கொத்து பரோட்டா 2.0-14

கொத்து பரோட்டா -2.0-14

செல்வதெல்லாம் உண்மையை கலாய்த்து கலாய்த்தே அதற்கான டி.ஆர்.பியை ஏற்றிவிட்டிருக்க, தமிழ், தெலுங்கு, கன்னடமென எல்லாம் மொழிகளிலும், யாராவது மார்கெட் போன நடிகையை வைத்து இதோ போன்ற ஒரு நிகழ்ச்சி ஒளிபரப்பாக ஆரம்பித்துவிட்டது. குறிப்பாய் மதிய நேர டி.ஆர்.பிக்கு செம்ம போட்டி. இதில் பங்கு பெரும் பெரும்பான்மையானவர்கள் பொருளாதார நிலையில் கீழ் நிலையில் உள்ளோர். ஆரம்ப காலத்தில் நான் கூட ஆட்களை செட் செய்து எடுக்கிறார்கள் என்று நினைத்திருந்தேன். சில ஆண்டுகளுக்கு முன்னால் ஜீ டிவி அலுவலகத்துக்கு போன போதுதான் தெரிந்தது, மக்கள் இந்நிகழ்ச்சியில் கலந்து கொள்வதற்காக அவர்களாகவே முன் வந்து ரிஜிஸ்டர் செய்து கொண்டும், சம்பந்தபட்ட இரண்டு தரப்பும் சேனல் வாசலிலேயே சண்டைப் போட்டுக் கொள்வதையும் நேரில் பார்த்தேன். இம்மாதிரி நிகழ்ச்சிகளின் ஆதார விஷயமே அடல்டரி, செக்ஸ், ரெண்டு பொண்டாட்டி, மூணு புருஷன் என்பது போன்ற உறவு சிக்கல்கள் தான் பெரும்பாலும். எனக்கு பயமே இதைப் பார்க்கும் மக்களின் மனநிலையை பற்றித்தான். ஏற்கனவே எல்லாவிதமான நெகட்டிவ் விஷயங்களை டிவி சீரியலே நம் வீட்டு ஆண்/பெண் மனதில் அழுத்தமாய் ஏற்றி விடப்பட்டிருக்க, இன்னும் அழுத்தமாய் ஊர் உலகத்துல நடக்காதது ஒண்ணுமில்லை என்கிற எண்ணம் மேலோங்கி, எப்படி குடிப்பது எல்லா குடும்பங்களிலும் சகஜமாக எடுத்துக் கொள்ளப்பட்டுவிட்டதோ அது போல எல்லா சமூக குற்றங்களும் சகஜமாக எடுத்துக் கொள்ளப்பட்டுவிடுமே என்கிற பயம் கவ்விக் கொள்கிறது. இதை நடத்தும் நடிகைகளைப் பற்றி பேசிப் பிரயோஜனமில்லை. ஏனென்றால் அது அவர்களின் தொழில். பார்க்கும் மக்களைத்தான் சொல்ல வேண்டும்.  மக்கள் கொண்டாடாத எதுவும் டிவிக்கள் பிரயத்தனப்பட்டு கொடுக்கப் போவதில்லை

