்வா கொடுத்துருவாங்கன்னு பயமா?”

“எப்படி இருந்தாலும் முஸ்லிம்களை அப்படி காட்டியிருக்க கூடாதுங்க.. குரான் ஓதிட்டு கழுத்தறுக்கிறா போல எல்லாம் எப்ப்டி காட்டலாம்?”

“நீங்க உங்க ஆளுங்க அனுப்புற வீடியோவ பார்த்ததேயில்லையா? அல்ஜிரா டிவின்னு ஒன்னுல எத்தனை முறை வீடியோ போட்டிருக்காங்க தெரியுமா/”

“அப்படியா நான் பார்த்ததேயில்லைங்க..”

”இப்ப என்ன சொல்ல வர்றீங்க? ஓசாமா பின் லேடன் தீவிரவாதியா இல்லையா? 

“......”

“உங்களைத்தான் கேக்குறேன் அவர் தீவிரவாதியா இல்லையா?”

“தெரியலைங்க..:”

“எப்படி சொல்றீங்க?

“இதுவரைக்கு ப்ரூப் ஏதுமில்லைங்க. ஒசாமாங்கிறதே அமெரிக்கா உருவாக்குன பிம்பம்.”

முட்டாள்களுடன் பேசி புரிய வைக்க முயற்சிப்பதை விட அடி முட்டாள் தனம் ஏதுமில்லை என்று எல்லா மத நூல்களிலும் சொல்லியிருப்பதால், அவற்றையெல்லாம் உயிராய் நானும் மதிப்பதால்  அமைதியாய் தொடர்பை துண்டிப்பது மேல் என்று முடிவெடுத்து போனை கட் செய்தேன்.  நிஜமாவே இவங்களை மாதிரி ஆளுங்களுக்கு அவங்கள்ல ஒரு பெரியார் தேவைன்னு தோணுது.