சாப்பாட்டுக்கடை- ஆர்.ஆர் மெஸ் கோவை

 கோவையில் எப்போது போனாலும் ஒரு முறையாவது வளர்மதி மெஸ்ஸில் சாப்பிட்டு விடுவேன். இம்முறை மிகவும் டைட்டான ஷெட்டியூலில் போயிருந்ததால் போக முடியவில்லை. வேலை வேறு கிடைத்த இடத்தில் சாப்பிட்டு விட்டு விடுவோம் என்று தோன்றியதால் காலை டிபனை தங்கிய ஓட்டலிலேயே முடித்துவிட்டு, மதியம் நிகழ்வில் போடப்பட்ட சாப்பாட்டை சாப்பிட உட்கார்ந்தேன். நான் வெஜ் சாப்பிடும் ஆசையில் இருந்தவனுக்கு வெஜ் பிரியாணி, குருமா, தயிர் பச்சடி, தயிர் சாதம், கத்திரிக்காய் காரக்குழம்பு. கத்திரிக்காய் காரக் குழம்பின் கலர், மேல் மிதந்த எண்ணெய் கத்திரிக்காயும் கமான், கமான் என்று அழைத்தது. வெஜ் பிரியாணி தரமாக இருக்க, கொடுக்கப்பட்ட வெஜ் குருமா மட்டும் கொஞ்சம் தண்ணீராய் இருந்தது. கடைசியாய் தயிர்சாதத்தை போட்டுக் கொண்டு அந்த கத்திரிக்காய் குழம்பை ஊற்றிக் கொண்டேன். அவ்வளவாய் காரமில்லாமல், நல்லெண்ணெய் மிதக்கும் கத்திரிக்காய். தயிர் சாதத்தோடு அட்டகாசமாய் இருக்க, யாருப்பா இந்த சப்ளையர்? என்று கேட்ட மாத்திரத்தில் அங்கே நிகழ்விற்கு வந்திருந்த நண்பர் செல்வா நம்முளுதுதான் சார் என்றார். அவரின் கடை பெயர் ஆர்.ஆர். மெஸ் என்றதும் நான்வெஜ் போடுறீங்களா? என்று கேட்டேன். நம்முளூது நான் வெஜ் தான் சார். இங்க தான் வெஜ் போதும்னு சொல்லிட்டாங்க என்றார் வருதத்தோடு. எண்ணெய்க் கத்திரிக்காய் குழம்பை சிலாகித்தவுடன் "அப்ப நீங்க வெண்டைக்காய் மண்டி சாப்புட்டு பார்க்கணும்" என்றார். அடுத்த நாள் லஞ்சுக்கு நான்வெஜ் மற்றும் வெண்டைககாய் மண்டியுடன் வருகிறேன் என்று சொன்னார். அடுத்த நாள் மதியத்துக்காக காத்திருக்க ஆரம்பித்துவிட்டேன் அப்பேர்ப்பட்ட சுவை அந்த எண்ணெய் கத்திரிக்காய் காரக்குழம்பு.

அடுத்த நாள் மதியம் சீரக சம்பா சிக்கன் பிரியாணி, சிக்கன் மசாலா, மட்டன் பள்ளிப்பாளையம், எறா தொக்கு, மீன் குழம்பு, சாதம், தயிர் சாதம், ரசம், கூடவே அவர் சொன்ன வெண்டைக்காய் மண்டி. கட்டுச் சோற்றைப் பிரித்தவுடன் சீரக சம்பா பிரியாணியின் வாசம் மூக்கை தாக்கியது. பச்சை மிளகாய் போட்டு அரைத்த சிக்கன் பிரியாணி. அளவான காரத்துடன் நன்கு வெந்த சிகக்ன் பீசுகளுடன் சிறப்பாகவே இருந்தது. அடுத்ததாய் அதற்கு தொட்டுக் கொள்ள சிக்கன் மசாலாவை எடுத்தேன். சின்னச் சின்ன பீஸுகளோடு கிரேவியாய் இருந்தது சிக்கன் மசாலா.காரம் அத்தனை இல்லை. தக்காளியின் சுவை லேசாய் தூக்கலாய் இருந்தது. அடுத்து சாதம் போட்டு மட்டன் பள்ளிப்பாளையத்தையும் எறா தொக்கையையும் ஒரு கை பார்த்தேன். மட்டன் பள்ளிப்பாளையம் நல்ல காரத்துடன், தேங்காய் அரைத்த மசாலா மற்றும் தேங்காய் துண்டுகளோடு சின்ன சின்ன பீஸுகளாய் லேசாய் கிரேவியோடே தந்திருந்தார். செம்மையாக இருந்தது. அடுத்த சாப்பிட்ட எறாதொக்கு கேட்கவே வேண்டாம். பெரியதாகவும் இல்லாமல் சின்னதாகவும் இல்லாமல் எறா. அதற்கே உரித்தான லேசான தித்திப்புடன் சிறப்பு.  மீன் குழம்பு புளீப்பு அதிகமாகவும் இல்லாமல்  சரியாக இருந்தது. ரசத்ததையும் ஒரு ரவுண்ட் அடிக்கலாம் என்று ரச பாக்ஸை திறக்கும் போதே மணம் தூக்கியது. சென்னையில் இம்மாதிரியான ரசத்தை நான் அருளானந்தத்தில் சாப்பிட்டிருக்கிறேன். அதற்கு பிறகு இங்கு தான். சாப்பாட்டோடும், தனியாய் குடித்து வயிறு நிறைந்தது. கட்டங்கடைசியாய் தயிர்சாதம் வெண்டைக்காய் மண்டி. கெட்டியாய் குழம்பு எண்ணையில் வதக்கிய வெண்டைக்காயோடு, அரைத்துவிட்டபதத்தில் தயிர்சாத கிரேவி. தனியாய் சோறு போட்டு சாப்பிட்டாலும் சரி, சப்பாத்தி தோசைக்கும் கூட சாப்பிடலாம். அட்டகாசம். அண்ட் டிவைன். முட்ட முட்ட சாப்பிட்டு ஒரு குட்டி தூக்கத்தைக் கூட போட முடியாமல் வேலைக்கு போக வேண்டியதாகிவிட்டது.  கொங்கு சமையலிலிருந்து செட்டிநாட்டு சுவையில் இவர்களது உணவு மிகவும் சிறப்பு.

கோவையில் இருப்பவர்களுக்கு ஒரு முறை டேஸ்ட் செய்து பார்க்க

ஆர்.ஆர். மெஸ்

ராஜ ராஜேஸ்வரி புட்ஸ்

S.F No. 374, Therkku Thottam

Chil See Road, Saravanapettai (po)

cbe 641035

9894129912/9786688898

சாப்பாட்டுக்கடை - திருநெல்வேலி தோசைக்கடை

 கொரோனாவால் இழந்த ஒரு பெரிய உணவு அனுபவம் எது என்றால் அது திருநெல்வேலி தோசைக்கடையின் எண்ணெய் தோசையைத்தான்.சாலிகிராமத்தில் பரணி ஸ்டூடியோ எதிரில் சின்னதாய் ஒரு கடை இருக்கும். அங்கே சாப்பிடவென ஒரு சிறு கூட்டம் எப்பவுமே இருக்கும். அது கொரோனா காலத்தில் இல்லாமல் போய் பின் திறந்து மெட்ரோ வேலைக்காக மூடி தற்போது மேப்படுத்தப்பட்ட விரகடுப்பில் அதே திருநெல்வேலி தோசைக்கடை. அப்படி ஒன்றும் பெரிய மெனு இருக்காது. தோசை, எண்ணெய் தோசை, அடை, வெங்காய தோசை, பொடி தோசை.மசால் வடை அம்புட்டுத்தான்.