@@@@@@@@@@@@@@@@@@@@@@
சென்ற வருடம் வெள்ளத்தில் மூழ்கி தவித்த சென்னை இந்த வருடம் புயலில் சிக்கித் தவித்தது. வெள்ளத்தில் தப்பிய மரங்கள் எல்லாம் புயலில் அடியோடு வீழ்ந்தது. தொலைத் தொடர்பு என்பது பெயரளவில் மட்டுமே தொலைவாக இருந்த டெக்னாலஜி நிஜமாகவே மீண்டும் தொலைவாக ஆனது. தண்ணீரில் மூழ்கிக் கிடந்த நகரம் இந்த வருடம் அணைகளில் உள்ள நீர்மட்டத்தைப் பார்த்து வரும் கோடையில் குடத்தை தூக்கி அலைவதற்கு பதிலாய் புயலோ, வெள்ளமோ வந்தால் கூட பரவாயில்லை நாடாவோ, வரதாவோ வரட்டும் பார்க்கலாம் என்று மனதை தைரியப்படுத்தி எதிர் கொண்டிருந்தது.  நகரில் பசுமை என்பதற்கு பெயர் சொல்லும் இடங்களே இருந்தது. அத்துனை இடங்களும் வேரோடு பெயர்த்தெடுத்துப் போனது இந்த வரதா. சென்னையை புயல் கடந்து வருடங்களானதால் புதிய தலைமுறையினருக்கு செல்ஃபி ஆச்சர்யமாய் போனதும் ஒன்றும் அதிசயமில்லை.  ஊரே கந்தரகோளமாகியிருக்க, வழக்கம் போல மக்கள் தங்களால் முயன்ற உதவிகளை செய்ய பழக்கப்பட்டிருந்தார்கள். அவர்களே கூடி உணவளித்தார்கள். மரங்களை வெட்டினார்கள். சென்ற வெள்ளத்தில் தரையடி நெட்வொர்க் எல்லாமே ஊறிப்போயிருக்க, சில நாட்களில் அப் ஆன ஓவர்ஹெட் ப்ராட்பேண்ட், கேபிள் டிவி நெட்வொர்க்குகள் எல்லாம் துண்டு துண்டாய் போய், செய்வதறியாது திணறிக் கொண்டிருக்க, ஓல்ட் இஸ் கோல்ட் என்பது போல லேண்ட்லைன்கள் உதவியாய் இருந்தது. மார்ச் வரை இலவசம் என்று எக்காளமிட்டிருந்த ஜியோ புயல் வந்த மதியம் முதல் ஊத்திக் கொண்டது. மற்ற நெட்வொர்க்குகள் கேட்கவே வேண்டாம்.  இத்தனை அவஸ்தகளையும் மீறி நாம் இழந்தது சென்னையின் பசுமையை. அதை மீட்டெடுக்க மீண்டும் நகருக்கு தேவையான மரங்களை மீண்டும் நடுவது. எதிர்பார்த்து ஏமாந்தது சென்னையின் குடிநீர் தேவைகளுக்கான அணைகளில் தண்ணீர் தேவைக்கு போதிய அளவில் சேராதது. ஆச்சர்யப்படுத்திய விஷயம் அரசு இயந்திரத்தை மிக லாவகமாய் சுழட்டி விட்ட மந்திரிகளும், அரசு அதிகாரிகளும். ஓயாமல் உணவளித்த அம்மா உணவகங்களும்.

@@@@@@@@@@@@@@@@@@@@@@@@@@@@@@

கொத்து பரோட்டா 2.0-13

கொத்து பரோட்டா 2.0-13

நீர் – நாவல் விநாயக முருகன்

சென்ற வருட டிசம்பர் வெள்ளத்தை சென்னை வாசிகள் யாரும் மறந்திருக்க முடியாது. மறக்கக்கூடிய விஷயமா அது?. அதனால் பாதிக்கப்பட்டவர்களில் பல பேர் தங்களுடய அனுபவங்களை முகநூலிலும், இணைய தளங்களிலும் எழுதி வந்தார்கள். செயற்கையாய் ஏற்படுத்தப்பட்ட இயற்கை  பேரழிவில் பாதிக்கப்பட்டவர்களில் நானும் ஒருவன். அச்சமயத்தில் உயிர்மையில் ஒரு கட்டுரை கூட எழுதினேன்.  இந்த வெள்ளம் பல பேரின் உள்ளக் குமுறலை, ஆதங்கத்தை, தவிப்பை, பல வழிகளில் வெளிக் கொண்டு வந்திருக்க, இதோ இப்போது எழுத்தாளர் விநாயக முருகன் ‘நீர்” என்கிற நாவல் மூலமாய் தன் எண்ணங்களை வடித்திருக்கிறார். மழை ஆரம்பித்ததிலிருந்து, சின்னச் சின்ன விஷயங்களாய் அருகில் உள்ள வீட்டில் உள்ளவர்களின் கேரக்டர்களை அறிமுகப்படுத்தியதில் ஆரம்பித்து, மெயின் ரோட்டின் வழியாய் சாக்கடை தண்ணீரில் போக முடியாமல் பின் பக்கத்து வீட்டு சந்திராவின் வீட்டு காம்பவுண்ட் சுவர் வழியாய் எகிறி குதித்து போவதும், சந்திராவின் கேரக்டர், ஜே.கே, ஆர்.வி, குயில், போன்ற கேரக்டர்கள். தனிமை கொடுக்கும் காமம்.  வெள்ளத்தினால் ஏற்பட்ட உயிர் பயம். அதனால் ஏற்படும் மனக்குழப்பங்கள். நீ எக்கேடு கெட்டாவது போ.. என்று தன்னை விட்டுவிட்டு ஊருக்கு போன மனைவியின் மேலான கோபம். கழிவிரக்கம். சந்திராவின் மீதான காமம், என சுவாரஸ்யமான நடையில் வெள்ளத்தின் பார்க்காதவன் மனதில் பயத்தையும், பதைப்பையும் உருவாக்கும் எழுத்து. என்னை போன்ற பாதிப்படைந்தவர்களுக்கு கிட்டத்தட்ட ரீப் ப்ளே மாதிரியான விஷயம்தான் என்றாலும், சுவாரஸ்யமாய்த்தான் இருந்தது. என்ன வெள்ளம் வடிய ஆரம்பித்ததும், கதை (அ) நிகழ்வின்  போக்கில் உள்ள சுவாரஸ்யமும் வடிந்து, அடிக்கடி கதை நாயகன் என்ன செய்வது என்று தெரியாமல், மொட்டை மாடியில் தம்மடிக்க போவது போல கதையின் முடிவும் ஆனது  வருத்தமே.

