சாப்பாட்டுக்கடை - Grill Box

 பார்பக்யூ நேஷனுக்கு போட்டியாய் அதே ஏரியாவில் ஒர் அவர்களின் சிக்னேசர் ஸ்டைலில் உணவு என விளம்பரம் பார்த்ததும் ஆர்வமானது. விலை வேறு அவர்களோடு கம்பேர் செய்து பார்த்த போது கொஞ்சம் சகாயமாய் இருந்தது வேறு பசியை கிண்டியது. ராகவய்யா ரோட்டில் எங்கே என்று யோசித்துக் கொண்டிருந்த போது சில வருடங்களாய் அங்கே நடந்து கொண்டிருந்த ஒர் கிரில் பேஸ்ட் ஓட்டலைத்தான் இவர்கள் மாற்றியமைத்து ஆரம்பித்திருக்கிறார்கள் என்று தெரிந்தது.

உள்ளே சென்றதும், வழக்கம் போல ஒர் வட மாநில பெண் ஒருத்தி அரைகுறை ஆங்கிலத்தில் காலியாய் இருந்த ரெஸ்டாரண்டுக்கு இங்கே தான் டேபிள் புக் செய்ய வேண்டுமென்றாள். பெயர் சொல்லி, உள்ளே அழைத்துச் சென்றாள். ஒவ்வொரு டேபிளின் மேலும் ஒர் லேட்டஸ்ட் புகைப் போக்கி அமைத்திருந்ததும், நட்ட நடு ஹாலில் பார்பக்யூ செய்யும் சமையல் அறையை வைத்திருந்ததும், அதனைச் சுற்றி பஃபே அயிட்டங்களை பரப்பியிருந்தார்கள்.  எனக்கென்று ஒர் தனி 2 டேபிள் சேரை தெரிந்தெடுத்து  அமரச் சொன்னவர்கள் புகை போக்கியை இழுத்து டேபிளின் நட்ட நடுவுக்கு அமைத்தார்கள். உடனடியாய் லைவ் குமுட்டி ஒன்றை டேபிளின் நடுவே அமைத்து அதன் மேல் சிக்கன், எரா, மீன், பன்னீர், உருளைக்கிழங்கு, என அயிட்டங்களை இரும்புக் கம்பியில் குத்தி வாட்டியெடுக்க வசதியாய் குமுட்டியின் நடுவில் அதனை பரப்பி வைத்துவிட்டு போனார்கள். உடன் ஒர் வெல்கம் டிரிங்காய் மாக்டெயில் ஒன்றை தந்தார்கள்.  வெல்கம் ட்ரிங்கின் பெயர் கேட்டபோது வழக்கம் போல மங்கோலியன் அவனுக்கு தெரிந்த இந்தியிலும், ஆங்கிலத்திலும் சொன்ன பெயர் புரியாமல் சரி விடு ஏதோ ஒண்ணு என்று குடித்தேன். நன்றாகவே இருந்தது.

டேபிளில் பர்பக்யூ இல்லாமல் ஸ்மாஸ்ட் உருளைக்கிழங்கு ப்ரை, ஜிஞ்சர் பிஷ் என வரிசைக் கட்டினார்கள். முக்கியமாய் ஆலு டிக்கி அற்புதம். கிரிஸ்பியாய், நல்ல மசாலாவோடு, ஸ்பைசியாய்.. யம்மி. ஸ்டாடர்ஸ் முடித்து பஃபேவுக்கு தாவினேன். வழக்கம் போல நான்கு கிரேவிக்கள், வெஜ்ஜிலும் நான் வெஜ்ஜிலும், ஒர் பிரியாணி, ரைத்தா, என டிபிக்கல் பஃபே அயிட்டங்கள். பிரியாணி கொஞ்சம் ஓகே. நான் ரோட்டிக்கள் வழக்கம் போல். டெசர்ட்டுகள் கொஞ்சம் லிமிட்டடாக இருந்தாலும் வெரைட்டியாய் இருந்தது. பர்பக்யூ நேஷனை விரும்புகிறவர்களுக்கு அதே போன்ற ஜெராக்ஸாய் இன்னொரு உணவகம் அருகிலேயே என்று செல்வதானால் செல்லலாம்.

Grill Box
Ragaviah Road
tnagar.

• கேபிள் சங்கர்

---

Post a Comment