எண்ணெய் தோசையில் ஆரம்பிப்போம். விரகடுப்பில் போடப்பட்ட கல்லில் தோசை மாவு ஊற்றப்பட்டு, அது நமக்கு பரிமாறுகையில் நல்லெண்ணெய் மினுமினுப்போடு, மேலே ஒரு கரண்டி கெட்டி தேங்காய் சட்னியோடு பரிமாறுவார்கள். எண்ணெய் தோசையின் டேஸ்ட் நிச்சயம் நீங்கள் இதற்கு முன்னால் ஹோட்டல்களில் தோசை சாப்பிட்டிருந்தீர்களானால் அது இதற்கு முன் கிட்டே கூட நிற்க முடியாது. வீட்டில் கூட இப்படியான தோசைகள் தற்போது கிடைப்பதில்லை என்று ரெடிமேட் தோசை மாவு  குடும்பங்கள் சொல்லிக் கேட்டிருக்கிறேன். அதிகம் முறுகல் இல்லாத, ஆனால் அதே நேரத்தில் நடுவில் லேசான எண்ணெய் முறுகலோடு ஒரு தோசை. அதற்கு கொடுக்கப்படும் தேங்காய் சட்னி அதைப் பற்றி ரெண்டு வரி தனியே சொல்லியே ஆகவேண்டும். தேங்காய் சட்னி என்றால் இனிக்க இனிக்க சட்னி சாப்பிட்டிருப்பீர்கள். பச்சை மிளகாய் வாசனையோடு காரமான தேங்காய் சட்னி சாப்பிட்டிருப்பீர்கள். ஆனால் இவர்கள் கொடுக்கும் சட்னி வித்யாசமாய் இருக்கும் குறிப்பாய் முழுதாய் அறைக்கப்படாத தேங்காய் மற்றும் பச்சை மிளகாய் திப்பிலி திப்பில்யாய் தான் இருக்கும். ஆனால் எண்ணெய் தோசையுடனோ? அல்லது அடையுடன் சாப்பிட்டால் கூட அந்த தேங்காய் சட்னிக்கு மட்டுமே நாலு தோசை உள்ளே போகும். இதன் கூடவே காரச்சட்னி தருவார்கள். அது வேற லெவல் டேஸ்டாய் இருக்கும். குறிப்பாய் சட்னியோடு ஒரு விள்ளல் தோசையை அனுப்பினோமானால் நடு நாக்கில் லேசாய் சுர்ரென ஆரம்பிக்கும் காரம் அத்தனை ஆர்காஸமாய் இருக்கும் என்று சொன்னால் மிகையாகாது. 

வெங்காய தோசை என்றால் அதன் விஷேஷமே பொடிப் பொடியாய் நறுக்கிய வெங்காய்த்தோடு தோசை. எண்ணெய் தோசை என்பதாலும், விரகடுப்பு என்பதாலும் வெங்காயம் கிரிஸ்பியாய் எண்ணெயில் ஃப்ரை ஆகி, சட்னிக்களுடன் சாப்பிட ஆரம்பித்தால்  ரெண்டாவது போகாமல் விடாது. 

அடுத்த பொடி தோசை. உளுத்தம் பருப்பு, கலந்த மிளகாய் பொடி. பொடி தோசை என்றால் ஏதோ சிகப்பாய் ஒரு பொடியை தோசை மீது தூவி காரமும் இல்லாமல் உப்பு உரைப்பும் இல்லாம ஒரு தோசை இருக்குமே என்று நினைப்பீர்கள். ஆனால் இவர்கள் தோசையின் மேல் பொடி போடும் போதே லேசாய் கமரும். அப்படியான நல்லணெய் தோசை, பொடியை தோசை முழுவது ஸ்பிரட் செய்து தரப்படும் தோசையும், தேங்காய் சட்னியும் ஒரு விள்ளல் சாப்பிட்டால் டிவைன் தான்.

அடை முறுகலும், இல்லாமல், கெட்டியாகவும் இல்லாமல், வெங்காயம் போட்ட அடை.  அடை என்பது என்னைப் பொறுத்தவரை தட்ட வேண்டிய அயிட்டம். சரவணபவன் காலத்திற்கு பிறகு அதை தோசையாய் ஊற்றிக் கொடுக்க ஆரம்பித்த போதே அதன் மிதிருந்த ஆர்வம் போய்விட்டது. மேலும் அடைக்கு அவியல் என்று கொடுக்க ஆரம்பித்த பின் சுத்தம். எனக்கு அடை என்றால் வெல்லம். அல்லது மிளகாய் பொடி எண்ணெய். அதன் மேல் நல்ல கெட்டி தயிர். வாவ்வாவ் வாவ்.. ம்ம்.. 

விலை அதிகமில்லாத, தரமான, சுவையான லிமிடெட் அயிட்டங்களுடனான உணவகத்ததை அனுபவிக்க வேண்டும் என்கிறவர்கள் நிச்சயம் ஒரு நடை போய்ட்டு வந்திருங்க. இலையை நீங்கதான் எடுக்கணும். பட் இலையில் ஏதாச்சும் மிச்சம் வச்சாத்தானே வழிந்தோடும் பிரச்சனை எல்லாம். 

திருநெல்வேலி தோசைக்கடை

பரணி ஸ்டூடியோ (அ) ஹாஸ்பிட்டல் எதிரில்.

சாலிக்கிராமம்

கேபிள் சங்கர்

https://youtube.com/shorts/UF6cZ9qsNBI?si=x4TGP6w4koDyEoZ4

சாப்பாட்டுக்கடை - கைமணம்

 கொரோனா காலத்தில் ஏகப்பட்ட க்ளவுட் கிச்சன்கள் முளைக்க ஆரம்பித்திருந்தது. அவைகளில் 80 சதவிகிதத்திற்கு மேலாய் இப்போது இல்லை. ஒரு சில க்ளவுட் கிச்சன்கள் சின்ன ரெஸ்டாரண்டாகவும் மாறியிருக்கிறது. சிலது இன்னமும் க்ளவுட் கிச்சனாகவே இருக்கிறது. அப்படியான ஒரு கொரோனா காலத்தில் நான் கண்டெடுத்ததுதான் இந்த கை மணம் உணவகம். ஒரு நாள் மதியம் கோபாலபுரம் பக்கம் போய்க் கொண்டிருந்த போது கொலைப் பசி. கைமணம் என்று பெயரைப் பார்த்ததும் அது ஒரு சின்ன சந்தாய் இருந்தது. அங்கே ஒரு ப்ளாட்டின் மாடியில் இருப்பதாய் தெரிய மேலேறிப் போய் பார்த்த போது அங்கே ஆஸ்பெஸ்டாஸ் கொட்டகைப் போட்டு சமைத்துக் கொண்டிருந்தார்கள். ஒரு பெண்மணியும் ஒரு சில சமையல்காரர்களும் இருக்க, சாப்பிட இடம் இல்லையே என்று யோசித்துக் கொண்டிருந்த போது "சார் இது க்ளவுட் கிச்சன் தான் நோ டைனிங்" என்றார் பெண்மணி. சோகமாய் இறங்க ஆயத்தமான போது "பிரியாணி இப்பத்தான் இறக்கினோம். வேணும்னா அங்க டேபிள்ல உக்காந்து சாப்பிடுறீங்களா? என்று பிரியாணி அண்டாவை திறக்க, அட்டகாசமான மசாலா வாசம் என்னை சூழ்ந்தது. சூடான, மிகச் சூடான் மட்டன் பிரியாணி. அட்டகாசமான கத்திரிக்கா பச்சடியோடு சாப்பிட்டு முடித்தேன். மசாலா அதிகமில்லாத பிரியாணி. சுவைக்கு ஏதும் குறையில்லை.  அதன் பிறகு அந்தப் பக்கம் போகும் போதெல்லாம் பிரியாணி மண்டைக்குள் கிண்டினாலும் க்ளவுட் கிச்சன் என்று உறைத்ததால் போகாமல் வழக்கப்படி விஸ்வநாதன் மெஸ்ஸுக்கு போய்விடுவேன். 