@@@@@@@@@@@@@@@@@@@@@@@@

3%- ப்ரேசில் சீரீஸ்

சிட்டி ஆப் காட் படத்தின் ஒளிப்பதிவாளர்  சீசன் கார்லோன் இயக்கியுள்ள புதிய எட்டு எபிசோட் ப்ரேசில் நெட்ப்ளிக்ஸ் சீரிஸ்.  கதை என்று பார்த்தால் நம் சுஜாதா பல வருடங்களுக்கு முன் எழுதிய சொர்க்கத்தீவு நாவலின் ஹைஃபை வர்ஷன் தான். எதிர்காலத்தில் உள்நாட்டில் பசியும் வறுமையுமாய் இருக்க, சுபிட்ச வாழ்வுக்காக ஆஃஷோர் எனும் வேறு இடத்திற்கு சென்றால் சுக வாழ்க்கை வாழ வழியிருக்க, அந்த இண்டர்வியூ போன்ற நிகழ்வுகளில்  கலந்து கொள்ளும் மக்களில் 3 சதவிகித பேர் மட்டுமே தெரிவு செய்யப் படுவார்கள் என்கிற அளவுக்கு கடினமான
போட்டிகள் கொண்ட தேர்வு முறை கொண்டது. அப்படி தெரிவு செய்யப்பட்டு ஆஃப்ஷோர் போகிறவர்கள் எக்காரணம் கொண்டும் திரும்ப வர இயலாது. அப்படிப்பட்ட தேர்வில்  கலந்து கொள்ள ஆயிரக்கணக்கானவர்கள் ஒன்று சேர்கிறார்கள். ஒவ்வொரு லெவலிலும் ஆட்கள் எலிமினேட் செய்யப்பட்டு,  குழு குழுவாய் சேர்க்கப்பட்டு,  அவர்களின் பின் புலம், எதற்காக ஆஃப்ஷோருக்கு ஆசைப்படுகிறார்கள்?. ஆசைப்பட்டு வந்தவர்களில் இரண்டு கேரக்டர்கள் இந்த ஆஃப் ஷோர் சிஸ்டத்தை உடைக்க அனுப்பப்படும் தீவிரவாதிகள். அவர்கள் எப்படி உருவாகிறார்கள். மிக இளைஞர்களான அவர்களுக்குள் நடக்கும் மனப் போராட்டங்கள், துரோகம், காதல், . இந்த தேர்வுகளை நடத்தும் தலைமைப் பொறுப்பில் உள்ள எசேக்யூயலின் கோபம், அவன் வாழ்வின் பின்னணியில் உள்ள ரகசியம். சுபிட்ச வாழ்வு எனும் மாய வார்த்தைக்கு பின் உள்ள வாழ்வியல் இழப்பு. உறவுகள் இல்லா உலகத்தினால் ஏற்படும் மனச்சிதைவு. என பல விஷயங்களை பேசியுள்ள சீரிஸ். கதையில் வரும் பெர்னாண்டோ போன்ற மனதில் அழுக்கில்லாத ஊனமுற்ற கேரக்டர் போல பல சுவாரஸ்ய கேரக்டர்கள் அவர்களின் முரண்கள், தேர்வு முறையில் ஏற்படும் மரணங்கள். என படு சுவாரஸ்யம். மேக்கிங், நடிப்பு, வசனங்கள் என எல்லாமே மிகத்தரம்.  க்ளைமேக்ஸில் தெரிவு செய்யப்படுகிறவர்களை சுத்தீகரிக்கும் லெவல் என்ன?என்பதை அறியும் போதும். ஏன் அப்படி என்று அவர்கள் சொல்லும் காரணம் ஏற்றுக் கொள்ளதக்கதாய் இருந்தாலும் இழப்பு அதிகம் என்பதால் மனம் கனக்கத்தான் செய்கிறது. பார்க்க வேண்டிய சீரிஸ்.