சமீபத்தில் ஒரு சில மாதங்களுக்கு முன்னால் போன போது கைமணம் ரெஸ்ட்டாரண்ட் ஆகியிருந்தது. ஒரு இருபது பேர் அமர்ந்து சாப்பிடும் அளவுக்கான ஏசி இடம். சரி உள்ளே போய் அமர்ந்தோம். ஸ்டார்டர்ஸ் என்று லிஸ்ட் பார்த்தால் பொரிச்ச கோழி, சிக்கன மஹாராணி, மட்டன் மஹாராணி என்று லிஸ்ட் போடப்பட்டிருக்க, பொரித்த கோழியை ஆர்டர் செய்தோம். அட்டகாசமான மசாலாவோடு பொரிக்கப்பட்ட நான்கு சிக்கன் துண்டுகள். போட்டிருந்த மசாலாவும், கோழியும் செம்ம ஜூஸியாய் இருந்தது.  சிக்கன் மஹாராணி நல்ல நீட்டு துண்டுகளாய் போடப்பட்ட சிக்கன், மேலே டிரை மசாலாவோடு பொரிக்கப்பட்டிருந்தது. லேசான எலுமிச்சையை மசாலாவோடோ அல்லது தயிரோ சேர்திருப்பார்கள் போல.. லேசான புளிப்புடன் அந்த சிக்கன் டேஸ்ட் இருக்கும். அதையே தான் மட்டன் மஹாராணிக்கும்.நன்கு பொரிக்கப்பட்ட சன்னமான மட்டன் பீஸுகளுடன். நிறைய முந்திரிப்பருப்புகளுடன் கார்னிஷிங் செய்யப்பட்டு தருகிறார்கள். இரண்டுமே எனக்கு மிகவும் பிடித்த ஸ்டார்டர்ஸ். இவர்களின் மலாய் சிக்கன் கிட்டத்தட்ட சமிபத்திய பேமஸான இண்டியூஸ்ட் சிக்கனுக்கு ஈடாய் இருக்கிறது. 

கைமணத்தின் நல்ல சிக்கன் இடியாப்பம், மட்டன் இடியாப்பம், மற்றும் பன்னீர் இடியாப்பம் தருகிறார்கள். நல்ல தரமான மிக்ஸ். குறிப்பாய் பன்னீரும் சிக்கனும் அருமையோ அருமை. கூடவே தரப்படும் கிரேவியின் சுவையோடு சிறப்பாக இருக்கிறது. இவர்களின் மெனுவில் சுவாரஸ்யமான ஒன்று ரசம் சாதம். நல்ல சூடான ரசம் சாதம் சாப்பிட அதுவும் இரவில் கிடைப்பது அரிது. நல்ல ரசம். இவர்கள் க்ளவுட் கிச்சனாகவும் செயல்பட்டுக் கொண்டிருக்கிறார்கள். கீழே உணவகம். ஆன் லைனில் கூட ஆர்டர் செய்து கொள்ளலாம்.  சூரியன் எப்.எம் ஆர்.ஜே பெண் ஒருவர் தான் இந்த கடையின் முதலாளி 

கைமணம்

15, Gopalapuram 1st St, Pudupet, Gopalapuram, Chennai, Tamil Nadu 600086

சாப்பாட்டுக்கடை - ரமேஸ்வரம் கஃபே - பெங்களூரு

 சமீபகாலமாய் எந்த ரீல்ஸ், ஷார்ட்சை திறந்தாலும் இந்த ராமேஸ்வரம் கஃபேயை பற்றிய வீடியோ தவறாமல் இருக்கும். அதுவும் ஒரு நாளைக்கு 5 லட்சம் பில் போடும் கடை. பெரிய க்யூ நிற்கும் கடை என்றெல்லாம் வீடியோ அவர்கள் வீடியோவில் காட்டும் செந்நிற தோசை. மசாலா, இட்லி சாம்பார் எல்லாவற்றையும் பார்க்கும் போது வழக்கமான வேற லெவல் ஓட்டலை ஏத்திவிட்டு பிஸியாக்கிட்டாங்களோ என்கிற சந்தேகம் எனக்கு வராமல் இல்லை.  இவ்வளவு தூரம் வந்துவிட்டோம் போய் தான் பார்த்துவிடுவோமே என்று தேடிய போது பெங்களூருவில் மூன்று இடங்களில் இருந்தது. நாங்கள் ஜே.பி.நகர் பிராஞ்சுக்கு ஆட்டோ பண்ணிட்டு போனோம். ஆட்டோவெல்லாம் வச்சி சாப்பிடணுமா ஜி என்று உடன் வந்த நண்பர் ராமசந்திரன் கேட்டுக் கொண்டே வந்தார். எடுத்த குறிக்கோளில் கொஞ்சமும் வழுவாமல் போய் சேர்ந்த போது அத்தனை க்யூவெல்லாம் இல்லை. ஆனால் செம்ம கூட்டம். ஆனால் அது அங்கே தெரியாத வண்ணம் இடத்தை செட் செய்திருந்தார்கள். 

இத்தனைக்கும் மக்கள் நடமாட்டம் இருக்கும் இடம் தான். தனியாய் வேலட் பார்க்கிங். ஓப்பன் கிச்சன். ஆங்காங்கே சாப்பிட வைக்கப்பட்டிருந்த டேபிள்கள். கோயில் தாழ்வாரம் போல உட்கார்ந்து கொள்ளக்கூடிய அளவில் சில இடங்களில் கல்லில் அமைத்திருந்தார்கள். நாங்கள் என்ன சாப்பிடுவது என்று மெனுவை பார்த்துக் கொண்டிருக்கும் போதே மூன்று பேர் பில் போட்டுவிட, நான் வடை ஒரு ப்ளேட். இரண்டு ஓப்பன் வெண்ணெய் மசாலா தோசை, இரண்டு காப்பி ஆர்டர் செய்தேன். 

தோசைக்கு தனி பில். கூடவே ஒரு வைப்பரேட்டர் சாதனம் ஒன்றை கொடுத்து தோசை ரெடி ஆனதும் அது பச்சை ஒளிர்ந்தபடி வைப்பரேட் ஆகும் என்றார்கள். அடுத்த கவுண்டரில் இட்லியும் வடையும் சொல்லிவிட்டு, அடுத்த சில நொடிகளில் சூடான வடையும், இரண்டு வகை கெட்டி சட்னி, டிபிக்கல் உடுப்பி சாம்பாரோடு கொடுத்தார்கள். வடை மினியேச்சர் சைசில் இருந்தாலும் நல்ல கிரிஸ்பியாய் வாயில் போட்டால் கரையும் அளவுக்கு இருந்தது. கூடவே கார சட்னி, மற்றும் தேங்காய் சட்னி வேறு. தேங்காய் சட்னியோடு சாம்பாரையும் தொட்டு ஒரு சிறு துண்டை சாப்பிட்டால் வாவ் அவ்வளவு நன்றாக இருந்தது. என்ன ஆளுக்கு ஒரு வடை என்று சாப்பிட நினைத்து ஒரு செட் ஆர்டர் செய்தது நொடிகளில் காலியாகும் என்று நினைக்கவேயில்லை. இன்னொரு ப்ளேட் ஆர்டர் பண்ணிரலாமா ஜி? என்று ராமசந்திரனிடம் கேட்டேன். இருங்க தோசை எப்படி இருக்குனு பார்த்துட்டு ஆரடர் செய்வோம் என்ற போதே அவர் கையில் இருந்த டோக்கன் வைப்ரேட் ஆக ஆரம்பிக்க. ஓப்பன் மசாலா வெண்ணெய் தோசையை எடுத்து வைத்தார்கள். 

அட அட அட. ஊத்தப்பம் சைஸ் தோசை. அதன் மேல் நம்மூரில் போடுவது போல நைஸாய் அரைத்த பொடியாய் இல்லாமல் கொஞ்சம் நரநரவென பருப்பு தட்டுப்படும் அளவி/ர்கான பொடி. அதிக காரமில்லை. அதன் மேல் உருளைக்கிழங்கு மசாலா. அதை சுற்றி லேசான மல்லி கார்னிஷிங். அதன் மேல் ஒரு தேக்கரண்டு வெண்ணெய். தோசை வேறு ஆவி பறக்க இருப்பதால் அதன் சூட்டில் மேலே உள்ளே வெண்ணைய் அப்படியே மசாலாவோடு தோசையில் உறிஞ்சப்பட்டு, மெல்ல வெண்ணெயின் பளபளப்பு தோசையை ஒரு விள்ளல் பிட்டவுடன் கையில் ஒட்டிக் கொண்ட வெண்ணெயே சாட்சி. கூடவே தக்காளி குருமா வேறு கொடுத்திருந்தார்கள். ஒரு விள்ளல் கார சட்னியோடு, இனனொரு விள்ளல் சாம்பார் சட்னியோடு, அடுத்தது குருமாவோடு, அடுத்தது மசாலாவோடு என சாப்பிட்டுக் கொண்டிருந்தேன். அட்டகாசமான சுவை. குறிப்பாய் மேலே போடப்பட்டிருந்த பொடியோடு சாப்பிடும் போது அதில் ஏற்கனவே சொன்னது போல நரநரத்த பொடி மேலும் சுவையைக் கூட்டியது. ஆனால் இதை சாப்பிட்டு முடித்த போது வயிறு போதும் என்று சொல்லிவிட்டது. நல்ல வேளை வேறு எதுவும் ஆர்டர் செய்யவில்லை. முழு தோசையை வெண்ணெய் உருக பார்த்த போது ஒரு செக்சியான பெண்ணைப் பார்த்தது போல இருந்தது.

காபி கவுண்டர் தனி. நாட்டுசக்கரை, சக்கரை போட்டு தருகிறார்கள். சக்கரையில்லா காப்பி கேட்டாலும் தருகிறார்கள். ஹைதை போல எல்லாவற்றிலும் ஏற்கனவே சர்க்கரை போட்டு எல்லாம் தருவதில்லை. ராமேச்வரம் கஃபேயின் வெற்றிக்கு முக்கிய காரணமாய் நான் கருதுவது. முதலில் சுவை. சாப்பிட்ட பின் வயிற்றுக்கு எந்த உபாதையும் செய்யவில்லை. இரண்டாவது ப்ராம்ப்ட் சர்வீஸ். என்ன தான் செல்ஃப் சர்வீஸ் என்று வைத்துவிட்டாலும் உணவு வகைகளை தயாரித்து கொடுப்பதாகட்டும் இடத்தை உடனடியாய் க்ளீன் செய்வ்வதாகட்டும் எனக்கு நம்மூர் சரவணபவனை தான் நியாபகப்படுத்தியது. எப்படி இருந்த சரவணபவன். ம்ஹும். இவர்கள் இன்றைய தேதிக்கு 5 லட்சம் ஒரு ப்ராஞ்சு செய்வது எல்லாம் ஆச்சர்யமே இல்லை. விலையும் அத்தனை அதிகம் இல்லை என்றே சொல்வேன். இரண்டு ஓப்பன் தோசை, வடை ஒரு ப்ளேட், மூன்று கப் சாம்பார், இரண்டு காப்பிக்கு மூன்னூற்று சொச்சம் தான் பில்.  நல்ல தரமான வெஜ் டிபன் வகையாராக்களை பெங்களூருவில் சாப்பிட விரும்பினால் ஐ ரெகமெண்ட் ராமேஸ்வரம் கஃபே.

சாப்பாட்டுக்கடை - வளையம்பட்டியார் மெஸ்

இந்தக் கட்டுரை வீடியோ போடுவதற்காகப் போய் ஷூட் செய்துவிட்டு, வேற லெவல், சூப்பர் என்று எழுதப்பட்டது அல்ல. 

மெஸ்கள் புகழ் பெற ஆரம்பித்தவுடன் யார் உணவகம் ஆரம்பித்தாலும் கூடவே மெஸ் என்று போட்டுக் கொள்ளும் பழக்கம் உருவாக ஆரம்பித்து பல வருடங்கள் ஆகிவிட்டது. மெஸ் என்பது சுவையில் தனித்தன்மையுடன், பெரிய லக்‌ஷரியாய் இல்லாமல், மிக நியாயமான விலையில் இருப்பது. அனால் மெஸ் என்று வைத்துக் கொண்டு 5 ஸ்டார் ஓட்டல் ரேட்டை வைத்துக் கொண்டு கல்லா கட்டிக் கொண்ட்டிருக்கும் காலத்தில் புதியதாய் வளையம்பட்டியான் மெஸ். அதுவும் மெஸ்களின் தலைமயிடமான திருவல்லிக்கேணியில் நண்பர் ஆசிப் ஆரம்பிக்கப் போவதாய் சொன்னவுடன் ஆச்சர்யமாய்த்தான் இருந்தது. 

முதல் நாள் போன போது ஏகப்பட்ட கூட்டம் விருந்தினர்கள் பல பேர் வந்திருந்தார்கள். நிறைய அயிட்டங்களை வரிசைப்படுத்தி வைத்திருந்தார்கள். ஆனால் அத்தனை கூட்டத்திலும் எனக்கு மிகவும் பிடித்தது தலைக்கறியும், அதன் குழம்பும், கூடவே குடல் குழம்பை அத்தனை சுவையாய் கொடுத்திருந்தார்கள். செஃப் ஹரி நாமக்கல்காரர்.  ஆரம்பித்து சுமார் இரண்டு மாதங்களுக்கு மேல் ஆகிவிட்டது. 