@@@@@@@@@@@@@@@@@@@@@@@@@@@@@

Arrival

Story of your life -Ted Chiang என்பவர் எழுதிய சிறுகதையை தழுவி எடுக்கப்பட்ட, ஏலியன் பற்றிய படம். உலகெங்கும் பன்னிரெண்டு ஏலியன் களங்கள் பூமியிறங்கியிருக்க, உலகமே அல்லோலகல்லோல பட்டுக் கொண்டிருக்கிறது. அவர்களுடன் எப்படி தொடர்பு கொள்வது என்று புரியாமல்.  கதாநாயகி டாக்டர் லூயீஸ்  ஒரு மொழி வல்லுனர். அவரை அழைத்து வந்து ஏலியன்களுடன் பேச வைத்தால் என்ன என்று முயற்சிக்கிறது அமெரிக்க அரசு. 18 மணி நேரத்துக்கு ஒரு முறை திறக்கும் அந்த ஸ்பேஸ்ஷிப்பின் கதவுகள் மூலம் உள்ளே செல்கின்றனர். கொஞ்சம் கொஞ்சமாய் ஏலியன்களுக்கும் மனிதர்களுக்கும் புரிதல் ஏற்பட்டு, இவர்களது பேச்சுக்களுக்கு பதில் சொல்ல ஆரம்பிக்கிறது. ஆனால் எதுவும் புரியவில்லை. காரணம் அவர்களது பதில்கள் மொழியாய் இல்லாமல் படங்கள் போல சைன்களாய் இருக்க, அதற்கான அர்த்தத்தை தேட ஆரம்பிக்கிறார்கள். மொழிவல்லுனரான லூயி அவர்களின் ஒவ்வொரு பதில் படங்களுக்கு இடையே உள்ள வேறுபாட்டை நுணுக்கமாய் ஆராய்ந்து அவர்களது மொழியிலேயே பதில் படங்களை உருவாக்குகிறார்கள். இப்படியாகப் போகிறது கதை. ஏலியன்களின் ஸ்பேஸ்ஷிப் பூமியில் வந்து நிற்கும் காட்சி. முதல் முறையாய் அதனுள் டாக்டர் லூயிஸும் அவர்தம் சகாக்களும் போகுமிடம் ப்ரீத் டேக்கிங்.. அட்டகாசம். கிட்டத்தட்ட ஆல்மோஸ்ட் நாமும் அவர்களுடனே செல்வது போன்ற விஷுவல் அட்டகாசம். மெல்ல கதை அன்போல்ட் ஆக, ஆக, கொஞ்சம் நம்மூர் மாரியாத்தா ஃபீல், பெண், அவளுள் உள்ள மெல்லிய உணர்வுகளால் அவளுக்கும் ஏலியனுக்குமான புரிதல், அடிக்கடி அவளுடன் பேசும் பெண், அதன் மூலமாய் லூயிஸுக்கு கிடைக்கும் விளக்கங்கள் என கொஞ்சம் விஞ்ஞானத்திலிருந்து விலகி ஸூப்பர் நேச்சுரல், செண்டிமெண்டல், ஃப்யூச்சர் என போனாலும் க்ளைமேக்ஸ் ட்விஸ் ஆஸம்.

@@@@@@@@@@@@@@@@@@@@@@@@@@@

ஜெயலலிதாவின் மறைவு தமிழகத்து அரசியலில் ஒர் பெரிய வெற்றிடத்தை உருவாக்கியிருக்கிறது.  திமுக தன் சரிசமமான எதிரியை இழந்திருக்கிறது. அரசு அதிகாரிகள் ஒர் பெரோஷியஸ் முதல்வரை இழந்திருக்கிறார்கள். மக்கள் தங்கள் தைரியத்தை இழந்திருக்கிறார்கள். பத்திரிக்கை மீடியா ஒர் வகையில் சுதந்திரம் அடைந்திருக்கிறது. இத்தனை ஆண்டுகாலம் சசிகலா குடும்பத்தை எந்தவிதத்திலும் விமர்சிக்காத பத்திரிக்கைகள் எல்லாம் ஜெ இறந்த  அடுத்த நாள் சசிகலா அண்ட் கோவை மன்னார்குடி மாஃபியா என்று எழுதுகிறார்கள் என்றால் வேறென்ன சொல்ல?. சிறுவயதிலேயே சினிமாவில் அடியெடித்து அதில் குறுகிய காலத்தில் புகழ் பெற்று தன்னுடய முப்பதுகளிலேயே அதிலிருந்து விலகி, அரசியலில் எம்.ஜி.ஆரால் அறிமுகப்படுத்தப்பட்டவரின் அரசியல் வளர்ச்சி, அவ்வளவு சுலபமாக இருக்கவில்லை. விடாக்கண்டன்களையும், உட்கட்சி கொடாக்கண்டன்களையும் சமாளித்து “யாரைப் பற்றியும், எதைப் பற்றியும் கவலைப்படாத தைரியசாலி” என்ற பிம்பத்தை, ஏற்படுத்தி, தன் கட்சியினரை மட்டுமில்லாமல் மக்களையும் நம்ப வைத்தவர். சசிகலா குடும்பத்தினரின் ஆதிக்கம், அதனால் அடைந்த வீழ்ச்சி, வளர்ப்பு மகன், திருமணம், வீழ்ச்சி, சொத்துக்குவிப்பு வழக்கு, டான்சி ஊழல், ஜெயில், சென்னை வெள்ளத்திற்கான காரணகர்த்தா, எம்.ஜி.ஆருக்கு பிறகான தொடர் வெற்றி என வளைய வந்தவர். வேறொரு அரசியல்வாதிக்கு இத்தனை ப்ரச்சனைகள் வந்திருந்தால் இவ்வளவு அழுத்தமாய், வலிமையாய் கடந்து வந்திருப்பாரா? என்பது சந்தேகமே. தான் ஒரு இரும்பு மனுஷி என்பதை ஒவ்வொரு பிரச்சனையின் போதும் கடந்து தன் பிம்பத்தை நிஜமென நிருபித்தவர். கடைசிக் காலங்களில் தனக்கென்று குடும்பம் இல்லாததால் மக்களால் நான் மக்களுகாகவே நான் என்கிற தாரக மந்திரத்தை முன்னெடுத்தவர். எம்.ஜி.ஆருக்கு பிறகு மக்களின் ஏகோபித்த அன்பைப் பெற்றவர். சிறந்த நடிகை, உழைப்பாளி, படிப்பாளி, அறிவாளி, தைரியசாலி, இரும்புமனுஷி என பெயர் பெற்றவரின் கடைசி 75 நாட்கள் குழப்பத்தின் உச்சமாகவே கடந்தது.  புலனாய்வு பத்திரிக்கைகள் ஏழெட்டு வரும் நாட்டில் ஒரு பத்திரிக்கை கூட அப்பல்லோ எனும் இரும்புக் கதவுகளை திறக்க முடியாத நாட்கள் அவை. ஏன். அவரது இறப்பு பற்றிய அறிவிப்பில் கூட அத்தனை குழப்பங்கள். தந்திடிவி மாலையிலேயே அவரின் மறைவைப் பற்றி அறிவித்துவிட, அதை தொடர்ந்து எல்லா டிவிக்களும், ஜெயா டிவி உட்பட அறிவித்து, அதிமுக அலுவலகத்தில் கொடி அரைக்கம்பத்தில் பறக்கவிடப்பட,  அப்பல்லோ அப்படியெல்லாம் இல்லை என்று அறிக்கை விட, இன்னொரு பக்கம் ரெட்டியின் மகள் படு சீரியஸ் என்று போட்ட ட்விட்டை திரும்ப எடுத்துவிட, என ஏகப்பட்ட குழப்பங்கள். இரவு பதினொரு மணி முப்பது நிமிடத்துக்கு தான் அவர் இறந்தார் என்றால் இத்தனை நாளாக கூடாத எம்.எல்.ஏக்களின் கூட்டம் ஏன் காலையிலேயே கூட்டப்பட்டது. ஏன் மறுபடியும் மாலையில் சந்திப்பதாக ஏற்பாடு செய்யப்பட்டது? சரியாய் பதினோரு மணி தருவாயில்  எல்லா முடிவுகளையும் எடுத்துவிட்டு, மீடியாவை கட்சி அலுவலகத்துள் அனுமதித்தது. அங்கே வீடியோ காட்சிகள் வெளி வந்து கொண்டிருக்கும் போதே இங்கே அப்பல்லோவில் ஜெவின் மறைவு குறித்து வெளியான அஃபீஷியல் தகவல். உடனடி அழுகையில்லா பதவியேற்பு. என ஆயிரம் குழப்படிகள் இருந்தாலும், தன் தங்கத்தலைவியின் மேல் வைத்திருக்கும் மாறாத அன்பை கலவரமில்லாமல் வெளிப்படுத்திய மக்களும், அதை கட்டிக்காத்த காவல் துறைக்கும் மிகப் பெரிய சல்யூட். ஒரு பேட்டியில் ஜெ தன் வாழ்வை பற்றி சொல்லும் போது தன் விருப்பமான வாழ்வை நான் வாழவில்லை என்று சொல்லியிருந்தார். அவரது மறையும் போது அதே வார்த்தைகள் மீண்டும் மீண்டும் ஒலித்துக் கொண்டேயிருந்தது.