மதிய சாப்பாட்டு தினமும், மட்டன், சிக்கன், மீன் குழம்பு, தலைக்கறி குழம்பு, ரசம், தயிர் மற்றும் பொரியல் வகைகளுடன் ஆரம்பித்தது. நல்ல அரிசி, மட்டன் குழம்பு அதிக மசாலா இல்லாமல், நன்கு வெந்த மட்டனின் வாசத்துடன் கெட்டியாய் கொடுத்தார்கள். சிக்கன் குழம்பும் அதே போலத்தான். இதில் அதிர வைத்தது தலைக்கறி குழம்பு. இதுவரை சாப்பிடாதவர்கள் மிஸ் செய்யாதீர்கள். அட்டகாசமான சுவை.. காரம், மணம், சுவை எல்லாமே சரியான அளவில் டிவைன். மீன் குழம்பும் அதே போலத்தான் அதிகமான கவிச்சி வாடையில்லாமல் அளவான புளிப்புடன், காரத்துடனும் இருந்தது. கடைசியாய் கெட்டித்தயிர் ஒரு சின்ன சட்டியில் தருகிறார்கள். மொத்த அளவில்லா சாப்பாடு வெறும் 120 ரூபாய்தான். 

அடுத்து இவர்களின் ஸ்பெஷாலிட்டி சைட் டிஷ்கள். குறிப்பாய், மட்டன் சுக்கா. சின்ன பீஸ்களாய் நன்கு வெந்த மட்டன். பெப்பர் தூக்கலாய் அட்டகாசமாய் இருந்தது அடுத்து சிக்கன் பிச்சிப் போட்டது என்று ஒரு தருகிறார்கள். ஆனால் இவர்களில் வைத்திருக்கும் பெயர் சிக்கன் ஸ்ப்ரே.. ஒரு முழு பீஸ் கோழியை நன்கு மேரினேட் செய்து வைத்துவிட்டு, அதை கேட்கும் போது பிய்த்துப் போட்டு, நல்ல கிரிஸ்பாய் அதில் லேசாய் வெங்காயம் மற்றும் கறிவேப்பிலையை கலந்து நல்ல மனத்துடன் தருகிறார்கள். அட்டகாசமான சைட்டிஷ். 

சிக்கன் சிந்தாமணி. அண்ட் பள்ளிப்பாளையம் ஆஸ் யூஷுவல் குறை நிறையென ஏதுமில்லை. சிந்தாமணி சின்னச் சின்னத் துண்டுகள் நன்கு மேரினேட் செய்யப்பட்டதினால் அதன் மசாலா நன்கு உள்ளே போய் கூடுதல் சுவையை கொடுத்தது. 

போட்டி. பெரும்பாலும் பல ஹோட்டல்களில் போட்டியை அவாய்ட் செய்துவிடுவேன். ஏனென்றால் அதை ஒழுங்காய் க்ளீன் செய்து சமைக்க மாட்டார்கள் என்கிற எண்ணம். ஆனால் இவர்களின் போட்டி செம்ம. அதுவும் லேசாய் க்ரீமியாய் தருகிறார்கள். போட்டி ரசிகர்கள் அதை ஒரு சின்ன கவளம் சோற்றில் போட்டு சாப்பிட்டுப்பாருங்கள்.

மட்டன் சுக்கா, நுரையீரல், சுவரொட்ட்டி எல்லாம் இவர்களின் ஸ்பெஷல் அயிட்டஙக்ள். சுவரொட்ட்டிக்க்கு முன்பே சொல்லி வைத்தால் தான் கிடைக்கும். மீன் வகைகளில் வச்சிரம், கனவாய் எல்லாம் வைத்திருக்கிறார்கள். பாண்டிச்சேரி ஒயின்ஸ் ஷாப்பில் கொடுக்கும் கனவாய்க்கு ஈடாய் வேறு எங்கும் சாப்பிட்டதில்லை. இங்கு அதே டேஸ்டில். எறா தொக்கும் ப்ரையும் மிகச் சிறப்பு. குறிப்பாய் குண்டு குண்டாய் எறாவை போடாமல் இருந்தது மிகவும் நன்றாய் இருந்தது. 

இரவு நேரத்தில் மட்டன், சிக்கன் மற்றும் எறா தோசை வெறும் முட்டையையும், மசாலாவையும் போட்டு ஆங்காங்கே சிதறவிடப்பட்ட பீஸ்களூடன் இல்லாமல் நன்கு வெந்த பீஸ்களூடன், நல்ல தடிமனான பீஸா போல வெங்காயம் மசாலா, மற்றும் முட்டையோடு அருமையான சுவை. கூடவே கெட்டிக் குழம்பு, மட்டன் தலைக்கறி க்ரேவி, மற்றும் சிக்கன் க்ரேவியோடு, மற்றும் சட்னியும் இருக்கிறது. 

நண்டு ஆம்லெட், எறா ஆம்லெட், என விதவிதமான கடல்வாழ் உயிரினங்களை ஆம்லெட் போட்டுத் தருகிறார்கள். கிட்டத்தட்ட தோசையைப் போல இருக்கிறது. கொஞ்சம் ஆம்லெட் தனமாய் இல்லாமல் கல் தோசைப் போல இருப்பதால் அத்தனை  பாராட்டை தர முடியவில்லை. அதே போல இவர்களது ஞாயிறு ஸ்பெஷலான நாட்டுக்கோழி சீரக சம்பா பிரியாணி. சீரக சம்பா பிரியாணியின் வாசம் அருமையாய் இருந்தாலும், மசாலா அத்தனை சிறப்பாய் இல்லாததால் ரொம்பவே ப்ளண்டாக இருந்தது. குறைகளை அவர்களிடமும் சொல்லிவிட்டு வந்துவிட்டேன். நண்பர்கள் சில இங்கேயிருந்து ஆர்டர் செய்து சாப்பிட்டுவிட்டு நேரிடையாய் அங்கேயே போய் சாப்பிடும் அளவுக்கு ரசிகர்களாகிவிட்டார்கள். 

ஒரு முக்கியமான விஷயம் என்னவென்றால் மெயின் டிஷ்ஷிலிருந்து சைட் டிஷ் வரை எல்லாமே 120-200 ரூபாக்குள் தான். நிஜமான மெஸ் தரம் மற்றும் விலையுடன். நீங்களும் டிரை பண்ணிப்பாருங்க.

வளையம்பட்டியார் மெஸ்

அக்பர் தெரு

திருவல்லிக்கேணி  

சாப்பாட்டுக்கடை - குக்கிராமம்

 குக்கிராமம். பெயரே வித்யாசமாய் இருக்க அண்ணாநகரில் இருக்கிறது என்றார்கள். முழுவதும் ஆர்கானிக் உணவு மட்டுமே என்றிருக்க முதல் பயமே விலை வச்சி செய்யப் போறாங்க என்பதுதான்.  இடம் ஒரு சின்ன பார்க் போல இருந்தது. ஒரு பழைய பில்டிங்கில் உள்ளே ஆர்கானிக் பொருட்களின் ஸ்டோராகவும், வெளியே உணவகமாகவும் செயல்பட்டுக் கொண்டிருந்தது. உள்ளே நுழையும் முன்னே வாசலில் ஒரு கோயில் மணி தொங்க விட்டிருந்தார்கள். வழக்கமாய் பிட்ஸா கடைகளில் தான் இம்மாதிரி பாத்திருக்கிறேன். போகும்போது உணவும், உங்க பரிமாறலும் நன்றாக இருந்தது என்று மெட்டபராய் சொல்ல வைத்திருப்பார்கள். அது போல இங்கேயும் தொங்குகிறதே? என்று ஆச்சர்யமாய் உள்ளே போனேன். 