@@@@@@@@@@@@@@@@@@@@@@@@@
செல்வதெல்லாம் உண்மையை கலாய்த்து கலாய்த்தே அதற்கான டி.ஆர்.பியை ஏற்றிவிட்டிருக்க, தமிழ், தெலுங்கு, கன்னடமென எல்லாம் மொழிகளிலும், யாராவது மார்கெட் போன நடிகையை வைத்து இதோ போன்ற ஒரு நிகழ்ச்சி ஒளிபரப்பாக ஆரம்பித்துவிட்டது. குறிப்பாய் மதிய நேர டி.ஆர்.பிக்கு செம்ம போட்டி. இதில் பங்கு பெரும் பெரும்பான்மையானவர்கள் பொருளாதார நிலையில் கீழ் நிலையில் உள்ளோர். ஆரம்ப காலத்தில் நான் கூட ஆட்களை செட் செய்து எடுக்கிறார்கள் என்று நினைத்திருந்தேன். சில ஆண்டுகளுக்கு முன்னால் ஜீ டிவி அலுவலகத்துக்கு போன போதுதான் தெரிந்தது, மக்கள் இந்நிகழ்ச்சியில் கலந்து கொள்வதற்காக அவர்களாகவே முன் வந்து ரிஜிஸ்டர் செய்து கொண்டும், சம்பந்தபட்ட இரண்டு தரப்பும் சேனல் வாசலிலேயே சண்டைப் போட்டுக் கொள்வதையும் நேரில் பார்த்தேன். இம்மாதிரி நிகழ்ச்சிகளின் ஆதார விஷயமே அடல்டரி, செக்ஸ், ரெண்டு பொண்டாட்டி, மூணு புருஷன் என்பது போன்ற உறவு சிக்கல்கள் தான் பெரும்பாலும். எனக்கு பயமே இதைப் பார்க்கும் மக்களின் மனநிலையை பற்றித்தான். ஏற்கனவே எல்லாவிதமான நெகட்டிவ் விஷயங்களை டிவி சீரியலே நம் வீட்டு ஆண்/பெண் மனதில் அழுத்தமாய் ஏற்றி விடப்பட்டிருக்க, இன்னும் அழுத்தமாய் ஊர் உலகத்துல நடக்காதது ஒண்ணுமில்லை என்கிற எண்ணம் மேலோங்கி, எப்படி குடிப்பது எல்லா குடும்பங்களிலும் சகஜமாக எடுத்துக் கொள்ளப்பட்டுவிட்டதோ அது போல எல்லா சமூக குற்றங்களும் சகஜமாக எடுத்துக் கொள்ளப்பட்டுவிடுமே என்கிற பயம் கவ்விக் கொள்கிறது. இதை நடத்தும் நடிகைகளைப் பற்றி பேசிப் பிரயோஜனமில்லை. ஏனென்றால் அது அவர்களின் தொழில். பார்க்கும் மக்களைத்தான் சொல்ல வேண்டும்.  மக்கள் கொண்டாடாத எதுவும் டிவிக்கள் பிரயத்தனப்பட்டு கொடுக்கப் போவதில்லை.

@@@@@@@@@@@@@@@@@@@@

கொத்து பரோட்டா -2.0-12

கொத்து பரோட்டா -2.0 -12

இந்திய அளவில் மிகச் சில படங்களே ஆழ் மனச் சிக்கலைப் பற்றி பேசியிருக்கிறது. அப்படி பேசிய படங்கள் பெரும்பாலும், மனசிக்கலை பைத்தியம் என்பது போலவே ட்ரீட் செய்திருக்கிறது. அதை மிக அழகாய், நட்போடு, அழுத்தமாய் சொல்லி பயணித்திருக்கும் படம் தான் இந்த டியர் ஜிந்தகி.  கைரா எனும் “ஹாட் “ பெண்ணின் மறக்க முடியாத உறுத்தும் இளம்பிராய வாழ்க்கையை, நிறைவேறாத காதல்கள், டெம்ப்ளேட் பெற்றோர் மற்றும் உறவினர்கள், சிறந்த சினிமாட்டோகிராபர் ஆக வாய்ப்பும், அங்கீகாரமும் தேடியலையும் ப்ரெஷர் எல்லாம் சேர்ந்து பல எமோஷனல் கதம்பமாய் வளைய வருகிறவளின் கதை இது. இவருக்கும் அவரது சைக்கியாட்ரிஸ்ட் டாக்டர். கானுக்குமிடையே நடக்கும் சம்பாஷணைகள், அவர்களுக்கிடையே ஆன உறவின் நெருக்கம். அந்த சம்பாஷணைகள் மூலம் தெளிவடையும் தருணங்கள். கிடைக்கும் உறவுகள். அது கொடுக்கும் மொனாட்டனி என போகிறது கதை. இரண்டு சிறந்த நடிகர்கள் நடிக்கும் போது அவர்களுக்குள் நடக்கும் போட்டியாகட்டும், விட்டுக் கொடுக்குமிடமாகட்டும் க்ளாஸ். ஷாருக் ஒரு பக்கம் கலக்குகிறார் என்றால் இன்னொரு பக்கம் இந்த சின்னப் பொண்ணு அலியா.. என்னா ஒரு எக்ஸ்பிரஷன்ஸ்.. வாவ்..  படிப்பு, கல்யாணம் தவிர ப்ரொபஷனலாய் வளைய வர மார்டர்ன் பெண்ணுடய குடும்பத்தில் இருக்கும் குழப்பம். சினிமாவில் அதிகமான பேர் ஓர் பாலினத்தவராய் இருப்பார்கள் என்ற பொது புத்தியில் தன் பெண்ணிடமே “நீ லெஸ்பியனா?” என்று கேட்குமிடம், அதை ஸ்பெல்லிங் மாற்றிச் சொல்லும் இன்னொசென்ஸ், பாட்டு பாடிக் கொண்டேயிருக்கும் புது காதலனை பார்த்த மாத்திரத்தில் இம்ப்ரஸ் ஆகி, பின்பு அவனின் பாட்டே எதிர்யாய் போய் நிற்குமிடம், கடந்த காலத்தில் நடந்ததை நினைத்து நிகழ்காலத்தில் குழம்பி, அட்டகாசமான எதிர்காலத்தை பாழாக்கிக்காதே என்பதை மிக அழகாய் சொல்லியிருக்கிறார்கள். வாழ்த்துக்கள் கெளரி ஷிண்டே. படம் பார்த்துவிட்டு  வெளியே வந்து ரெண்ட்ரொரு நாளுக்கு பிறகு, வீட்டிலோ, வெளியிலோ, சந்தோஷமோ, கோபமோ, விரக்தியோ ஏதோ ஒரு மனநிலையை நாம் கடந்திருப்போம். அப்படி கடக்கும் சடக் நிமிடங்களில் உங்கள் மண்டைக்குள் டாக்டர் கானின் குரல் ஒலிக்காமல் இருக்காது. அது தான் படத்தின் வெற்றி.

@@@@@@@@@@@@@@@@@@@@@@@@@@@@@@@

Little Things – Web series

Girl In The City வெப் சீரீஸில் நடித்த ஸ்பிரிங் முடி பெண்ணான மிதிலா பால்கர் தான் இதிலும் கதாநாயகி. காவ்யா, துருவ் இருவரும் மும்பையில் ஒரே ப்ளாட்டில் லிவின்னில் வாழ்ந்து வரும் காதலர்கள். இருவருக்கும் வேறு வேறு ஆசை அபிலாஷைகள் இருந்தாலும் அவர்கள் இருவரும் சேர்ந்து சந்திக்கும் தினப் பிரச்சனைகள் தான் கதை. மிகச் சாதாரணமாய் தோன்றும் சம்பவங்கள் தான் இவர்களின் இயல்பான நடிப்பு மற்றும் ரைட்டிங்கினால் க்யூட்டாகிப் போகிறது.  கேம் ஆஃப் த்ரோன், பார்ட்டி, சாப்பாடு, வேலை, அதனால் வரும் ப்ரெஷர் டே டுடே ப்ரச்சனைகளை இளமை துள்ளலோடு அனுகியிருக்கிறார்கள். ஒரு எபிசோடில் மெடிக்கல் ஷாப்பில் “ஃபையர் அண்ட் ஐஸ்” என்கிற ஒரு காண்டமை துருவ் வாங்குகிறான். அதற்கு அவர்களுக்குள் நடக்கும் சம்பாஷணைகள். வழியில் அவர்கள் சந்திக்கும் வெளியூர் நண்பன் காண்டம் வாங்கப் போவதாய் சொல்ல, அதை அவனிடம் கொடுத்து அனுப்புகிறார்கள். அதன் பின் விளைவுகள் பற்றி சொல்லும் பைனல் டச் காட்சி ஹிலாரியஸ் என்றால், பைனல் எபிசோடில் அவர்களுக்குள் இருக்கும் நெருக்கத்தை வெளிப்படுத்தும் காட்சி.. ரொமாண்டிக்.  கதையின் நாயகன் துருவை தனுஷ் என்று கிண்டலடிக்கிறார்கள். நல்ல பிகரோடு சுற்றும் சுமார் பையன் எனும் அர்த்தத்தில். https://www.youtube.com/watch?v=YoFoKZ9HgfQ&t=6s