மெனு லிஸ்ட் எதிர்பார்த்ததை விட பெருசாகவே இருந்தது. முதலில் ஏதாவது ஸ்டார்டரிலிருந்து ஆரம்பிப்போம் என வெங்காயப்பூ ப்ரையில் ஆரம்பித்தோம். நல்ல ஆர்கானிக் வெங்க்கயத்தை போட்டு கிரிஸ்பியான ரிங்க் பக்கோடா வெங்காயம் வாயில் வைத்தவுடன் கரைந்ததால் அடுத்ததாய் புடலங்காய் செய்யப்பட்ட ஸ்டார்டர் ஆர்டர் செய்தோம். புடலங்காயை எப்படி அத்தனை சுவையாய் செய்ய முடியும் என்று தெரியவில்லை. நீர் சத்து உள்ள காய் அதை வெங்காயப்பூ போல போட்டுக் கொடுத்ததும் அருமையாய் இருந்தது.

அடுத்ததாய் இட்லி தக்காளி நல்லெண்ணெய் குழம்பு ஆர்டர் செய்திருந்தோம். நல்ல ஆர்கானிக் தக்காளியோடு, அது நாட்டுத்தக்காளியாய் இருக்கும் போல நல்ல புளிப்பும் அதே நேரத்தில் கொஞ்சம் காரமும் சேர்ந்திருக்க, மொத்த குழம்பையும் ஆர்கானிக் நல்லெண்ணெய்யில் சமைத்திருந்தார்கள். குழம்பு இட்லியில் ஊறியிருக்க, மெல்ல தக்காளி மற்றும் நல்லெண்ணெய் மணமும் நாசியில் ஏற அட்டகாசமான ஒரு அனுபவத்தை கொடுத்தது. நல்லெண்ணெய்ய்யின் சுவை அடடா

பூரி என மில்லட் பூரி வகைகள் வைத்திருந்தார்கள். வழக்கமான பூரிக்கு கொடுக்கும் கிழங்குதான். மில்லட் பூரி என்பதைத் தாண்டி ஒன்றும் பெரிதாய் பீல் செய்ய முடியவில்லை. மில்லட் அடை அட்டகாசமாய் இருந்தது.  சைசில் சின்னதாய் இருந்தாலும் சுவையில் பெரிதாய் இருந்ததும் நான்கைந்து சட்னி வைகள் மற்றும் அவியலோடு தந்தார்கள். நல்ல சுவை. அண்ட் க்ரிஸ்பி ஆல்சோ

விதவிதமான மில்லட் தோசைகள் நிறைய மசாலா மிக்ஸ்க்களோடு தருகிறார்கள். ஏனோ எனக்கு தோசை வகைகளை சுவைத்துப் பார்க்க விருப்பம் வர வில்லை. அதற்கு காரணம் விலை என்பதாய் கூட இருக்கலாம். 120 லிருந்து 170 வரை வைத்திருக்கிறார்கள். நிச்சயமாய் நல்ல தரமான உணவை தருகிறார்கள். எல்லா அயிட்டங்களிலும் பெஸ்ட் தக்காளி ந்ல்லெண்ணெய் குழம்பு தான். டிவைன். கிளம்பி வரும் போது வாசலில் தொங்கிய மணி அடிக்க கை தானாகவே  நீண்டு கயிற்றைப் பிடித்து அடித்தது. 

சாப்பாட்டுக்கடை - உபவிஹார் - அண்ணாநகர்

 பென்ன தோசை சாப்பிடுவதற்காக கோவா செல்லும் வழியில் ஓர் ஊரில் இரவு தங்கி, விடியற்காலையில் அந்த ஊர் பென்ன தோசைக்கு பேமஸ் என்பதால் முதல் தோசையை சாப்பிட்டு கிளம்பிவர்கள் நாங்கள். அப்படியான பென்னை தோசை சென்னையில் கிடைக்கிறது என்று கேள்விப்பட்ட போது கண்களில் அந்த செந்நிறமாய் மடிக்கப்பட்ட தோசை கண் முன் நிழலாடியது. கர்நாடக பென்னை தோசைக்கு உள்ளே வைத்துத் தரும் மசால் இன்னொரு சுவாரஸ்யம் என்றாலும் தோசையின் மேல் வெண்ணையை வைத்து அது உருகிய பின் பிய்த்து சாப்பிடும் சுவை இருக்கிறதே அட அட அட..  அப்படியான ஒரு தோசை சென்னையில் கிடைக்கும் இடம் எது என்று தேடியதில் பெங்களூர் டிபன் செண்டர் என்று ஒன்றைப் பார்த்தோம் படு திராபையான உணவு. கூடவே தண்ணி பாட்டில் வாங்க சொல்லி திட்டு வாங்கிக் கொண்டார்கள். தொடர் தேடல் புதிதாய் ஒரு கடை அண்ணாநகரில் திறந்திருக்கிறார்கள் என்றதும் வண்டியை விட்டோம்

அண்ணாநகர் டவர் பார்க் மெட்ரோ பார்க்கிங்கில் தான் கடை ஆரம்பித்திருக்கிறார்கள். சின்னக் கடை தான். ஏகப்பட்ட கூட்டம். டிபிக்கல் கர்நாடக அயிட்டங்களை வகைப்படுத்தியிருந்தார்கள். தட்டே இட்லி, கார பாத், பிஸிபேளா பாத், பூரி, பென்னே தோசை, மசாலா பென்னே தோசை என இருபதுக்கும் மேற்பட்ட அயிட்டங்கள். பில் போட பெரிய க்யூ நின்றது. அதே நேரத்தில் பரபரவென அயிட்டங்கள் டெலிவரியும் ஆகிக் கொண்டிருக்க, நாங்களும் க்யூவில் நின்றோம். ஒரு பென்னை தோசை, கார பாத் ஆர்டர் செய்தோம். தோசைக்கு டோக்கை கொடுத்துவிட்டு, காரபாத்தை உடனே கொடுத்தார்கள். டிபிக்கல் தித்திப்பு சாம்பார். கார சட்னியும் தேங்காய் சட்னியும் கொடுத்தார்கள். கார பாத் ஆஸ் யூஸுவல் பெங்களூரில் சாப்பிட்டது போல இருந்தது. சிறிது நேரம் கழித்து டோக்கன் நம்பர் சொல்லி கூப்பிட்டு பென்ன தோசை கொடுத்தார்கள். பார்ப்பதற்கே கவர்ச்சிக் கன்னி போல இருந்தது தோசை. நல்ல ரோஸ்டாகி, பென்னை மேலே பளபளவென தெரிய, க்ரிஸ்பான பென்னெ தோசை. அபாரமான சுவையோடு இருந்தது.