@@@@@@@@@@@@@@@@@@@@@@@@

பெரும்பாலான பத்திரிக்கைகளில் வரும் பிரபலமானவர்களின் பேட்டிகள் பல சமயம் எடிட்டோரியல் காரணமாய் மொக்கையாகிவிடுவது உண்டு. இணையத்தில் வரும் காணொளி பேட்டிகளில் இது வேறு விதமான இம்சையை கொடுப்பதுண்டு. பேட்டி எடுத்தவரும், கொடுப்பவரும் ரெண்டு பக்கமும் மொக்கையாய் இருந்துவிட, ஃபார்வர்ட் செய்து பார்க்கும் நிலை வரலாம். ஆனால் வெகு சில சமயங்களில் இம்மாதிரியான இணைய இண்டர்வியூக்கள் சுவாரஸ்யம். பேட்டி எடுப்பவரும், கொடுப்பவரும் சுதந்திரமாய் பேசுமிடங்கள் சுவாரஸ்யம். அதுவும் பேட்டிக் கொடுப்பவர் நம் மனதிற்கு இனியவராய் இருந்தால் இன்னும் ஒரு படி மேலே.. அப்படியொரு பேட்டி ஒளிப்பதிவாளர் பி.சி.ஸ்ரீராமினுடயது. பேட்டியெடுத்தவர் மூத்த பத்திரிக்கையாளர் ஸ்ரீதர் பிள்ளை. இண்டர்ஸ்டிங் கான்வர்ஷேஷன். https://www.youtube.com/watch?v=3VBYBN__a_0

@@@@@@@@@@@@@@@@@@@@@@@@@@@@@@@@@

கேட்டால் கிடைக்கும்

சமீப காலமாய் கேட்டால் கிடைக்கும் குறித்து நிறைய ரோட்டரி சங்க கூட்டங்களில் கடந்த  ஒரு வருடத்தில் இருபதிற்கும் மேற்பட்ட குழுவில் பேசி விட்டேன். குழுவில் பேசி வருகிறேன். நல்ல வரவேற்பு கிடைக்கிறது. அதன் பின்னர் நம்மைப் போலவே அக்குழுவில் உள்ள சில பேர் தனியே போராடி வருவதும், அது குறித்து பேசுவது அதிகமாகியிருக்கிறது. நாம கேட்டு என்ன ஆயிடப் போவுது என்ற எண்ணம் தற்போது கொஞ்சம் கொஞ்சமாய் மறைந்து கேட்டால் கிடைக்கும் என்ற எண்ணம் தழைக்க ஆரம்பித்திருப்பது ஆரோக்கியமாய் இருக்கிறது. நேற்றிரவு போரூர் வரை ஓலா ஆட்டோவில் சென்றேன். டாக்ஸி வந்தது பற்றியும், தன் வாழ்க்கையைப் பற்றியும் டிரைவர் பேசிக் கொண்டு வந்தார். இன்னைக்கு கவலைப் பட்டு என்ன சார் பண்றது? ஆரம்ப காலத்துல ஒழுங்கா மீட்டர் போட்டு ஓட்டியிருந்தா இந்த கார், டாக்ஸியெல்லாம் வந்திருக்கவே வந்திருக்காது என்றார். மீட்டருக்கு மேல் யாரிடமும் கேட்க முடிவதில்லை. அப்படியே கேட்டால் உடனடியாய் கம்பெனிக்கு போன் செய்து கம்ப்ளெயிண்ட் செய்து விடுகிறார்கள் என்றார். சந்தோஷமாய் இருந்தது.. மீட்டர் போட்டு, சைதாப்பேட்டையிலிருந்து போரூருக்கு 131 ரூபாய் ஆனது. அதே தூரத்திற்கு இரவு ஓலா டாக்ஸியில் 101.ஆட்டோவில் 12.50 டாக்ஸியில் 10 ரூபாய். கிலோ மீட்டருக்கு. இந்த ஓலா, ஊபர் போன்றவர்கள் இந்த ட்ரைவர்களுக்கு கொடுக்கும் இன்செண்டீவ் பற்றி ஆராய வேண்டும். 15 டிரிப் எடுத்தால் 5000 ரூபாய் இன்செண்டிவாம். அதில் தினப்படி ஆகும் கலெக்‌ஷன் கழித்தது போக, 20 சதவிகிதம் ஓலாவின் கமிஷனாய் எடுத்துக் கொள்கிறார்கள். உதாரணமாய் 2000 ரூபாய்க்கு வண்டி 15 டிரிப்பில் ஓடியிருந்தால், 5000-2000 போக 3000 ரூபாய். அதில் 20 சதவிகிதம் என்றால் 600 ரூபாய். இது  எப்படி கட்டுப்படியாகிறது என்றே தெரியவில்லை. இத்தனைக்கும் பீக் அவர் சார்ஜ் தொகை கூட கணக்கில் வைக்கப் படுகிறது என்றால் நிச்சயம் அந்த காசு நம்மிடமிருந்துதான் எடுக்கப்படுகிறது. எப்படி வலிக்காம எடுக்குறாங்க என்பதை பற்றி கேட்க ஆரம்பித்திருக்கிறேன். யாராச்சும் தெரிந்தால் சொல்ல்லுங்க.

@@@@@@@@@@@@@@@@@@@@@@@@@@@