மற்றொரு நாள் அதே பென்னை தோசையோடு, பிஸிபேளாபாத் ஆர்டர் செய்திருந்தோம். பிஸிபேளாபாத் என்றால் நம்மூரில் சாம்பார் சாதத்தை தருவார்கள். அதையே சாம்பார் சாதம் என்றும், பிஸிபேளா பாத் என்று அழைப்பார்கள். இரண்டிற்கு ஆறு வித்யாசமில்லை. ஒரு வித்யாசம் கூட இருக்காது. கொஞ்சமே கொஞ்சம் சமைக்க தெரிந்தவன் பிஸிபேளாவில் கொஞ்சம் தனியா அள்ளிப் போட்டிருப்பான் அவ்வளவுதான். ஆனால் இவர்களது பிஸி பேளா கெட்டியாகவும் இல்லாமல், தண்ணீராகவும் இல்லாமல் அட்டகாசமான மிக்ஸரில் இருக்க, சுவை ஆஸ்யூஷ்வல் தித்திப்பு சுவையோடு, கர்நாடக பிஸி.  இன்னமும் ரவா தோசை சாப்பிடவில்லை. செளசெள பாத் சாப்பிடவில்லை. விரைவில் அதையும் ஒரு கை பார்த்துவிடுவோம். என்ன க்யூவில் நிற்க தயாராக வேண்டும். அதே போல சாப்பிட இரண்டே இரண்டு டேபிள்கள் தான் அதுவும் நின்ரு கொண்டு சாப்பிடும் முறையில் இன்னும் நான்கைந்து டேபிள்கள் போடலாம். நல்ல தரமான சுவையான டிவைனான கர்நாடக திண்டிக்கு "உபவிஹார் அண்ணாநகர்

சாப்பாட்டுக்கடை - தோசை மாமா கடை -வீழ்ந்த கதை

 தோசை மாமா கடையைப் பற்றி "வேற லெவல்" கடை என்று வீடியோ போடாத ஃபுட் ரிவ்வியூவர்களே கிடையாது என்று  சொல்லலாம். அதோடு அங்கே சாப்பிடச் சென்றால் பெரிய க்யூவில் நிற்க வேண்டும். க்யூவைத் தாண்டி அவர் அப்படி சமைப்பார். இப்படி சமைப்பார். செம்ம சுவை என்றெல்லாம் வீடியோவில் சொல்லாத ஆள் இல்லை. அவரின் கடையில் க்யூவே இல்லாத காலத்திலேயே நான் சாப்பிட்டிருக்கிறேன். அத்தனை கூட்டமெல்லாம் இருக்காது.

கூட்டத்திற்கு காரணம் அவரின் தோசை தயாரிப்பு முறைதான். அவரே தோசை மாவு கரைப்பார். அவரே தோசை ஊற்றுவார். அவரே பொடி எல்லாம் போடுவார். அவரே எண்ணைய் ஊற்றுவார். அவரே பார்சலுக்கு பணம் வாங்குவார். அவரே தோசை சுட்டு அதை ப்ளேட்டில் வைத்து சாம்பார் சட்டினி எல்லாம் ஊற்றி கொடுப்பார். அவரே சாப்பிட்ட தட்டுக்களை கழுவி வைப்பார். அது மட்டுமில்லாமல் பத்துக்கும் மேற்பட்ட வகை தோசைகள் வைத்திருப்பார். அதனால் இன்னும் அதற்கான பிரிபரேஷன்கள் ஒவ்வொரு தோசைக்கும் மாறுபடும் பட்சத்தில் நேரம் எடுக்கத்தான் செய்யும். இத்தனைக்கும் க்யூவில் வரவில்லையென்றால் கொடுக்க மாட்டார். கொஞ்சம் முகம் காட்டுவார். இத்தனையும் அவரே செய்வதால் நேரம் ஆகத்தான் செய்யும். கூடவே யூட்யூபர்களின் வருகை அவருடய கடைக்கு ஆட்களை அதிகம் பேர் கொண்டு வர, க்யூ பெரிதானது. காத்திருப்பு நேரம் அதிகமானது. அவருடய உழைப்பும் அதிகமானது. வருமானம் அதிகம் ஆகியும் அவர் ஆட்களை போட்டுக் கொள்ளாமலேயே கடை நடத்தினார். இன்னும் கூட்டம் அதிகமானது. ஒன்பதரை பத்துக்கு பிறகு இத்தனை பேருக்கு மேல் தோசை கிடையாது என்று சொல்லி திரும்பி அனுப்பும் அளவிற்கு பிஸினெஸ் வளர்ச்சி ஆனது. சில யூட்யூப்களில் பேட்டி எல்லாம் கொடுத்தார் மாமா. ravichandran என்கிற அவரின் பெயரே தோசை மாமா ஆனது. இந்த வளர்ச்சி தான் அவரை  கீழே விழச் செய்ததும் என்று சொல்ல வேண்டும். ஏனென்றால் அவரின் தோசையின் டேஸ்ட் என்று சொல்லப் போனால் அத்தனை சிலாக்கியமான தோசையெல்லாம் இல்லை. வேறே லெவல்.. வேற லெவல் என்று சொல்லிய தோசையை அரை மணி நேரம் காத்திருந்து சாப்பிட்டதும் அதை நல்லா இல்லை என்று சொன்னால் நம்மை ஃபுட்டி லிஸ்ட்டில் சேர்த்துக் கொள்ள மாட்டார்கள் என்கிற ஆதங்கத்தீல் அவர்கள் பாராட்டித் தொலைப்பார்கள்.  ஆனால் மாமாவின் தோசை சாதாரண கையேந்தி பவன் தோசைக்கு எந்தவிதமான குறைவுமில்லாத தோசை தான். அதிலும் பொடி எல்லாம் போட்டு சல்லீசான விலையில் வீட்டு தோசைக்கு நிகராய் இருக்கும்.

இவரிடம் போய் இன்னும் எத்தனை நாளைக்குத்தான் இந்த வண்டி கடையிலேயே இருப்பீங்க? என்று யாரோ சொல்லி விட்டிருப்பார்கள் போல. தள்ளுவண்டிக்கடையை ஏறக்கட்டிவிட்டு, சாலிகிராமத்தில் தோசை மாமா கொஞ்சம் பெரிய உணவகமாய் திறந்தார். நல்ல விஷயம் தானே.. எத்தனை நாள் தள்ளுவண்டிக் கடையாகவே இருப்பது. நல்லதுதான் ஆனால் சில கடைகள் சின்னதாய் இருக்கும் பட்சத்தில் மட்டுமே வேலைக்காகும். பெரிதாய் ஆக, ஆக அதன் மேல் உள்ள ஈர்ப்பு குறைந்து நத்திங் ஸ்பெஷல் இல்லை என்பது தெரிந்துவிடும். அப்படியானது இவர்களது தோசை மாமா தோசை கடை இன் சாலிகிராமம். சாலிக்கிராமத்தில் ஆரம்பித்த சில நாட்களிலேயே மேற்கு மாம்பலத்தில் இன்னொரு சின்ன கிசோக்ஸ் கடை ஒன்று திறந்தார்கள். என்னாடா அதுக்குள்ள ரெண்டு கடையா? என்று ஆச்சர்யப்பட்டேன். கடை ஆரம்பித்த நாட்களில் ப்ராண்ட் அம்பாசிட்டர் போல கடையில் நிற்க வைத்தார்கள். கொஞ்சம் கொஞ்சமாய் வழக்கம் போல நார்த் ஈஸ்ட் ஆட்கள் தோசை போட ஆரம்பித்தார்கள். 30ரூபா தோசை 60 ஆனது. பின்பு சாலிகிராமத்தில் அவரை காண்பது அரிதானது. சரி ஒரு வேளை மேற்கு மாம்பலம் கடையில் இருப்பாரோ என்று கேட்ட போது அவர் இப்போது வருவதில்லை ஆனால் அவரது ரெஸிப்பி தான் ஃபாலோ செய்கிறோம் என்றார்கள். சிரித்தேன். அவரது ரெசிப்பியே சிங்கிள் மேன் ஷோதான். அதுதான் ஸ்பெஷல். என்று மனதிற்குள் சொல்லிக் கொண்டு கிளம்பினேன். தோசை மாமாவின் தோசையை விட வெகு சுமாராய் இருந்தது. யாரோ இவரை ப்ராண்டாய் வைத்து காசு பார்க்க ஆசைப்பட்டு இவரை போட்டு பார்த்துவிட்டார்கள் என்றே தோன்றியது. வெகு சீக்கிரத்திலேயே சாலிக்கிராமம் மற்றும் மேற்கு மாம்பலம் கடைகள் மூடப்பட்டது. 

மீண்டும் தோசை மாமா அதே தள்ளுவண்டிக்கடையில் ஆரம்பித்துவிட்டார் அவரது அயராத உழைப்பை. முன்பு அளவிற்கு கூட்டமெல்லாம் இல்லை. சகாய விலை. அயராத உழைப்பு. நத்திங் ஸ்பெஷல் இல்லையென்றாலும் அவரது உழைப்புத்தான் ஸ்பெஷல் என்பதால் மக்களின் அன்பு அவரை தோசை மாமா ஆக்கியது. தோசை உள்ளவரை தோசை மாமாவின் பெயர் நிலைக்கும். 

சாப்பாட்டுக்கடை - முத்து வடை கடை

விருகம்பாக்கத்தில் அலுவலகம் ஆரம்பித்த அன்று அக்கம் பக்கம் என்னென்ன கடைகள் இருக்கிறது என்று ஒரு ரவுண்ட் அடித்தேன். நல்லதாய் ஒரு டீக்கடை இல்லாத ஏரியா எது என்றால் அது விருகம்பாகக்ம் ஏரியாதான். கொஞ்சம் சின்மயா நகர் பக்கம் போனால் கருப்பட்டிக் காப்பி கார்பரேட் காப்பி ஹவுஸ் லெவலுக்கு கடை போட்டிருக்கிறார்கள்  அதைப் பற்றி பிறகு எழுதுகிறேன். இந்த முத்து வடைக்கடையை பார்த்ததும் கடையில் போய் கேட்ட போது மாலை தான் திறப்பார்கள் என்றார்கள்.  ஆபீஸ் பசங்களிடம் நான்கு மணிக்கு போய் ஒரு நடை பார்த்துவிட்டு வரச் சொல்லியிருந்த போது இப்போ தான் அடுப்பு எல்லாம் செட் செய்றாங்க.  கூட்டமா வேற இருக்கு என்றார். என்னாது வடை கடைக்கு கூட்டமா? என்று நானே கிளம்பிப் போனேன். நிஜமாகவே நல்ல கூட்டம் அவர் வடை வறுக்கும் சட்டியையே உற்றுப் பார்த்துக் கொண்டிருந்தார்கள். 

மசால் வடை போட்டிருந்தார். அடுப்பிலிருந்து எடுத்த மாத்திரத்தில் எல்லா வடையும் பார்சல் போய்விட, கட்டங்கடைசியாய் ஒரே ஒரு வடை இருக்க அதை நான் ஆவலாய் எடுத்து ஒரு கடி கடித்தேன். மசால் வடையில் பெரும்பாலும் வெங்காயத்தை கொஞ்சம் தீய வைக்கும் அளவிற்கு வடை முறுகலாய் வர வேண்டும் என்பதற்காக வேக வைப்பார்கள். இவரின் வடையில் அப்படி வெங்காயம் தீயாமல் பொன்நிறத்தில் வரும் போது எடுத்து விடுகிறார். சமீபத்தில் அத்தனை க்ரிஸ்பியாய் ஒரு வடையை  சாப்பிட்ட நியாபகமே இல்லை. சரியான பதத்தில் அரைக்கப்பட்ட மாவு. கொஞ்சம் ஆறியவுடன். அதை சாதத்தோடு பிய்த்து போட்டு சாப்பிட்டால் சாப்பாட்டின் நடுவே கருக்முறுக்கென பருப்பு வாயில் அரைபடும். அட்டகாசமான சுவையை தரும். 

மாசல் வடையே இப்படி என்றால் கூடவே இனிப்பு சூய்யம். அளவான தித்திப்போடு வெல்லம் போட்ட சூய்யம். மெதுவடை. எண்ணைய் வடித்து  பின் அரைச்சூட்டில் சாப்பிட்டுப் பாருங்கள் வாயில் கரையும். பட்டாணி சுண்டல் மசால் வடை காம்பினேஷன் இன்னும் அட்டகாசமாய் இருக்கும். 

மதியத்தில் சாம்பார், லெமன், தக்காளி, தயிர், வெஜிட்டபிள் சாதங்கள் வெறும் 30 ரூபாய்க்கு கூடவே தொட்டுக் கொள்ள மசால் வடை.. அத்தனை தரமாய் இருக்கும். என்ன நெய் போடுறேன். வெண்ணெய் போடுறேன்னு எல்லாம் இருக்காது. நல்ல வீட்டு சாப்பாடு போல இருக்கும். என் அலுவலகத்திற்கு வரும் பல செலிப்ரெட்டிகளுக்கு நான் மணி அண்ணன் கடையிலிருந்து சாம்பார் சாதம் தயிர் சாதம் வாங்கிக் கொடுத்திருக்கேன். சாப்பிட்ட மாத்திரத்தில் அவர்கள் கேட்ட முதல் கேள்வி எங்க இருக்கு இந்த ஓட்டல் என்பதுதான். கூடவே வடை வேறு கேட்கவா வேண்டும். 

இந்த வடைக்கடை இருந்த இடத்தில் கொரோனாவுக்கு முன் அண்ணன் முத்து பஞ்சர் கடை வைத்திருந்திருக்கிறார்.  கொரோனாவுக்கு பின் தான் இந்த வடை கடை. மெல்ல மாலைக்கடை மதியக்கடையாகியிருக்கிறது. மிகவும் அன்பான, வெள்ளந்தியான மனிதர் அண்ணன் முத்து. அவரு மனசு போலவே அவரு கொடுக்குற சாப்பாடும். ஒரு காலத்தில் மதுரவாயில் பகுதியில் அற்புதமான மீன் குழம்பு சாப்பாடு போட்டு கடை சூப்பராய் பிக்கப் ஆகும் நேரத்தில் ரோடு அகலப்படுத்தியதில் அவரது கடைபோய் ஆரம்பித்த இடத்திற்கே வந்தவர் இப்போது மீண்டும் அவரது கை மணத்தில்  

ஆவிச்சி ஸ்கூலுக்கு பக்கத்தில் கோயம்பேடு போக பஸ் எல்லாம் நிற்கும் அந்த இடத்தில் ஒரு சிறு கடை தான் இந்த மணி வடை கடை. டோண்ட் மிஸ்.  அத வடை நிஜமாவே டிவைன் தான்.

கேபிள் சங்கர்.

முத்து வடை கடை

காமராஜர் சாலை

விருகம்பாக்கம்.